Éxodo 8:22 - Q'eqchi Bible

²² Ab'an sa' li kutan a'an ink'a' tintaqlaheb' li kas sa' xsutam Gosen b'arwi' wankeb' lintenamit: aran maajun junaq kas taawanq. Jo'kan taanaw naq laa'in li Qaawa' wankin sa' li tenamit a'in.

Li Santil hu

²² Aban incꞌaꞌ tintakla li raxya̱t saꞌ li naꞌajej Gosén bar cuanqueb cuiꞌ lin tenamit. Aran incꞌaꞌ teꞌchꞌiꞌchꞌiꞌi̱nk li raxya̱t. Riqꞌuin aꞌan te̱nau nak la̱in li Ka̱cuaꞌ Dios ut cuan incuanquil saꞌ xbe̱n li ruchichꞌochꞌ.

Éxodo 8:22 ပူးပေါင်းရင်းမြစ်များ

Éxodo 9:4

Ab'an tiitooqeb' ru xb'aan li Qaawa' li xketomq eb' laj Israel chiruheb' li xketomq eb' laj Ejiipt, re naq maak'a' te'xk'ul li reheb' laj Israel»”.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Éxodo 10:23

Eb' li poyanam ink'a' chik neke'ril rib' ut maajun ki'elk sa' li xna'aj chiru oxib' kutan; ab'an chixjunileb' laj Israel wank xsaqenkeb' sa' li xna'ajeb'.

Ezequiel 30:19

Jo'ka'in naq tin'eeqajunq sa' xb'een Ejiipt, ut aran taanawmanq naq laa'in li Qaawa'”.

Éxodo 9:6

Ak wulajaq chik kixb'aanu li Qaawa' jo' li raatin, ut kilaje'kamk chixjunil li xketomqeb' laj Ejiipt; ab'an maajun xketomqeb' laj Israel kikamk.

Salmos 110:2

Chalen chaq toj Sión tatxk'e li Qaawa' chi awab'ejink: chiwanq laawankil sa' xb'eeneb' li xik' neke'ilok aawe!

Éxodo 12:13

“Li kik' a'anaq eereetalil chiwu laa'in sa' li kab'l texhilanq wi'. Naq laa'in tintiq' li tenamit Ejiipt, maajun sa' eeyanq taakamq, xb'aan naq twil li kik' ut tiik tinnume'q cheru.

Éxodo 9:29

Kichaq'ok laj Moisés ut kixye: “Naq tin'elq sa' li tenamit, tintaqsi li wuq' chiru li Qaawa', ut taach'anaaq li kaaq ut ink'a' chik taawanq li saqb'ach, re taanaw naq li ruuchich'och' a'an re li Qaawa'.

Éxodo 9:26

Ka'ajwi' sa' xsutam Gosen, b'arwi' wankeb' laj Israel, ink'a' kiwank saqb'ach.

Éxodo 8:10

“Wulaj”, chan laj Parahón naq kichaq'ok. Kixye laj Moisés: “Taa'uxq jo' laawaatin, re naq taanaw naq maajun kama' li Qaawa' li qaYos.

Éxodo 7:17

Jo'ka'in naxye li Qaawa': Rik'in a'in taanaw naq laa'in li Qaawa'. K'e reetal, tinsak' li roq li nima' rik'in li xuq' li wank sa' wuq' ut taasutq'iiq chi kik'ul.

Salmos 74:12

Chalen chaq sa' xtiklajik laa'at laj Eechal qe, at Qaawa', ut k'iila sut xoohaak'e chi q'axok u.

Éxodo 7:5

Ut naq tinye' li wuq' sa' xb'een Ejiipt ut twisi aran eb' li ralal xk'ajol laj Israel, te'xnaw eb' laj Ejiipt naq laa'in li Qaawa'”.

Éxodo 8:21

Wi ink'a' taakanab'eb' chi elk lintenamit, k'e reetal naq tintaqlaheb' chaq li kas sa' aab'een, sa' xb'eeneb' laj k'anjel chawu, laatenamit ut eb' laawochoch: talaje'nujaq chi kas li rochocheb' laj Ejiipt ut li ch'och' b'arwi' wankeb'.

Éxodo 8:23

Tiitookeb' ru inb'aan lintenamit chiruheb' laawe. Li sachb'ach'oolej a'in taak'ulmanq wulaj»”.

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Éxodo 20:11

Xb'aan naq chiru waqib' kutan li Qaawa' kixb'aanu li choxach'och', li palaw ut chixjunil li wank chisa', ut sa' li xwuq li kutan kihilank. Jo'kan naq li Qaawa' kirosob'tesi li kutan sábado ut kixsantob'resi.

Génesis 46:34

teeye re: «Chalen chaq sa' qakach'inal laa'o aj k'aak'alenel ketomq; jo'kaneb' ajwi' chaq eb' li qaxe'toonil yuwa'», cha'qex. Chi jo'kan truuq texkanaaq sa' li na'ajej Gosen”, chan laj José. Xb'aan naq eb' laj Ejiipt xik' neke'ril chixjunileb' laj k'aak'alenel ketomq.