Gálatas 2:9 - Q'eqchi Bible

⁹ Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

Li Santil hu

⁹ Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.

Gálatas 2:9 ပူးပေါင်းရင်းမြစ်များ

Romanos 12:3

Sa' xk'ab'a' li maatan k'eeb'il we ninye eere chejunilex ut chejunjunqal: meek'oxla eerib' naq numtajenaq eena'leb', chek'oxla b'an yal tz'aqalaj, a' yaal chanru li maatan k'eeb'il re li junjunq xb'aan li Yos sa' xk'ab'a' li xpaab'aal.

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Gálatas 2:2

Kohin aran xb'aan naq li Qaawa' kixk'ut rib' chiwu. Ut kinseeraq'i re li komonil li Chaab'il Esilal li ninpuktesi reheb' li maawa'eb' aj Judiiy. Kinch'olob' xyaalal reheb' laj jolominel ch'utch'uukeb' xjuneseb', re xnawb'al ma xin'aanilak malaj ut yookin chi aanilak chi maak'a' rajb'al.

Romanos 1:5

Sa' xk'ab'a' A'an xqak'ul qamaatan re wank cho'q apóstol re xk'amb'aleb' chixjunil li tenamit chi xq'axtesinkil rib' chi paab'ank sa' xk'ab'a' li xnimal xloq'al.

1 Juan 1:3

a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

1 Timoteo 3:15

Chi jo'kan, wi tinb'ayq chi xik, nawaj naq ak taanaw chanru li k'anjelak sa' rochoch li Yos, a'an li x'Iklees li yo'yookil Yos, roqechal ut xkuut li yaal.

Colosenses 1:29

A'an aj e naq q'axal ninyal inq'e sa' link'anjel rik'in xnimal xwankil li Kriist, li kaw yo chi k'anjelak wik'in.

Efesios 2:20

kab'lanb'ilex sa' xb'een rub'elahomeb' li apóstol ut eb' li propeet, ut li Kriist a'an li xnimal ru pek sa' li kab'l.

2 Corintios 8:4

xe'xtz'aama ut xe'relaji chiqu li usilal a'in, li okenk chi k'anjelak chirixeb' laj santil paab'anel.

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

Romanos 15:15

Ab'anan wank k'aru xintz'iib'a sa' li hu a'in, chi kaw kach'in li waatin, re naq ink'a' taasachq sa' eech'ool. Xinb'aanu a'in sa' xk'ab'a' linmaatan k'eeb'il we xb'aan li Yos

Hechos 15:13

Naq ke'raqe'k chi aatinak, laj Santiago kixye chi jo'ka'in: —Ex was wiitz'in, chineerab'ihaq.

Hechos 15:7

Ak naab'al wech'ink ke'xb'aanu chirix a'in, naq kixaqliik laj Pedro ut kixye reheb': —Ex was wiitz'in, laa'ex nekenaw naq ak najter kixsik' chaq wu li Yos sa' eeyanq re naq rik'in xtz'uumal we eb' li maawa'eb' aj Judiiy te'rab'i resil li Chaab'il Esilal ut te'ok sa' li paab'aal.

Hechos 4:36

Laj José (aj Bernabé nayeemank re xb'aaneb' li apóstol; chi jalb'il ru naraj naxye: “aj k'ehol kawil ch'oolej”), xkomoneb' laj Leví, Chipre xtenamit,

San Mateo 16:18

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

2 Reyes 10:15

Naq laj Jehú ki'elk sa' li na'ajej a'an, kixk'ul sa' b'e laj Jonadab, ralal laj Rekab, li yo chi xik chi xk'ulb'al. Laj Jehú kixk'e xsahil xch'ool ut kixye re: “Ma tiik laach'ool chiwix jo' naq laa'in tiik linch'ool chawix?”. Kichaq'ok laj Jonadab: “Hehe', tiik linch'ool chawix!”, chan re. “Wi jo'kan, k'e laawuq' we”, chan laj Jehú. Laj Jonadab kixk'e li ruq' ut kixtaqsi rik'in sa' li xb'eleb'aal ch'iich'.

San Lucas 22:8

Li Jesus kixtaqla laj Pedro ut laj Jwan: —Ayuqex ut kawresihomaq chaq li Paswa re naq toxqatzeka, chan reheb'.

San Juan 1:42

Ut kixk'am wan wi' li Jesus. Li Jesus kixka'ya ut kixye re: —Laa'at laj Simón, ralal laj Jwan; Sefas chik taak'ab'a'in (naraj naxye: Pek).

Hechos 12:17

Laj Pedro kixk'ut rik'in ru'uj ruq' naq me'choqink chik, ut kixseeraq'i reheb' chanru naq ki'isiik chaq sa' tz'alam xb'aan li Qaawa': —Yehomaq resil a'in re laj Santiago ut reheb' chixjunil laj paab'anel, chan reheb'. Chirix chik a'an ki'elk ut koho sa' jalan chik na'ajej.

2 Corintios 11:5

Ab'an laa'in nink'oxla naq moko kub'enaq ta inwankil chiruheb' li “xninqaleb' ru apóstol” a'an.

2 Corintios 12:11

Xkaano' wu, ab'an laa'ex xexminok wu. Laa'ex raj li xexnimank inloq'al, xb'aan naq tik moko kub'enaq ta inwankil chiruheb' li “xninqaleb' ru apóstol” a'an, us ta laa'in maak'a' inwankil.

Gálatas 1:18

Oxib'aq chihab' chik a'an kintaqe'k Jerusalén re xnawb'al ru laj Sefas, ut o'laju kutan kinwank chaq rik'in.

Gálatas 2:1

Kaalaju chihab' chik chirix a'an, kintaqe'k wi' chik Jerusalén wochb'een laj Bernabé; kink'am ajwi' laj Tito chiwix.

Gálatas 6:3

Wi wank junaq li naxk'oxla rib' naq nim xwankil, chi maak'a' xwankil, a'an yo chi xb'alaq'inkil rib' xjunes.