Filemón 1:24 - Q'eqchi Bible

²⁴ Jo'kaneb' ajwi' li wochb'eeneb' chi k'anjelak: laj Markos, laj Aristarko, laj Demas ut laj Lukas.

Li Santil hu

²⁴ Ut nequeꞌxtakla ajcuiꞌ xsahil a̱chꞌo̱l laj Marcos, laj Aristarco, laj Demas ut laj Lucas. Cuochbeneb aꞌan nak yo̱co chi cꞌanjelac chiru li Jesucristo.

Filemón 1:24 ပူးပေါင်းရင်းမြစ်များ

Colosenses 4:14

Naxtaqla xsahil eech'ool laj Lukas, laj b'anonel raaro inb'aan, jo'wi' laj Demas.

Colosenses 4:10

Neke'xtaqla xsahil eech'ool laj Aristarko, li wochb'een naq k'eeb'ilo sa' tz'alam, jo'wi' laj Markos, ralal re laj Bernabé. Ak eek'ulum eetaqlankil chirix laj Markos; wi taawulaq eerik'in, chek'ul sa' xyaalal.

Hechos 19:29

Li tenamit q'axal ke'xtzukle rib' li xk'a'uxeb' ut jun xikikeb' sa' li teatro, yookeb' chi xkelelinkil laj Gayo ut laj Aristarko, eb' a'in aj Macedonia, rochb'eeneb' laj Pablo.

Hechos 12:12

Chirix naq kixtaw ru a'in, koho sa' rochoch lix María, xna' laj Jwan, aj Markos xkab' xk'ab'a', b'arwi' ch'utch'uukeb' naab'al chi tijok.

Hechos 27:2

Koo'ok sa' jun li jukub' re Adramitio, xik re sa'eb' li na'ajej wankeb' chi xsutam Asia, chire li palaw, ut kooho qochb'een laj Aristarko aj Macedonia, Tesalónica xtenamit.

Hechos 12:25

Laj Bernabé ut laj Sawlo, naq ak xe'xb'aanu li xk'anjeleb' aran Jerusalén, ke'sutq'iik Antiokía. Ke'xk'am ajwi' chaq laj Jwan chirixeb', aj Markos xkab' xk'ab'a'.

3 Juan 1:8

Jo'kan naq tento chiqak'uleb' li winq a'in re naq too'okenq chi xk'anjelankil li yaal.

Filipenses 4:3

Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am.

Filipenses 2:25

Xink'oxla ajwi' naq tento tintaqla eerik'in li wiitz'in Epafrodito, wech aj k'anjelil ut wech soldaadil, li xetaqla chaq chintenq'ankil naq wankin sa' rajb'al ru.

2 Corintios 8:23

Laj Tito a'an wochb'een ut aj tenq' we sa' eeyanq laa'ex; ut eb' li wiib' chik aj paab'anel a'aneb' xtaql eb' li Iklees ut xloq'al li Kriist.

Hechos 13:13

Laj Pablo ut eb' li rochb'een ke'elk Pafos ut ke'wulak Perge, sa' xteepal Panfilia. Aran laj Jwan kixkanab'eb' ut kisutq'iik Jerusalén,

1 Pedro 5:13

Li Iklees li wank Babilonia, a' li sik'b'il ru kama' laa'ex, naxtaqla xsahil eech'ool, jo' ajwi' laj Markos li walal.