Filemón 1:6 - Q'eqchi Bible

⁶ Juntaq'eet laapaab'aal rik'in li qe laa'o. Nintz'aama b'i' naq chik'utunq a'an rik'in xnawb'al chixjunil li us li naru xb'aanunkil cho'q re li Kriist.

Li Santil hu

⁶ Ut nintzꞌa̱ma ajcuiꞌ chiru li Dios nak tatxtenkꞌa re nak ta̱cꞌutu̱nk chanru la̱ pa̱ba̱l. Ut nak teꞌril li rusilal li Jesucristo cuan a̱cuiqꞌuin, teꞌqꞌui̱k saꞌ xpa̱ba̱leb.

Filemón 1:6 ပူးပေါင်းရင်းမြစ်များ

2 Pedro 1:8

Wi wank li k'a'aq re ru a'in eerik'in ut chi numtajenaq, moko texwanq ta chi maak'a' rajb'al leeyu'am, chi moko chi ink'a' ta taa'uuchinq li xnawb'al ru li Jesukriist, li Qaawa'.

Colosenses 1:9

Jo'kan utan, chalen naq xqab'i resil chixjunil a'an, ink'a' nokoohilank chi tijok cherix ut junelik yooko chi xtz'aamankil naq toxeetaw xyaalal li rajom li Yos chi tz'aqal re ru, rik'in chixjunil li na'leb' ut k'a'uxl li naxk'e li Musiq'ej,

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

Santiago 2:17

Jo'kan ajwi' li paab'aal, wi maak'a' xb'aanuhom, relik chi yaal a'an kamenaq.

Santiago 2:14

Ex was wiitz'in, k'a' ta taa'ok wi' naq tixye junaq: “Wank inpaab'aal”, ut maak'a' xchaab'il b'aanuhom? Ma taakole'q tab'i' xb'aan li xpaab'aal?

Hebreos 6:10

Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.

Tito 3:14

Eb' li qakomon che'xtzolaq rib' chi xq'axtesinkileb' rib' chi xb'aanunkil li chaab'il k'anjel re xtenq'ankil li q'axal wankeb' sa' rajb'al ru; chi jo'kan moko jo'qeb' ta li maak'a' neke'ok wi'.

1 Corintios 14:25

Taakutanob'resimanq li muqmu sa' xch'ool; toja' naq toxhupub' rib' chi xloq'oninkil ru li Yos ut tixch'olob' naq relik chi yaal li Yos wank sa' eeyanq.

1 Pedro 3:16

Ab'anan chex'aatinaq sa' tuulanil ut sa' xyaalal; chaab'ilaq leek'a'uxl re naq li k'aru nekexhob'e'k wi', chik'utuq xxutaaneb' li neke'wech'ok re li xchaab'ilal leeyu'am li wank sa' xk'ab'a' li Kriist.

1 Pedro 3:1

Jo'kan ajwi' laa'ex ixaqilb'ej, chepaab'aq leeb'eelom. Chi jo'kan wi wanqeb' li ink'a' neke'paab'ank re li Aatin, te'ok chi paab'ank: ink'a' xb'aan leeraatin laa'ex, sa' xk'ab'a' b'an leeb'aanuhom,

Filipenses 4:8

Sa' xraqik, ex was wiitz'in, chixjunil li yaal, li k'ulub'ej, li tiik, li maak'a' reek', ka'loq' oxloq', chixjunil li chaab'il ut xk'ulub' nimaak ru, a'an chiwanq sa' eech'ool.

1 Corintios 16:9

xb'aan naq xteemank chiwu jun nimla okeb'aal re naq taa'uuchinq aran link'anjel, us ta naab'aleb' li xik' neke'ilok we.

Colosenses 3:10

ut xetiqib' eerib' rik'in li ak' yu'am: ak' winqex chik, ut li Yos junelik na'ak'ob'resink eere toj reetal toxeetaw eena'leb' chi tz'aqal re ru, jo' xjalam u Li kiyoob'tesink eere.

San Mateo 25:16

“Li kik'uluk oob' mil tikto koho chi yakok chiru ut kireechani oob' mil chik sa' xb'een.