Génesis 1:16 - Q'eqchi Bible

¹⁶ Li Yos kixb'aanu li wiib' xninqal saqenk: li nim, a'an aj k'amol xb'e li kutan ut li kach'in a'an aj k'amol xb'e li q'oqyink. Kixb'aanu ajwi' eb' li chahim

Li Santil hu

¹⁶ Li Dios quixyi̱b li sakꞌe ut li po re teꞌxcutanobresi ru li ruchichꞌochꞌ. Li sakꞌe aꞌan li kꞌaxal nim li nalemtzꞌun chiru li cutan ut li po aꞌan li nacutanobresin chiru li kꞌojyi̱n. Ut quixyi̱b ajcuiꞌ eb li chahim.

Génesis 1:16 ပူးပေါင်းရင်းမြစ်များ

Deuteronomio 4:19

Naq taawil li choxa, li saq'e, li po, eb' li chahim ut chixjunil li wank chiru choxa, maak'e aawib' chi b'alaq'iik chi moko taawiq'ib' aawib' chiruheb' chi xloq'oninkileb' ru, xb'aan naq li Qaawa' laaYos kixyiib' eb' a'an re naq te'k'anjelaq chiruheb' chixjunil li tenamit wankatqeb' junsut junrub'el choxa.

Salmos 8:3

Rik'in xyaab' xkuxeb' li neke'tu'uk ut eb' li k'uula'al xak'ojob' laawankil re xtz'apb'al xsa' reheb' li xik' neke'ilok aawe, re xsachb'al xwankil eb' laj q'etol aatin li neke'raj eeqajunk.

Isaías 40:26

Taqsihomaq leerilob'aal sa' choxa ut ilomaq: ani xk'uub'ank re chixjunil a'an? A' li najek'ink reheb' li chahim chi tzol sa' xna'aj ut naxb'oqeb' li junjunq rik'in xk'ab'a'. Q'axal nim xwankil ut k'ajo' li xkawilal, ut maajun reheb' naxmuq rib' chiru.

Salmos 148:5

Chek'e xloq'al li xk'ab'a' li Qaawa' chejunilex, xb'aan naq ki'aatinak, ut jo'kan ki'uxk;

Salmos 74:16

Aawe li kutan, aawe ajwi' li q'oqyink, laa'at katxaqab'ank re sa' xna'aj li po ut li saq'e;

Salmos 148:3

Saq'e ut po, chenima ru li Qaawa'; ex chahim li nekexlemtz'unk taqe'q, chenima ru li Qaawa'.

Li xHu LAJ JOB 38:7

naq saheb' sa' xch'ool chi b'ichank eb' li chahim toj eq'la ut yookatqeb' chi xajok eb' li ánjel?

1 Corintios 15:41

Jun wi' li xlemtz'unkil li saq'e ut jalan wi' li re li po, jalan wi' li reheb' li chahim. Ut jalan jalanq li xlemtz'unkil li junjunq chi chahim.

San Mateo 27:45

Chalen wa'leb' toj sa' oxib' honal ki'aak'ab'o'k sa' xb'een chixjunil li ruuchich'och'.

Habacuc 3:11

Li saq'e ut li po xe'kanaak sa' li xna'ajeb' naq xe'ril li xlemtz'unkil li ral laasimaj ut naq xxamlotk laajutz'che'.

Isaías 45:7

Laa'in ninyoob'ank re li kutan ut li aak'ab', ninb'aanu li usilal jo'wi' li rahilal. Laa'in li Qaawa' ninb'aanunk re chixjunil a'in.

Isaías 13:10

Eb' li chahim chiru choxa ink'a' chik te'saqeno'q ru, li saq'e taaq'oqyino'q ru chi junpaat ut li po ink'a' chik tixkutanob'resi li ruuchich'och'.

Salmos 19:6

ut chanchan junaq b'eelomej li na'elk sa' xwarib'aal, nasaho'k sa' xch'ool li saq'e naq na'elk chaq eq'la, kama' junaq aj aanilanel li naxchap xb'e chi aanilak.

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.

Isaías 24:23

Naq li Qaawa', li Nimajwal Yos, taa'awab'ejinq sa' li tzuul Sión ut Jerusalén, li po ut li saq'e te'q'oqyino'q ru ut eb' laj k'amol b'e te'ril li xloq'al li Qaawa'.

Li xHu LAJ JOB 31:26

Naq xwil li xlemtz'unkil li saq'e ut li xch'ina'usal li po nab'eek chiru choxa,

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Génesis 1:15

ut te'lemtz'unq chiru li choxa re xkutanob'resinkil li ruuchich'och'”. Ut jo'kan ki'uxk.

Jeremías 31:35

Jo'ka'in kixye li Qaawa', li kixk'e li saq'e cho'q xsaqenk li kutan, li po ut eb' li chahim cho'q xsaqenkil li q'oqyink, ut na'eek'asink re li palaw re naq kaw taa'ab'imanq li xkaw oq; li Qaawa', li Nimajwal Yos, a'an li xk'ab'a':