Éxodo 8:3 - Q'eqchi Bible

³ B'ulb'utq li nima' chi amoch: te'taqe'q chaq ut tule'okje'q sa' laawochoch, sa' laawarib'aal ut sa' laach'aat, sa'atqeb' li rochoch eb' laj tenq' aawe ut sa'atqeb' li rochoch laatenamit, sa'atqeb' laa'oorn ut k'uuleb'aal tzekemq.

Li Santil hu

³ Numtajenakak xqꞌuial li amoch saꞌ li nimaꞌ. Telajeꞌoc saꞌ la̱ cuochoch ut teꞌoc ajcuiꞌ saꞌ li naꞌajej li nacatcuar cuiꞌ. Telajeꞌpiscꞌok saꞌ xbe̱n la̱ chꞌa̱t. Telajeꞌoc ajcuiꞌ saꞌ rochocheb le̱ mo̱s ut saꞌ rochocheb chixjunileb li tenamit. Telajeꞌoc saꞌ le̱ horno ut telajeꞌpiscꞌok saꞌ xbe̱n le̱ caꞌ.

Éxodo 8:3 ပူးပေါင်းရင်းမြစ်များ

Salmos 105:30

Kinujak chi amoch li xtenamiteb', toj sa'atqeb' li xwarib'aal li awab'ej.

Éxodo 12:34

Jo'kan naq li tenamit ke'xchap li q'em chi toj maji' nasipo'k, ke'xlan li xyoq'leb'aleb' sa'eb' li t'ikr, ut ke'riiqa.

Éxodo 8:2

Wi ink'a' taakanab'eb' chi elk, tinrahob'tesi rik'in amoch chixjunil laatenamit.

Éxodo 8:4

Talaje'pisk'o'q li amoch sa' aab'een, sa' xb'eeneb' laatenamit ut sa' xb'eeneb' laj k'anjel chawu»”.

Éxodo 10:6

Talaje'ok sa'eb' laawochoch ut sa' rochocheb' chixjunileb' laj Ejiipt: maajun sut rilomeb' a'an laayuwa' chi moko laaxe'toonil yuwa' chalen chaq sa' xyo'lajikeb' sa' ruuchich'och' toj anaqwan»”. Chirix a'an laj Moisés ki'elk rik'in laj Parahón ut koho.

2 Crónicas 22:11

Ab'an lix Joseba, xrab'in laj Jorán li awab'ej, kirisi laj Johás sa' xyanqeb' li ralal xk'ajol li awab'ej, li yookeb' chi kamsiik, kixk'am ut koxmuq sa' li xwarib'aal, rochb'een li ixq aj ilol re. Jo'kan naq kimuqmuuk chiru lix Atalía ut ink'a' kikamsiik. A'an ki'uxmank xb'aan lix Joseba, xrab'in laj Jorán li awab'ej, ranab' laj Okosías ut rixaqil laj Johadá laj tij.

Éxodo 7:11

Ab'an laj Parahón kixb'oqeb' li wankeb' xna'leb' ut eb' laj tuul; ut eb' a'an ajwi' ke'xb'aanu a'an rik'in li xna'leb'eb':

Éxodo 8:11

Eb' li amoch te'elq aawik'in, sa'eb' laawochoch, rik'ineb' laj k'anjel chawu ut sa' laatenamit, ut ka'aj chik sa' li nima' te'kanaaq”.