Éxodo 9:23 - Q'eqchi Bible

²³ Laj Moisés kixye' li xxuq' sa' xjayal li choxa, ut li Qaawa' kixtaqla chaq kaaq ut saqb'ach; ke't'ane'k raq'kaaq sa' xb'een li ruuchich'och'. Li Qaawa' kixtaqla chaq saqb'ach sa' xb'een li tenamit Ejiipt:

Li Santil hu

²³ Tojoꞌnak laj Moisés quixtaksi lix xukꞌ saꞌ choxa ut li Ka̱cuaꞌ Dios quixtakla li ca̱k ut li sakbach. Ni̱nki sakbach quixtakla chak li Ka̱cuaꞌ Dios saꞌ xbe̱n li tenamit.

Éxodo 9:23 ပူးပေါင်းရင်းမြစ်များ

Salmos 18:13

Xb'aan xlemtz'unkil li xsaqenk xkanaak li choql chi saqb'ach; jo' nareprotk li raq'kaaq naq xlochk xxamlel.

Josué 10:11

Ut naq yookeb' chi elelik chiruheb' laj Israel sa' li kub'sink re Bet-Jorón, li Qaawa' kixtaqla chaq naab'al li saqb'ach, chanchan ninqi pek, sa' xb'eeneb' toj chalen sa' xb'ehel Aseká, ut ke'kamk. Jwal naab'aleb' chik li ke'kamk xb'aan li saqb'ach chiru li ke'kamsiik xb'aaneb' laj Israel rik'in ch'iich'.

Isaías 30:30

Ut taa'ab'iiq li xkawil xyaab' xkux li Qaawa'; taak'utunq li xnimal xwankil, rik'in li xxamlel li xjosq'il li nasachok, rik'in kaqsut-iq', kaaq ut saqb'ach.

Apocalipsis 8:7

Li xb'een ánjel kixyaab'asi li xtronpeet ut kiwank saqb'ach ut xam yuub'il rik'in kik'. Toja' naq a'an kik'ute'k chaq sa' xb'een li ruuchich'och'. Ut li rox jachal li ruuchich'och' kik'atk, rochb'een li rox jachal chixjunileb' li che' ut chixjunil li rax pim.

Salmos 148:8

laa'ex xam ut saqb'ach, ratz'amke ut k'ajob', laa'at kaqsut-iq' li nakak'anjela ru li xchaq'rab',

Salmos 77:18

Eb' li choql ke'xhoy chaq li hab', ki'eek'anje'k li kaaq sa' choxa, chanchaneb' ral simaj naq ke'replokje'k li raq'kaaq.

Salmos 29:3

Li xyaab' xkux li Qaawa' na'ab'imank chaq sa' xb'eeneb' li ha', chanchan kaaq naq na'eek'ank li Yos li nim xloq'al: li Qaawa' wank sa' xb'eeneb' li k'iila ha'!

Apocalipsis 16:21

Ut kit'ane'k chaq ninqi saqb'ach sa' choxa sa' xb'eeneb' li tenamit, o'taqk'aal liib'r raalal li junjunq; ut eb' li tenamit ke'xmajewa li Yos xb'aan xrahil li saqb'ach, xb'aan naq relik chi yaal naq a'an jun nimla rahilal.

Éxodo 20:18

Chixjunileb' li tenamit ke'xk'e reetal li kaaq ut li raq'kaaq, li xyaab' tronpeet ut li xsib'el li tzuul; ke'siksotk xb'aan xxiweb' ut ke'kanaak chi najt:

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

Apocalipsis 16:18

Ut ke'chalje'k raq'kaaq, xyaab' kuxej, kaaq ut jun li nimla hiik: maajun sut wanjenaq hiik jo'kan xkawil, chalen chaq sa' rokikeb' li winq sa' ruuchich'och'.

Génesis 19:24

Toja' naq li Qaawa' kixtaqla chaq asuupr ut xam sa' xb'een Sodoom ut Gomoor

Éxodo 9:18

jo'kan naq k'e reetal naq wulaj, sa' li honal a'in, tintaqla chaq kawil saqb'ach jo' ink'a' wanjenaq Ejiipt chalen chaq sa' xk'ojlajik li tenamit toj anaqwan.

Éxodo 9:24

k'ajo' xkawilal li raq'kaaq li nareplotk sa' li saqb'ach; maajun sut wanjenaq kama' a'an Ejiipt chalen chaq sa' xk'ojlajik li tenamit toj anaqwan.

Li xHu LAJ JOB 37:13

a' yaal ma re xrahob'tesinkil li ruuchich'och' malaj re rosob'tesinkil.

Salmos 147:17

Naxkut li saqb'ach kama' li xk'aj wa; ani tawi' taakuyuq li ke taqlanb'il xb'aan?