Génesis 1:12 - Q'eqchi Bible

¹² Kiyo'laak li che'k'aam chiru li ch'och': raxpim li wank riyajil, a' yaal chanru li xpaayil, ut eb' li che' li neke'uuchink ut wankatqeb' riyajil, a' yaal chanru li xpaayil. Ut li Yos kiril naq us a'an.

Li Santil hu

¹² Quicuan li rax pim saꞌ ruchichꞌochꞌ. Li pim naxqꞌue riyajil aꞌ yal cꞌaꞌru chi pimul. Ut joꞌ ajcuiꞌ li cheꞌ nau̱chin ut cuan riyajil aꞌ yal cꞌaꞌru chi cheꞌil. Ut li Dios quiril nak us li quixba̱nu.

Génesis 1:12 ပူးပေါင်းရင်းမြစ်များ

San Marcos 4:28

Li ch'och' na'uuchink xjunes rib'; xb'enwa naq'unq'utk, chirix a'an natz'utujink, moqon na'uuchink chi naab'al.

San Lucas 6:44

Rik'in li naruuchin, li che' nanawe'k ru. Ink'a' nasik'mank li iig sa' li k'ix, chi moko li uub' sa' li pajl.

Gálatas 6:7

Meeb'alaq'i eerib', li Yos ink'a' naru xb'atz'unenkil: li k'aru naraw li winq, a'an ajwi' li tixq'ol.

2 Corintios 9:10

Li nak'ehok iyaj re laj awinel jo'wi' li wa re tzekaak, tixk'e ajwi' eeriyaj ut tixtamb'resi; tixk'ihob'resi li naruuchin li xchaab'ilal leech'ool.

Isaías 61:11

Jo' naq li ch'och' naxk'e chi yo'laak chixjunil li che'k'aam ut namoqk li loq'laj iyaj sa' li xna'aj li awimq, jo'kan ajwi' naq li Qaawa' tixk'e chi moqk li tiikilal, ut chixjunileb' li tenamit te'b'ichanq re.

Hebreos 6:7

Li ch'och' li naxk'ul li hab' chi kok'aq xsa' ut chaab'il li awimq naxk'e cho'q reheb' laj k'alom, yo chi tz'aqonk rik'in li rosob'tesihom li Yos.

Génesis 1:11

kixye chi jo'ka'in: “Chiwanq che'k'aam chiru li ch'och': a' li pim li taawanq riyajil ut eb' li che' li te'uuchinq ut te'wanq riyajil sa' ruuchich'och', a' yaal chanru li xpaayil”. Ut jo'kan ki'uxk.

Génesis 1:13

Ki'ewuuk ut kisaqewk: a'an li rox li kutan.

Salmos 104:14

Nakak'e chi moqk li pach'aya' cho'q xwaheb' li ketomq, ut neke'yo'laak li che' li neke'k'anjelak re li winq, re naq tixtaw sa' li ch'och' li xwa ruk'a':