Génesis 1:31 - Q'eqchi Bible

³¹ ut li Yos kiril chixjunil li xb'aanu: a'an q'axal chaab'il. Ki'ewuuk ut kisaqewk: a'an li xwaq li kutan.

Li Santil hu

³¹ Ut li Dios quiril nak tzꞌakal re ru chixjunil li quixba̱nu. Ut qui-oc li kꞌojyi̱n ut quisake̱u. Aꞌan li xcuak li cutan.

Génesis 1:31 ပူးပေါင်းရင်းမြစ်များ

1 Timoteo 4:4

Xb'aan naq chixjunil li xyoob'tesihom li Yos a'an chaab'il ut maajun tzekemq naru xtz'eqtaanankil wi taak'ulmanq rik'in yoxink,

Salmos 104:24

K'ajo' xk'ihal laab'aanuhom, at Qaawa'! Xab'aanu chixjunil rik'in xnimal aana'leb'; nujenaq li ruuchich'och' rik'in chixjunil laayoob'tesihom!

Éxodo 20:11

Xb'aan naq chiru waqib' kutan li Qaawa' kixb'aanu li choxach'och', li palaw ut chixjunil li wank chisa', ut sa' li xwuq li kutan kihilank. Jo'kan naq li Qaawa' kirosob'tesi li kutan sábado ut kixsantob'resi.

Salmos 104:31

Junelik taxaq loq'oninb'ilaq xk'ab'a' li Qaawa'! Chisaho'q xch'ool li Qaawa' rik'in li xb'aanuhom!

Lamentaciones 3:38

Naqak'ul li us ut li ink'a' us, xb'aan naq jo'kan naraj li Qaawa'.

Li xHu LAJ JOB 38:7

naq saheb' sa' xch'ool chi b'ichank eb' li chahim toj eq'la ut yookatqeb' chi xajok eb' li ánjel?

Génesis 2:2

Sa' xwuq li kutan li Yos kixraq chixjunil li xk'anjel li xb'aanu, ut kihilank.

Génesis 1:23

Ki'ewuuk ut kisaqewk: a'an li ro' li kutan.

Génesis 1:8

Li Yos “choxa” kixk'e cho'q xk'ab'a' li kupku. Ki'ewuuk ut kisaqewk: a'an li xkab' li kutan.

Génesis 1:5

“kutan” kixk'e cho'q xk'ab'a' li saqenk ut “q'oqyink” cho'q xk'ab'a' li aak'ab'. Ki'ewuuk ut kisaqewk: a'an li xb'een li kutan.

Génesis 1:19

Ki'ewuuk ut kisaqewk: a'an li xka li kutan.

Génesis 1:13

Ki'ewuuk ut kisaqewk: a'an li rox li kutan.

1 Timoteo 4:5

xb'aan naq santob'resinb'il xb'aan raatin li Yos ut xb'aan li tijok.

Éxodo 31:17

A'anaq jun reetalil cho'q we ut cho'q reheb' laj Israel, xaqxooq xwankil chi junajwa”. Xb'aan naq chiru waqib' kutan li Qaawa' kixb'aanu li choxach'och', ut sa' li xwuq li kutan kihilank ut kik'ulunk xch'ool.

Salmos 104:28

Laa'at nakak'e reheb', ut eb' a'an neke'xk'ul; nakate laawuq', ut neke'k'ojlaak xch'ool.

Salmos 119:68

Laa'at chaab'ilat ut jwal aj usilanelat; chak'ut taxaq chiwu laachaq'rab'.

Proverbios 16:4

Chixjunil li xyoob'tesihom li Qaawa', wank xyaalal. A' ajwi' li ink'a' us xna'leb' yoob'tesinb'il cho'q re li raqb'a aatin.

Eclesiastés 3:11

Naq li Yos kixyoob'tesi li ruuchich'och', kixyiib' chixjunil chi chaab'il, ut kixk'uub' tz'aqal sa' xq'ehil. Xk'e ajwi' sa' qach'ool xrahinkil li xtawb'al ru k'aru xk'ulmank ut taak'ulmanq. Ab'anan laa'o ink'a' nokooruuk xtawb'al ru chixjunil li xb'aanuhom li Yos.

Génesis 2:3

Toja' naq li Yos kirosob'tesi li xwuq li kutan ut kixsantob'resi, xb'aan naq aran kihilank chirix chixjunil li yoob'tesink kixb'aanu.

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.