Génesis 10:4 - Q'eqchi Bible

⁴ A'aneb' a'in li ralal xk'ajol laj Jabán: laj Elisá, laj Tarsis, laj Kitim ut laj Rodanim.

Li Santil hu

⁴ Ut aꞌaneb aꞌin lix cꞌabaꞌeb li ralal laj Javán: laj Elisa, laj Tarsis, laj Quitim ut laj Dodanim.

Génesis 10:4 ပူးပေါင်းရင်းမြစ်များ

Daniel 11:30

Naab'aleb' laj Kitim te'chalq sa' jukub' chi yalok rik'in, ut k'ajo'aq xxiw naq taa'eleliq. Li awab'ej re Siria q'axal wi' chik kaw tixyal xsachb'al xwankil li xpaab'aal li xtenamit li Yos, rik'in xpaab'ankil raatineb' li neke'tz'eqtaanank re li Sumwank.

Isaías 23:12

Ut xye re li Tenamit Sidón: “Misaho'k chik aach'ool, at muxb'il tuq'ixq. Waklin ut ayu Kitim; ab'anan chi moko aran tatwanq sa' tuqtuukilal”.

Isaías 23:1

Resilal li rahilal tixk'ul li tenamit Tiro: Yaab'anqex, ex jukub' re Tarsis, xb'aan naq xjuk'e'k li na'ajej nekexhilank wi'. Naq yookeb' chaq chi sutq'iik Kitim, xe'rab'i resil a'in.

Números 24:24

Te'chalje'q poych'iich' toj Kitim, ut te'xrahob'tesi eb' laj Asur ut eb' laj Eber, ab'anan eb' a'an ajwi' te'oso'q chi junajwa”, chan.

Ezequiel 27:25

Eb' li jukub' re Tarsis neke'xtaaqe chaq rib' chi xk'amb'al chaq aawe li k'iila k'ay. «Chanchanat jun li jukub' sa' xyi li palaw, li q'axal naab'al li riiq.

Ezequiel 27:12

K'ajo' li yakok neke'xb'aanu eb' laj Tarsis aawik'in xb'aan xk'ihal chixjunil laab'ihomal: neke'xjal ru rik'in plaat, q'unch'iich', saqich'iich' ut li raxch'iich'.

Génesis 10:5

Rik'ineb' a'in ke'xtikib' tenamito'k eb' li na'ajej sutsuukeb' xb'aan li palaw. A'aneb' a'in li ralal laj Jafet, ak xna'aj xna'aj, ak raatinob'aal raatinob'aal li junjunq, ak riyajil riyajil ut ak xtenamit xtenamit li junjunq.

1 Crónicas 1:7

Eb' li ralal xk'ajol laj Jabán a'aneb': laj Elisá, laj Tarsis, laj Kitim ut laj Rodanim.

Ezequiel 27:6

Eb' li che' natiikisimank wi' li jukub' ke'yiib'aak rik'in aakute' kichalk chaq Basán; yaw ke'xtz'ap wi' sa' laab'een, Kitim kik'ame'k chaq li che' a'an, ut uutz'u'ujinb'il rik'in marfil.

Ezequiel 27:7

Uutz'u'ujinb'il t'ikr liino yiib'anb'il chaq Ejiipt, a'an li nab'eresink aawe chiru ha' ut nak'anjelak ajwi' cho'q aaweetalil; li t'ikr namuheelank aawe a'an raxchoxa ut kaqmoyink rilb'al, sa' li tenamit Elisá kik'ame'k chaq.