Génesis 1:21 - Q'eqchi Bible

²¹ Li Yos kixyoob'tesiheb' li ninqi kar li wankeb' sa' palaw ut chixjunileb' li xul li neke'xjukuki rib' chiru ch'och', li neke'xjuyuyi rib' sa' ha', a' yaal chanru li xpaayil, ut chixjunileb' li xul li neke'rupupik, a' yaal chanru li xpaayil. Ut li Yos kiril naq us a'an.

Li Santil hu

²¹ Ut li Dios quixyoꞌobtesiheb li ni̱nki car ut chixjunileb li xul li cuanqueb saꞌ haꞌ, aꞌ yal cꞌaꞌru chi xulil. Ut quixyoꞌobtesi ajcuiꞌ li xul li nequeꞌrupupic, aꞌ yal cꞌaꞌru chi xulil. Li Dios quiril nak us li quixba̱nu.

Génesis 1:21 ပူးပေါင်းရင်းမြစ်များ

Génesis 1:25

Li Yos kixyoob'tesi chixjunileb' li xul li wankeb' sa' k'iche', a' yaal chanru li xpaayil, chixjunileb' li ketomq, a' yaal chanru li xpaayil, ut chixjunileb' li xul li neke'xjukuki rib' chiru ch'och', a' yaal chanru li xpaayil. Ut kiril naq us a'an.

Génesis 8:19

Ke'elk ajwi' chi ch'uutil sa' li jukub' kab'l chixjunileb' li xul, li ketomq, eb' li xik'anel xul ut li neke'xjukuki rib' chiru ch'och'.

Génesis 8:17

Chawisi ajwi' chixjunileb' li jar paay chi xul li wankeb' aawik'in: eb' li neke'rupupik, eb' li ketomq ut eb' li neke'xjukuki rib' chiru ch'och', re naq te'xcha'cha'i rib' yalaq b'ar, te'alanq ut te'k'ihanq sa' ruuchich'och'”.

Éxodo 8:3

B'ulb'utq li nima' chi amoch: te'taqe'q chaq ut tule'okje'q sa' laawochoch, sa' laawarib'aal ut sa' laach'aat, sa'atqeb' li rochoch eb' laj tenq' aawe ut sa'atqeb' li rochoch laatenamit, sa'atqeb' laa'oorn ut k'uuleb'aal tzekemq.

Éxodo 1:7

ab'anan eb' laj Israel ke'alank ut ke'naab'alo'k. K'ajo' naq ke'k'ihank ut ke'xtaw xwankilaleb': ke'xnujob'resi chixjunil li tenamit!

Génesis 9:7

Chiwanq naab'al leeralal eek'ajol, chexk'ihanq, chexpukanq sa' ruuchich'och' ut chiwanq eewankil sa' xb'een”.

Génesis 7:14

rochb'eenatqeb' li jar paay chi xulil, chixjunileb' li ketomq, li jar paay chi xul li neke'xjukuki rib' chiru ch'och' ut eb' li neke'rupupik chiru choxa, chixjunileb' li jar paay chi aj xik'anel xul.

Génesis 6:20

Jun sumalaq li junjunq chi xul li neke'rupupik, jun sumalaq li jar paay chi ketomq, jun sumalaq li junjunq chi xul neke'xjukuki rib' chiru ch'och' te'ok aawochb'een re naq te'kole'q.

Li xHu LAJ JOB 26:5

Eb' li kamenaq neke'siksotk rub'el li ch'och', neke'xiwak toj sa' xchamal li palaw.

Li xHu LAJ JOB 7:12

K'a'ut naq nikinaak'aak'ale chi jo'kan? Ma laa'in tab'i' li xtz'i'b'eetal xulil li palaw?

Génesis 1:31

ut li Yos kiril chixjunil li xb'aanu: a'an q'axal chaab'il. Ki'ewuuk ut kisaqewk: a'an li xwaq li kutan.

Génesis 1:18

re xb'eresinkil li kutan ut li q'oqyink, jo' ajwi' re xjek'b'al li saqenk rik'in li aak'ab'. Ut li Yos kiril naq us a'an.

San Mateo 12:40

Jo' naq kiwank chaq laj Jonás sa' xsa' li nimla kar oxib' kutan ut oxib' q'oqyink, jo'kan ajwi' taawanq li K'ajolb'ej sa' xch'ool li ch'och' oxib' kutan ut oxib' q'oqyink.

Jonás 1:17

Li Qaawa' ak xkawresihom jun nimla kar re tixnuq' laj Jonás, ut a'in kiwank sa' xsa' li nimla kar chiru oxib' kutan ut oxib' q'oqyink.

Ezequiel 32:2

“At kaamel winq, b'icha li b'ich a'in re rahil ch'oolej chirix laj Parahón, li awab'ej re Ejiipt, ut ye re chi jo'ka'in: «Chanchanat li kaqkoj sa' xyanqeb' li tenamit; kama'at li xyuwa'il ayin sa' li palaw: nakatb'atz'unk sa' laanima', nakasulule ru ut nakayeq'i rik'ineb' laawoq.

Jonás 2:10

Toja' naq li Qaawa' kixtaqla li nimla kar chi xxa'wankil laj Jonás chi ch'och'el.

Génesis 1:20

Kixye li Yos: “Chib'ulb'utq li ha' xb'aaneb' li xul, ut che'rupupiq li xik'anel xul sa' xb'een li ruuchich'och' ut chiru choxa”.

Génesis 1:22

Li Yos kirosob'tesiheb' ut kixye reheb': “Chex'alanq, chexk'ihanq ut chenujob'resi li ha' sa' palaw. Che'k'ihanq eb' li xik'anel xul sa' ruuchich'och'”.

Génesis 9:2

Chiwanq eexiwankil xb'aan chixjunileb' li xul li wankeb' sa' ruuchich'och': eb' li xul li neke'rupupik chiru choxa, eb' li neke'xjukuki rib' chiru ch'och' ut chixjunileb' li kar li wankeb' sa' palaw te'kanaaq sa' eeruq'.

Salmos 148:7

Chenima ru li Qaawa' chalen toj arin sa' ruuchich'och' chejunilex li xninqal xul ut li xchamal jul re li palaw,

Génesis 2:19

Toja' naq li Qaawa' Yos kixyoob'tesi rik'in ch'och' chixjunileb' li xul li wankeb' sa' li pim ut chixjunileb' li neke'rupupik chiru choxa, ut kixk'ameb' rik'in li winq re rilb'al k'aru tixk'e cho'q xk'ab'a'eb': li k'ab'a'ej li tixk'ul li junjunq chi xul, a'an li taanawe'q wi' ru.

Li xHu LAJ JOB 12:7

Ab'an patz'on reheb' li xul wankeb' chiru ch'och' malaj chiru choxa; xtzolaqateb' a'an.