Génesis 1:11 - Q'eqchi Bible

¹¹ kixye chi jo'ka'in: “Chiwanq che'k'aam chiru li ch'och': a' li pim li taawanq riyajil ut eb' li che' li te'uuchinq ut te'wanq riyajil sa' ruuchich'och', a' yaal chanru li xpaayil”. Ut jo'kan ki'uxk.

Li Santil hu

¹¹ Li Dios quixye: —Chicua̱nk li rax pim saꞌ ruchichꞌochꞌ, chan. Li acui̱mk ta̱u̱chi̱nk ut ta̱cua̱nk riyajil. Ut eb li cheꞌ teꞌu̱chi̱nk ut teꞌcua̱nk riyajil, aꞌ yal cꞌaꞌru li riyajil li junju̱nk. Ut quicꞌulman joꞌ quixye li Dios.

Génesis 1:11 ပူးပေါင်းရင်းမြစ်များ

Hebreos 6:7

Li ch'och' li naxk'ul li hab' chi kok'aq xsa' ut chaab'il li awimq naxk'e cho'q reheb' laj k'alom, yo chi tz'aqonk rik'in li rosob'tesihom li Yos.

Salmos 147:8

A'an namoyok li choxa rik'ineb' li choql, naxkawresi li hab' cho'q re li ch'och' ut nak'ehok chi yo'laak li raxpim sa'atqeb' li loq'laj tzuultaq'a.

Génesis 1:29

Kixye ajwi' li Yos: “K'ehomaq reetal, xink'e eere chixjunil li awimq li wankeb' riyajil sa' ruuchich'och'. Xink'e ajwi' chixjunil li che' li neke'uuchink ut wankeb' riyajil. A'anaq leetzekemq.

Génesis 2:9

Li Qaawa' Yos kixk'e chi moqk sa' li ch'och' chixjunil li jar paay chi che'ul q'axal ch'ina'us rilb'aleb' ut us chi tzekaak. Sa' xyi xna'aj li awimq kixk'e ajwi' li che' re li yu'am ut li che' re xnawb'al li us ut li ink'a' us.

San Marcos 4:28

Li ch'och' na'uuchink xjunes rib'; xb'enwa naq'unq'utk, chirix a'an natz'utujink, moqon na'uuchink chi naab'al.

San Mateo 6:30

Wi li Yos jo'ka'in naq naxtiqib' li pim li wank anaqwan chiru tzuultaq'a ut wulaj taakutmanq sa' xam, ma ink'a' tab'i' q'axal numtajenaq chik tixb'aanu eere laa'ex li kach'in ajwi' leepaab'aal?

Li xHu LAJ JOB 28:5

Sa' xb'een li ch'och' na'elk li qatzekemq, ab'an chi rub'el nawulk'utk chaq li xam.

Salmos 1:3

Chanchaneb' jun toon chi che' awb'il chire roq nima', li na'uuchink sa' xq'ehil ut ink'a' natz'umaak li xxaq: us neke'elk rik'in chixjunil li neke'xb'aanu.

Génesis 2:5

toj maak'a' chaq li pim chiru li ch'och', toj maji' namoqk chaq li awimq, xb'aan naq li Qaawa' Yos toj maji' naxk'e chaq li hab' sa' xb'een li ruuchich'och' chi moko wankeb' ta winq li te'k'anjelanq re li ch'och'.

Santiago 3:12

Ex was wiitz'in, li xche'el li iig ma taaruuchin tab'i' li aseytuun? Ut li xtoonal li uub' ma taaruuchin tab'i' li iig? Jo'kan ajwi' li k'ahil ha' ink'a' naru tixk'e ki'il ha'.

San Mateo 3:10

Ak wank li maal sa' xtoonaleb' li che'; ut chixjunil li che' ink'a' chaab'il li ru naxk'e, taayok'manq ut taakutmanq sa' xam.

Jeremías 17:8

Chanchanaq jun toon chi che' awb'il chire nima', li naxe'enk toj sa' roq li nima'. Maak'a' naxk'ul naq natiqwo'k li saq'e, chi moko natz'umaak li xxaq; ink'a' nak'oxlak naq nawulak li saq'ehil ut maajun wa naxkanab' li uuchink.

Génesis 2:16

ab'an li Yos kixk'e li chaq'rab' a'in re li winq: “Naru teetzeka li ru chixjunileb' li che' li wank arin sa' li awimq;

1 Corintios 15:38

Chirix chik a'an li Yos taak'uub'anq re li ratz'um jo' naraj xch'ool, ak ratz'um ratz'um naxk'e re li junjunq chi iyaj.

Génesis 1:12

Kiyo'laak li che'k'aam chiru li ch'och': raxpim li wank riyajil, a' yaal chanru li xpaayil, ut eb' li che' li neke'uuchink ut wankatqeb' riyajil, a' yaal chanru li xpaayil. Ut li Yos kiril naq us a'an.

Isaías 61:11

Jo' naq li ch'och' naxk'e chi yo'laak chixjunil li che'k'aam ut namoqk li loq'laj iyaj sa' li xna'aj li awimq, jo'kan ajwi' naq li Qaawa' tixk'e chi moqk li tiikilal, ut chixjunileb' li tenamit te'b'ichanq re.