Éxodo 9:14 - Q'eqchi Bible

¹⁴ Xb'aan naq anaqwan tintaqla chaq chixjunileb' li rahilal chi junk'eeb'al sa' aab'een, sa' xb'eeneb' laj k'anjel chawu ut laatenamit, re naq taanaw naq maajun wank sa' ruuchich'och' kama' laa'in.

Li Santil hu

¹⁴ Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

Éxodo 9:14 ပူးပေါင်းရင်းမြစ်များ

Éxodo 8:10

“Wulaj”, chan laj Parahón naq kichaq'ok. Kixye laj Moisés: “Taa'uxq jo' laawaatin, re naq taanaw naq maajun kama' li Qaawa' li qaYos.

Apocalipsis 22:18

Ninch'olob' xyaalal chiruheb' chixjunil li te'ab'inq re li raatin propeet wankeb' sa' li hu a'in: Wi ani tixtiqeb' ru li aatin, li Yos tixteneb' sa' xb'een chixjunileb' li rahilal tz'iib'anb'il sa' li hu a'in.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Miqueas 6:13

Jo'kan naq xintikib' aarahob'tesinkil ut xsachb'al aawu xb'aaneb' laamaak.

Jeremías 19:8

Joxk' ut xiwajel tinkanab' li tenamit a'in: chixjunileb' li te'nume'q arin te'sachq xna'leb' chi rilb'al a'an ut te'xse'e li xsachik li tenamit.

Jeremías 10:6

Maajun junaq juntaq'eetat wi', at Qaawa': jwal nim laaloq'al ut k'ajo' xnimal laawankil!

Isaías 46:9

Jultikaq eere li k'aru kik'ulmank chaq junxil. Laa'in li Yos, ut maak'a' chik junaq; laa'in li Qaawa', ut maajun juntaq'eetin wi'.

Salmos 86:8

Ani ta chik jo' laa'at sa' xyanqeb' chixjunileb' li yos? Maajun nab'aanunk re jo' li nakab'aanu laa'at!

1 Crónicas 17:20

At Qaawa', maajun junaq jo' laa'at, maak'a' chik junaq yos chawu; ka'ajwi' laa'at, jo' ak qab'ihom resil.

1 Reyes 8:38

chawab'iiq chaq toj sa' laak'ojarib'aal yalaq ani chi poyanamil malaj chixjunil li tenamit Israel, li taareek'a xrahilal sa' xch'ool, taatijoq ut tolxtaqsiheb' li ruq' chi elajink chawu sa' li ochoch a'in.

2 Samuel 7:22

Q'axal nim laawankil, at Qaawa'. Maajun junaq jo' laa'at, maak'a' chik junaq yos chawu; ka'ajwi' laa'at, jo' ak qab'ihom resil.

1 Samuel 4:8

Toq'ob' qu! Ani taakoloq qe sa' ruq' li Yos li q'axal nim xwankil? A'an a'in li kirahob'tesink reheb' laj Ejiipt rik'in xninqal rahilal sa' li chaqich'och'!

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Levítico 26:21

“Ut wi toj yooqex chi xq'etb'al li waatin ut ink'a' teeraj inpaab'ankil, laa'in texinrahob'tesi wuqub' sutaq wi' chik xb'aan leemaak.

Levítico 26:18

“Ab'anan wi toj ink'a' ajwi' tex'ab'inq, laa'in texinrahob'tesi wuqub' sutaq wi' chik xb'aan leemaak.

Éxodo 9:15

Wi ta xinye' li wuq' ut xatinrahob'tesi ta laa'at jo' ajwi' laatenamit rik'in raxkamk, ak maa'anihat raj chik sa' ruuchich'och'.

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Deuteronomio 3:24

«At Qaawa', at inYos, laa'at xatikib' xk'utb'al chiru laj k'anjel chawu laanimal aawankilal ut li xkawilal laawuq'. Ani ta chik chi Yosil wank sa' choxa malaj sa' ruuchich'och' li taaruhanq xb'aanunkil xninqal b'aanuhom ut sachb'ach'oolej jo' nakab'aanu laa'at?

Deuteronomio 4:35

“Aawe laa'at xk'e rilb'al chixjunil a'an re naq taanaw naq li Qaawa' a'an tz'aqal Yos, ut maak'a' chik junaq chiru A'an.

Isaías 45:5

Laa'in li Qaawa' ut maak'a' chik junaq; moko wank ta chik junaq yos chiwu laa'in. Xink'e aakawilal, us ta ink'a' nakanaw wu,

Jeremías 10:7

Ani ink'a' taaxiwanq aawu, at xReyeb' li xninqal ru tenamit? Relik chi yaal naq aak'ulub' naq xiwanb'ilaq aawu. Sa' xyanqeb' chixjunileb' li wankeb' xna'leb' ut sa' xyanqeb' li awab'ej sa' ruuchich'och' maajun chik wank jo' laa'at, at Qaawa'.

Daniel 5:21

Ki'isiik sa' xyanqeb' li poyanam ut kiwank jo' junaq xul; kiwank chaq sa' xyanqeb' li k'iche'il xul ut kiwa'ok pim jo'eb' li wakax. Kit'aqresiik xb'aan li xchu'ke, toj reetal kixk'e reetal naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Éxodo 8:6

Laj Aharón kixye' li ruq' sa' xb'eeneb' li ha' re Ejiipt: ke'taqe'k chaq li amoch ut ke'xnujob'resi li tenamit Ejiipt.