Gálatas 3:2 - Q'eqchi Bible

² Ka'ajwi' a'in nawaj xnawb'al eerik'in: ma xek'ul li Musiq'ej sa' xk'ab'a' xk'anjelankil li Chaq'rab' malaj rik'in xpaab'ankil li Aatin eerab'ihom wik'in?

Li Santil hu

² Caꞌaj cuiꞌ aꞌin nacuaj xpatzꞌbal e̱re. ¿Ma riqꞌuin ta biꞌ xba̱nunquil li naxye saꞌ li chakꞌrab nak xecꞌul li Santil Musikꞌej? Ma̱ jokꞌe. La̱ex xecꞌul li Santil Musikꞌej nak xepa̱b li Cristo.

Gálatas 3:2 ပူးပေါင်းရင်းမြစ်များ

Gálatas 3:14

Chi jo'kan li maawa'eb' aj Judiiy te'xk'ul ajwi' li rosob'tesihom li Yos yeeb'il chaq re laj Abrahán, sa' xk'ab'a' li Kristo Jesus, ut laa'o sa' xk'ab'a' li paab'aal tqak'ul li Musiq'ej li yeechi'inb'il chaq.

Hechos 15:8

Ut li Yos li nanawok re li junjunq chi ch'oolej kixk'ut chiqu naq naxk'ulub'aheb' ajwi' a'an, xb'aan naq kixk'e reheb' li Santil Musiq'ej, jo' ajwi' naq kixk'e qe laa'o.

Gálatas 3:5

Naq li Yos naxk'e eere li Musiq'ej ut naxb'aanu li xninqal ru eetalil sa' eeyanq, ma naxb'aanu a'in xb'aan naq nekek'anjela li Chaq'rab'? Ma ink'a' tab'i' xb'aan naq nekepaab' li Aatin eerab'ihom wik'in?

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

Hechos 8:15

Eb' a'an ke'kub'eek aran ut ke'tijok chirixeb' re naq te'xk'ul li Santil Musiq'ej;

Hechos 2:38

Laj Pedro kixchaq'b'eheb' ut kixye: —Cheyot' eech'ool chejal eek'a'uxl ut chikub'eeq eeha' chejunjunqal sa' xk'ab'a' li Jesus li Kriist, re te'kuymanq te'sachmanq leemaak; ut teek'ul li xsimaatan li Santil Musiq'ej.

Hebreos 6:4

Xb'aan naq eb' li ke'kutanob'resiik jun sutaq, ke'xyal xsahil li choxahil maatan ut ke'tz'aqonk rik'in li Santil Musiq'ej,

Romanos 1:17

Xb'aan naq li Chaab'il Esilal naxk'ut naq li Yos natiikob'resink ch'oolej sa' xk'ab'a' li paab'ank ut cho'q re li paab'ank, jo' tz'iib'anb'il sa' li Santil Hu: “Li tiik xch'ool twanq xyu'am xb'aan li xpaab'aal”.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

2 Corintios 11:4

Xb'aan naq yalaq ani taawulaq chi xpuktesinkil resil jalan chik Jesus chiru li ak xqapuktesi eere, yalaq ani tixk'ut cheru xk'ulb'al jalan chik Musiq'ej chiru li ak xek'ul malaj jalan chik Chaab'il Esilal chiru li ak eek'ulum, teepaab' aj raj wi' chi junpaat!

1 Corintios 9:21

Xinwank sa' xyanqeb' li maak'a'eb' xchaq'rab' chanchan wi' jo' li maak'a' inchaq'rab', re reechaninkileb' li ink'a' neke'xpaab' li chaq'rab', us ta ink'a' wankin chi maak'a' xchaq'rab' li Yos, wankin b'an rub'el xchaq'rab' li Kriist.

Gálatas 3:3

Ma q'axal maak'a' eena'leb'? Xetikib' paab'ank rik'in li Musiq'ej ut anaqwan nokoxeeraq jo' naraj li tz'ejwalej?

Hebreos 4:2

Laa'o qak'ulum jun li chaab'il esilal, kama' ajwi' naq ke'xk'ul eb' a'an. Ab'an li aatin ke'rab'i maak'a' ki'ok wi' reheb', xb'aan naq ink'a' ke'paab'ank ut ink'a' ke'xjunaji rib' rik'ineb' li ke'ab'ink re.