Gálatas 2:2 - Q'eqchi Bible

² Kohin aran xb'aan naq li Qaawa' kixk'ut rib' chiwu. Ut kinseeraq'i re li komonil li Chaab'il Esilal li ninpuktesi reheb' li maawa'eb' aj Judiiy. Kinch'olob' xyaalal reheb' laj jolominel ch'utch'uukeb' xjuneseb', re xnawb'al ma xin'aanilak malaj ut yookin chi aanilak chi maak'a' rajb'al.

Li Santil hu

² Co̱in xban nak li Dios quixcꞌutbesi chicuu nak tento tinxic Jerusalén. Ut queꞌxchꞌutub rib li nequeꞌcꞌamoc be chiruheb laj pa̱banel. Ut quinserakꞌi reheb li resilal li evangelio li yo̱quin chixjulticanquil reheb li ma̱cuaꞌeb aj judío. Quinchꞌolob xya̱lal chiruheb re nak incꞌaꞌ ta̱cana̱k chi ma̱cꞌaꞌ rajbal chiruheb li cꞌaꞌru yo̱quin chixba̱nunquil joꞌ ajcuiꞌ li ac xinba̱nu.

Gálatas 2:2 ပူးပေါင်းရင်းမြစ်များ

Gálatas 2:6

Eb' li oxloq'inb'ileb' cho'q aj jolominel maak'a' chik ke'xteneb' sa' inb'een. Ut wi eb' a'an ke'wank junxil cho'q aj jolominel, maak'a' nawaj re laa'in, xb'aan naq li Yos juntaq'eet narileb' chixjunil.

Filipenses 2:16

chi kaw chapchookex rik'in li aatin nak'ehok yu'am. Chi jo'kan truuq tintaw inloq'al sa' xkutankil li Kriist xb'aan naq ink'a' xin'aanilak chi maak'a' rajb'al, chi moko xintawasi wib' chi maak'a' aj e.

1 Ts 3:5

Jo'kan naq laa'in ajwi' ink'a' chik xinkuy, ut xintaqla laj Timoteo re rab'inkil resil leepaab'aal: mare anchal xex'aaleek xb'aan laj aalenel ut li qak'anjel xkanaak chi maak'a' rajb'al.

Gálatas 2:9

Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

1 Corintios 9:26

Jo'kan utan, laa'in nin'aanilak ink'a' kama' li moko naxnaw ta b'ar ta yo chi xik; jo'kan ajwi' ninyal inq'e ink'a' kama' li nasak'ok sa' iq'.

1 Corintios 1:23

ab'an laa'o naqapuktesi resil li Kriist k'eeb'il chiru krus. A'an tichk'ob'aal cho'q reheb' laj Judiiy ut memil na'leb' cho'q reheb' li junch'ol chik,

1 Corintios 9:24

Ma ink'a' nekenaw naq chixjunileb' neke'aanilak sa' li estadio, ab'an jun ajwi' nak'uluk li maatan? Aanilanqex b'i' re naq toxeek'ul leemaatan.

1 Corintios 2:2

xb'aan naq maak'a' xwaj xnawb'al sa' eeyanq, ka'ajwi' li Jesukriist, ut a'in k'eeb'il chiru krus.

Hechos 15:12

Ch'anaamil ke'kanaak li xk'ihaleb' li ch'utch'uukeb' aran, ut ke'rab'i laj Bernabé ut laj Pablo chi xseeraq'inkil li xninqal ru eetalil ut sachb'ach'oolej kilajxb'aanu li Yos rik'in ruq'eb' sa' xyanqeb' li maawa'eb' aj Judiiy.

Hechos 15:4

Naq laj Pablo ut laj Bernabé ke'wulak Jerusalén, ke'k'ule'k xb'aan li Iklees, xb'aaneb' li apóstol ut eb' li cheekel winq, ut ke'xseeraq'i chixjunil li kilajxb'aanu li Yos rochb'eeneb' a'an.

Filipenses 2:29

Chek'ulaq b'i' laj Epafrodito sa' xk'ab'a' li Qaawa' chi anchal leeraanm, ut cheroxloq'iheb' li winq jo'keb' a'an,

Hechos 23:11

Sa' li q'oqyink jun chik, li Qaawa' kixk'ut rib' chiru ut kixye re: “Kawu aach'ool! Xach'olob' li yaal chiwix Jerusalén; jo'kanaqat ajwi' aran Roma”.

Hechos 18:9

Sa' jun li q'oqyink kixye li Qaawa' re laj Pablo sa' moy u: “Matxiwak! Toj aatinan wan ut matkanaak chi ch'anch'o,

Hechos 5:34

Toja' naq jun aj pariseey, aj Gamaliel xk'ab'a', aj nahol Chaq'rab' ut oxloq'inb'il xb'aaneb' chixjunil li tenamit, kixaqliik sa' li raqleb'aal aatin ut kixtaqla naq che'isiiq jun k'amokaq eb' li apóstol chirix kab'l,

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Eclesiastés 10:1

Jun kamenaq utz' naxk'e chi tz'eqe'k jun sek'aq chi sununkil b'an. Jo'kan ajwi' kach'in li memil na'leb' q'axal chik nak'eemank reetal chiru li na'leb' jwal loq'.

Hechos 15:2

Jo'kan naq makach'in li choqij ib' ut wech'ink kitiklaak sa' xyanqeb' a'an rik'ineb' laj Pablo ut laj Bernabé. Toja' naq kik'uub'amank naq laj Pablo ut laj Bernabé, rochb'eeneb' wiib' oxib' chik, te'xik Jerusalén rik'ineb' li apóstol ut eb' li cheekel winq re k'uub'ank chirix li na'leb' a'in.

Romanos 9:16

Chi jo'kan li xb'oqom li Yos moko nachalk ta sa' xk'ab'a' naq jun na'ajok re, chi moko xb'aan xyalb'al xq'e, sa' xk'ab'a' b'an xnimal ruxtaan li Yos.

2 Corintios 12:1

Maak'a' tinra chirix naq tinnima wib'; ab'an wi tento tinb'aanu, tinseeraq'i eere li wilom ut li k'utb'esinb'il chiwu xb'aan li Qaawa'.

Gálatas 1:6

Nasachk inch'ool xb'aan naq q'axal junpaat yookex chi xkanab'ankil li Yos li kib'oqok eere sa' xk'ab'a' li rusilal li Kriist, ut jalan chik evangelio yookex chi xpaab'ankil.

Gálatas 1:12

xb'aan naq moko xwab'i ta chi moko xintzol rik'in junaq winq, a' b'an li Jesukriist kik'utuk re chiwu.

Gálatas 5:7

Chaab'il naq xetikib' aanilak. Ani xramok cheru naq teekanab' li yaal?

2 Timoteo 4:7

Xintz'aqonk sa' li xchaq'alil ru yalok u, xinraqe'k chi aanilak, xink'uula linpaab'aal.

Hebreos 12:1

Numtajenaq xk'ihaleb' laj ch'olob'ahom yaal chirix li qapaab'aal li yookeb' chi qasutb'al! Jo'kan utan, laa'o ajwi' qisihaq chiqix chixjunil li iiq jo'wi' li maak li nokooxluktasi, ut kawaq qach'ool chi aanilak sa' li b'e xaqab'anb'ilo wi'.