Génesis 1:29 - Q'eqchi Bible

²⁹ Kixye ajwi' li Yos: “K'ehomaq reetal, xink'e eere chixjunil li awimq li wankeb' riyajil sa' ruuchich'och'. Xink'e ajwi' chixjunil li che' li neke'uuchink ut wankeb' riyajil. A'anaq leetzekemq.

Li Santil hu

²⁹ Ut quixye ajcuiꞌ: —Xinqꞌue e̱re chixjunil li acui̱mk li cuan saꞌ ruchichꞌochꞌ. Xinqꞌue e̱re li acui̱mk li cuan riyajil. Joꞌcan ajcuiꞌ chixjunil li cheꞌ li nau̱chin ut naxqꞌue riyajil re nak ta̱cua̱nk le̱ tzacae̱mk.

Génesis 1:29 ပူးပေါင်းရင်းမြစ်များ

Génesis 9:3

Chixjunil li na'eek'ank ut wank xyu'am te'k'anjelaq cho'q eetzekemq: chixjunil a'in tinq'axtesi eere jo' naq ak k'eeb'il eere li awimq.

Salmos 24:1

Xsaalm laj David. Li Qaawa' a'an laj eechal re li choxach'och' ut chixjunil li wank chisa'.

Hechos 17:28

xb'aan naq rik'in li Yos yo'yooko, nokoo'eek'ank ut wanko, jo' ajwi' wank xe'yehok sa' eeyanq: «Relik chi yaal naq ralal xk'ajolo li Yos».

Hechos 14:17

us ta maajun sut kixkanab' xk'utb'al rib' rik'in xhoyb'al chaq li rusilal sa' xb'eeneb' chixjunileb'; toj sa' choxa naxtaqla chaq li hab' ut li ru leerawimq sa' xq'ehil, ut naxk'ojob' eech'ool rik'in tzekemq ut sahil ch'oolej.

Salmos 147:9

A'an nak'ehok xwa eb' li ketomq ut naxch'oolaniheb' li ral li tz'oq naq yookeb' chi yaab'ak.

Salmos 136:25

A'an li nak'ehok xtzekemq li jo'k'ihal yo'yookeb', li xnimal xrahom wank chi junelik!

San Mateo 6:11

Chak'e ta qe hoon li qawa re rajlal kutan,

Li xHu LAJ JOB 36:31

Jo'ka'in li Yos na'ilok reheb' li tenamit, ut naxk'e xtzekemqeb' chi yo'oon.

Génesis 2:16

ab'an li Yos kixk'e li chaq'rab' a'in re li winq: “Naru teetzeka li ru chixjunileb' li che' li wank arin sa' li awimq;

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Oseas 2:8

“Ab'an a'an ink'a' naxnaw naq laa'in ajwi' nink'ehok re li xtriiw, li xb'iin ut li xchaab'il aseeyt; laa'in xink'ehok re naab'al li xplaat ut li x'oor li xyiib'ahom wi' laj Bahal.

Isaías 33:16

A'an taawanq sa' jun na'ajej najt xteram, taahilanq sa' jun kawub'resinb'il ochoch, ut taawanq xwa ruk'a' chi junelik.

Salmos 146:7

A'an naraqok aatin chirixeb' li rahob'tesinb'ileb' ut naxk'e xwaheb' li te'tz'okaaq. Li Qaawa' narach'ab' li wankeb' sa' tz'alam,

Salmos 115:16

Ka'ajwi' li Qaawa' laj eechal re li choxa, ab'an li ruuchich'och' q'axtesinb'il sa' ruq' li winq!

Salmos 111:5

Kixk'e xtzekemq eb' li neke'paab'ank re, ut junelik wank sa' xch'ool li xloq'laj Sumwank.

1 Timoteo 4:3

Eb' a'an te'xye naq ink'a' us li sumlaak ut wank tzekemq ink'a' us xtzekankil, cha'qeb'. A'ut li Yos kixyoob'tesi chixjunil li tzekemq re naq eb' laj paab'anel ut eb' li neke'xnaw chi us li yaal, te'xtzeka rik'in b'anyoxink.

Génesis 6:21

Taach'utub' ut taak'uula chixjunil li k'a'aq chi tzekemqil re naq taak'anjelaq cho'q eewa laa'ex ut xwaheb' ajwi' li xul”, chan li Yos.