Éxodo 9:29 - Q'eqchi Bible

²⁹ Kichaq'ok laj Moisés ut kixye: “Naq tin'elq sa' li tenamit, tintaqsi li wuq' chiru li Qaawa', ut taach'anaaq li kaaq ut ink'a' chik taawanq li saqb'ach, re taanaw naq li ruuchich'och' a'an re li Qaawa'.

Li Santil hu

²⁹ Laj Moisés quixye re: —Nak tincuulak chire li tenamit, aran tintaksi li cuukꞌ ut tintijok chiru li Ka̱cuaꞌ Dios. Incꞌaꞌ chic ta̱cua̱nk sakbach chi moco li ca̱k. Chi joꞌcan ta̱nau nak li Ka̱cuaꞌ Dios aꞌan laj e̱chal re li ruchichꞌochꞌ.

Éxodo 9:29 ပူးပေါင်းရင်းမြစ်များ

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Salmos 143:6

Ninterq'usi li wuq' chi tijok chawu; kama' li chaqi ch'och' naraj li ha', jo'kanin laa'in chi xrahinkil aawu.

1 Reyes 8:38

chawab'iiq chaq toj sa' laak'ojarib'aal yalaq ani chi poyanamil malaj chixjunil li tenamit Israel, li taareek'a xrahilal sa' xch'ool, taatijoq ut tolxtaqsiheb' li ruq' chi elajink chawu sa' li ochoch a'in.

1 Reyes 8:22

Moqon chik laj Salomón kixxaqab' rib' chiru li x'artal li Qaawa', chiruheb' chixjunil li xkomonileb' laj Israel, kixtaqsiheb' li ruq' sa' choxa

Deuteronomio 10:14

K'e reetal: li Qaawa' laaYos a'an laj eechal re li choxach'och' ut chixjunil li wank chisa'.

1 Corintios 10:28

Ab'an wi junaq taayehoq eere: “A'in xmayejaak chiruheb' li yal k'oxlanb'il yos”, meetzeka xb'aan li xyehok eere, jo'wi' re naq ink'a' taa'ok xk'a'uxl.

Salmos 135:6

Jo'nimal li nawulak chiru xb'aanunkil, naxb'aanu junsut junrub'el choxa, sa'atqeb' li palaw ut sa' chixjunileb' xchamal li ha'.

Salmos 50:12

Wi ta tintz'okaaq, moko tojo' sa ta raj tinye aawe, xb'aan naq we li choxach'och' ut chixjunil li wank chisa'.

Li xHu LAJ JOB 11:13

K'e aach'ool chi xb'aanunkil li tiikilal ut tijon, elajin chiru li Yos.

Esdras 9:5

Sa' li honal a'an kik'ulunk wi' chik linch'ool, ut chi q'ichilkeb' li waq' ut linb'aatal kinwiq'ib' wib', kintaqsiheb' li wuq' chi elajink chiru li Qaawa' linYos

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Éxodo 9:33

Toja' naq laj Moisés kixkanab' laj Parahón ut, naq ki'elk sa' li tenamit, kixtaqsiheb' li ruq' chiru li Qaawa': ch'anaamileb' li kaaq jo'wi' li saqb'ach, ut ink'a' chik xk'e li hab' sa' xb'een li ch'och'.

Éxodo 8:22

Ab'an sa' li kutan a'an ink'a' tintaqlaheb' li kas sa' xsutam Gosen b'arwi' wankeb' lintenamit: aran maajun junaq kas taawanq. Jo'kan taanaw naq laa'in li Qaawa' wankin sa' li tenamit a'in.

Éxodo 20:11

Xb'aan naq chiru waqib' kutan li Qaawa' kixb'aanu li choxach'och', li palaw ut chixjunil li wank chisa', ut sa' li xwuq li kutan kihilank. Jo'kan naq li Qaawa' kirosob'tesi li kutan sábado ut kixsantob'resi.

Éxodo 8:6

Laj Aharón kixye' li ruq' sa' xb'eeneb' li ha' re Ejiipt: ke'taqe'k chaq li amoch ut ke'xnujob'resi li tenamit Ejiipt.