Génesis 1:28 - Q'eqchi Bible

²⁸ Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Li Santil hu

²⁸ Li Dios quirosobtesiheb aꞌan ut quixye reheb: —Chicua̱nk le̱ cocꞌal ut chexqꞌuia̱nk toj retal nak ta̱nujak li ruchichꞌochꞌ. La̱ex textakla̱nk saꞌ xbe̱n chixjunil li cꞌaꞌru cuan. Textakla̱nk saꞌ xbe̱neb chixjunil li xul li cuanqueb saꞌ li haꞌ joꞌ ajcuiꞌ li cuanqueb chiru choxa ut li cuanqueb saꞌ ruchichꞌochꞌ, chan.

Génesis 1:28 ပူးပေါင်းရင်းမြစ်များ

Génesis 9:1

Li Yos kirosob'tesi laj Noé ut eb' li ralal xk'ajol, ut kixye reheb': “Chiwanq eeralal eek'ajol, chexk'ihanq ut chenujob'resi li ruuchich'och'.

Génesis 9:7

Chiwanq naab'al leeralal eek'ajol, chexk'ihanq, chexpukanq sa' ruuchich'och' ut chiwanq eewankil sa' xb'een”.

Levítico 26:9

Laa'in tinb'aanu usilal eere ut texink'e chi k'ihank; junelik xaqxooq xwankil linSumwank eerik'in.

Génesis 1:22

Li Yos kirosob'tesiheb' ut kixye reheb': “Chex'alanq, chexk'ihanq ut chenujob'resi li ha' sa' palaw. Che'k'ihanq eb' li xik'anel xul sa' ruuchich'och'”.

Isaías 45:18

Xb'aan naq jo'ka'in naxye li Qaawa', laj yoob'tesihom re li choxa, A'an tz'aqal Yos, li kik'uub'ank ut kiyiib'ank re li ruuchich'och', ut kixk'ojob' sa' xna'aj; moko kixyiib' ta chi maak'a' xyaalal, re b'an naq taatenamito'q: “Laa'in li Qaawa' ut maak'a' chik junaq chiwu laa'in.

Génesis 17:20

Xwab'i ajwi' li xapatz' chirix laj Ismael. Matk'oxlak. Twosob'tesi, tink'e chi pukank eb' li ralal xk'ajol. A'anaq jun nimla tenamit ut a'anaq ajwi' xyuwa' kab'laju chi xninqal ru winq.

Génesis 8:17

Chawisi ajwi' chixjunileb' li jar paay chi xul li wankeb' aawik'in: eb' li neke'rupupik, eb' li ketomq ut eb' li neke'xjukuki rib' chiru ch'och', re naq te'xcha'cha'i rib' yalaq b'ar, te'alanq ut te'k'ihanq sa' ruuchich'och'”.

Salmos 107:38

Li Qaawa' kirosob'tesiheb' ut q'axal ke'k'ihank; ink'a' kixk'e chi lajk eb' li xketomq.

1 Crónicas 4:10

Laj Yabés kitijok chiru li xYos laj Israel ut kixye: “At Qaawa', nintz'aama chawu naq chinaawosob'tesi ut taak'e junaq inch'och' numtajenaq nim. Chinaatenq'a taxaq ut chinaakol chiru li maa'usilal, re naq ink'a' tin'iloq rahilal”, chan. Ut li Yos kixk'e re li k'aru kixpatz'.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 17:16

Twosob'tesi ut taawanq aak'uula'al rik'in. Twosob'tesi ut a'anaq xna'eb' naab'al chi tenamit; ut wanqeb' x'awab'ej tenamit li te'elje'q rik'in”.

Génesis 49:25

sa' xk'ab'a' li xYos laayuwa', xb'aan naq a'an taatenq'anq aawe; sa' xk'ab'a' li Nimajwal Yos, xb'aan naq a'an taa'osob'tesinq aawe rik'in rosob'tesinkil li choxa toj taqe'q, rik'in rosob'tesinkil li xchamal li palaw ut rosob'tesinkileb' li ixq li neke'alank ut neke'tu'resink.

1 Crónicas 26:5

laj Amiel, li xwaq; laj Isakar, li xwuq; ut laj Pehultay, li xwaqxaq. Li Yos kirosob'tesi laj Obededón rik'in naab'aleb' li ralal xk'ajol.

Génesis 33:5

Tikto kixtaqsi li rilob'aal ut, naq kirileb' li ixq ut eb' li xkok'al, kixye: “Aniheb' a'in li neke'ochb'eenink aawe?”. “A'aneb' li ralal laj k'anjel chawu li ke'k'ehe'k re xb'aan li Qaawa'”, chan laj Jakob.

Génesis 24:60

Ke'rosob'tesi lix Rebeka ut ke'xye re: “At qanab', chatk'ihanq chi k'iila o'q'ob', ut eb' laawalal aak'ajol che'eechaninq re li xtenamiteb' li xik' neke'ilok reheb'”.

Salmos 69:34

Xb'aan naq li Qaawa' narab'iheb' li neb'a', ut ink'a' naxtz'eqtaana li xtenamit tz'aptz'ookeb' sa' tz'alam.

Li xHu LAJ JOB 42:12

Ut li Yos k'ajo' naq kirosob'tesi laj Job; q'axal wi' chik naab'al kixk'e re chiru li kik'ehe'k re junxil: kaalaju mil xkarneer, waqib' mil xkameey, wiib' mil xb'ooyx ut jun mil xb'uur.

1 Timoteo 4:3

Eb' a'an te'xye naq ink'a' us li sumlaak ut wank tzekemq ink'a' us xtzekankil, cha'qeb'. A'ut li Yos kixyoob'tesi chixjunil li tzekemq re naq eb' laj paab'anel ut eb' li neke'xnaw chi us li yaal, te'xtzeka rik'in b'anyoxink.

Génesis 5:2

Teelom ut ixq naq ke'yoob'tesiik. Li Yos kirosob'tesiheb' ut “poyanam” kixk'e cho'q xk'ab'a'eb' sa' li kutan ke'yoob'tb'esiik wi'.

Salmos 8:6

Kach'in chik maa jo' yos naq xaayoob'tesi, xak'e xloq'al ut xwankilal re awab'ejink.

Génesis 6:1

Naq ke'ok chi k'ihank li poyanam sa' ruuchich'och', kilaje'wank xrab'ineb'.

Li xHu LAJ JOB 39:11

Ma taak'ojob' aach'ool rik'in naq jwal kaw xmetz'ew ut yo'oon tatxtenq'a?

Salmos 8:7

Xaxaqab' chi taqlank sa' xb'eeneb' laab'aanuhom ut xaq'axtesi chixjunil rub'el roq rub'el ruq':

Salmos 115:16

Ka'ajwi' li Qaawa' laj eechal re li choxa, ab'an li ruuchich'och' q'axtesinb'il sa' ruq' li winq!