Gálatas 3:8 - Q'eqchi Bible

⁸ Najter q'e kutan li Santil Hu ak naxnaw naq li Yos tixtiikob'resi xch'ooleb' li maawa'eb' aj Judiiy sa' xk'ab'a' li paab'aal. Jo'kan naq junxilaj kixye li chaab'il esil a'in re laj Abrahán: “Sa' aak'ab'a' osob'tesinb'ilaqeb' chixjunil li tenamit”.

Li Santil hu

⁸ Najter kꞌe cutan nak toj ma̱jiꞌ nacꞌulun resil li evangelio saꞌ ruchichꞌochꞌ, ac cuan saꞌ xchꞌo̱l li Dios nak ta̱ti̱cobresi̱k xchꞌo̱leb li ma̱cuaꞌeb aj judío nak teꞌpa̱ba̱nk. Joꞌcan nak tzꞌi̱banbil saꞌ li Santil Hu li quixye li Dios re laj Abraham: Saꞌ a̱cꞌabaꞌ la̱at osobtesinbilakeb chixjunileb li tenamit. (Gén. 12:3)

Gálatas 3:8 ပူးပေါင်းရင်းမြစ်များ

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

Génesis 22:18

Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 18:18

Laj Abrahán a'anaq jun xnimal ru tenamit q'axal kawaq rib'. Sa' xk'ab'a' a'an osob'tesinb'ilaqeb' chixjunil li tenamit sa' ruuchich'och'.

Hebreos 4:2

Laa'o qak'ulum jun li chaab'il esilal, kama' ajwi' naq ke'xk'ul eb' a'an. Ab'an li aatin ke'rab'i maak'a' ki'ok wi' reheb', xb'aan naq ink'a' ke'paab'ank ut ink'a' ke'xjunaji rib' rik'ineb' li ke'ab'ink re.

Gálatas 3:22

Ab'an li Santil Hu kixch'utub' chixjunil rub'el xwankil li maak re naq li xyeechi'om li Yos taak'eemanq reheb' laj paab'anel sa' xk'ab'a' xpaab'ankil li Jesukriist.

Gálatas 3:16

Jo'kan utan, a' laj Abrahán kiyehe'k wi' li yeechi'om a'in ut re ajwi' li riyajil. Ink'a' naxye: “ut reheb' laawalal aak'ajol” chanchan tawi' li naab'aleb', yo b'an chi aatinak chirix jun ajwi': “ut re laawiyajil”, naraj naxye, a' li Kriist.

San Juan 7:38

Jo' naxye li Santil Hu: Xnima'il yo'yookil ha' te'elq rik'in”.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Romanos 9:30

K'aru tqaye chi jo'kanan? Tqaye naq eb' li maak'a'eb' xpaab'aal li ink'a' ke'xsik' li tiikilal, ke'xtaw xtiikilal xch'ooleb', a' li tiikil ch'oolej li wank sa' xk'ab'a' li paab'aal;

Romanos 9:17

Yeeb'il chaq re laj Parahón sa' li Santil Hu: “A'in tz'aqal xatinxaqab' wi' cho'q awab'ej, re xk'utb'al aawik'in linwankil jo'wi' re naq chisutunq li wesil yalaq b'ar sa' ruuchich'och'”.

Isaías 65:9

Tink'e chi k'ihank eb' li ralal xk'ajol laj Jakob ut eb' laj Judá te'eechaninq re eb' lintzuultaq'a; li ch'och' taa'eechaniiq xb'aaneb' li sik'b'ileb' ru inb'aan ut aran te'wanq laj k'anjel chiwu.

Gálatas 4:30

Ut k'aru naxye li Santil Hu? Naxye chi jo'ka'in: “Isi li loq'b'il ixq rochb'een li xyum, xb'aan naq li xyum li loq'b'il ixq ink'a' taatz'aq li xjunkab'lal li xyum li ach'ab'anb'il”.

Hechos 2:35

toj reetal tink'eheb' li xik' neke'ilok aawe rub'el laawoq».

San Juan 7:42

Ma ink'a' tab'i' naxye li Santil Hu naq li Kriist taachalq chaq sa' xyanqeb' li ralal xk'ajol laj David, sa' li k'aleb'aal Belén, b'arwi' kiwank laj David?

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Salmos 72:7

Chi'atz'umaq li tiikil ch'oolej naq wanq chi awab'ejil; k'ajo'aq li tuqtuukilal jo' najtil twanq li po sa' xb'een li ruuchich'och'.

San Juan 19:37

Naxye ajwi' li Santil Hu: “Te'xka'ya li xe'xk'ob' chi ch'iich'”.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.