Gálatas 4:3 - Q'eqchi Bible

³ Jo'kan ajwi' laa'o: naq toj saajo chaq, koowank rub'el xwankil li xna'leb' li ruuchich'och'.

Li Santil hu

³ Joꞌcan ajcuiꞌ la̱o. Junxil chanchano cocꞌal. Cocuan rubel xcuanquil li najter naꞌleb nak toj ma̱jiꞌ nakanau bar cuan li ya̱l.

Gálatas 4:3 ပူးပေါင်းရင်းမြစ်များ

Colosenses 2:20

Wi eerech kamik li Kriist chiru li ruuchich'och'il na'leb', k'a' put naq leeyu'am kama' wi' li toj wank sa' ruuchich'och', k'a'ut naq nekek'ulub'an eb' li chaq'rab' a'in:

Colosenses 2:8

Chek'e reetal, maa'ani chira'lenq eere rik'in b'alaq' aj na'leb' li maak'a' rajb'al, yal xyehomeb' li winq, ruuchich'och'il na'leb' ut maawa' li naraj li Kriist.

Gálatas 4:9

A'ut anaqwan xenaw ru li Yos, malaj a'an b'an xnawok eeru laa'ex. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik?

Gálatas 2:4

Wankeb' ke'xch'ik rib'eb' sa' qayanq ut neke'xye rib' naq qas qiitz'ineb', a'aneb' li ke'ok chi muqmu re xk'eeb'al reetal li xnimal usilal wanko wi' sa' xk'ab'a' li Kristo Jesus, re raj qak'eeb'al rub'el xwankil li Chaq'rab'.

Gálatas 4:31

Jo'kan utan, ex was wiitz'in, maawa'o ralal xk'ajol li loq'b'il ixq, ralalo b'an li ach'ab'anb'il ixq.

Hechos 15:10

K'a' put naq anaqwan teeraj xyalb'al rix li Yos rik'in xk'eeb'al sa' xb'eeneb' laj paab'anel jun li iiq ink'a' xqakuy xpaqonkil laa'o chi moko eb' li qana' qayuwa'?

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

San Juan 8:31

Kixye li Jesus reheb' laj Judiiy li ke'paab'ank re: —Wi junelik eetz'ejwalihom eerib' rik'in li waatin, tz'aqal intzolomex;

Hebreos 7:16

maawa' aj tij yal sa' xk'ab'a' xchaq'rab' li winq, sa' xk'ab'a' b'an xwankil jun li yu'am li ink'a' nalajk na'oso'k.

Gálatas 4:25

xb'aan naq li tzuul Sinaí wank aran Arabia. Lix Agar a'an reetalil li Jerusalén wank anaqwan, k'ayinb'il chi k'anjelak kama' ajwi' eb' li ralal xk'ajol.

Gálatas 3:19

K'a' put aj e li Chaq'rab' chi jo'kanan? Xb'aan li q'etok aatin naq kik'eemank, toj reetal taak'ulunq li ralal laj Abrahán li kiyehe'k wi' li yeechi'om a'in. Li Chaq'rab' kixaqab'aak xwankil xb'aaneb' li ánjel ut xb'aan jun aj oksinel aatin.

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Romanos 7:14

Naqanaw naq li Chaq'rab' a'an musiq'anb'il xb'aan li Yos, ut laa'in yal winqin, k'ayinb'ilin cho'q xmoos li maak.

2 Corintios 11:20

Nekekuy naq junaq nekexk'e chi moosil ut naq junaq naxmaq' chixjunil cheru, narelq'a li k'aru eere, naxq'etq'eti rib' ut nekexsak' chi xnaq' eeru.

Gálatas 4:2

Toj wank rub'el xwankil laj k'iiresinel ut laj ilol re, toj toxtaw xq'ehil xaqab'anb'il xb'aan li xyuwa'.

Gálatas 4:8

Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos.

Gálatas 4:24

Wank xyaalal chixjunil a'in: li wiib' chi ixq a'aneb' reetalil wiib' chi Sumwank. Li xb'een, a' li k'ojob'anb'il sa' xb'een li tzuul Sinaí, a'an lix Agar, xna'eb' li wankeb' chi b'ak'b'o,

Hebreos 5:12

Laa'ex aj tzolonelex raj chik anaqwan xb'aan naq ak k'iila kutan chik eerokik; ab'an aajel ru naq toj taak'ute'q wi' chik cheru li na'leb' xetzol sa' xtiklajik chirix li Raatin li Yos; toj tento taak'eemanq eere li q'unil tzekemq ut ink'a' li kawil tzekemq.