Éxodo 7:5 - Q'eqchi Bible

⁵ Ut naq tinye' li wuq' sa' xb'een Ejiipt ut twisi aran eb' li ralal xk'ajol laj Israel, te'xnaw eb' laj Ejiipt naq laa'in li Qaawa'”.

Li Santil hu

⁵ Nak tinrakok a̱tin saꞌ xbe̱neb teꞌxnau nak la̱in li Ka̱cuaꞌ Dios ut tincuisiheb lin tenamit saꞌ xya̱nkeb, chan li Dios.

Éxodo 7:5 ပူးပေါင်းရင်းမြစ်များ

Éxodo 14:18

Ut naq taanimaaq inloq'al rik'in li te'xk'ul laj Parahón, eb' laj puub', li xb'eleb'aal ch'iich' ut eb' li wankeb' chirixeb' li kawaay, te'xnaw eb' laj Ejiipt naq laa'in li Qaawa'”.

Éxodo 8:22

Ab'an sa' li kutan a'an ink'a' tintaqlaheb' li kas sa' xsutam Gosen b'arwi' wankeb' lintenamit: aran maajun junaq kas taawanq. Jo'kan taanaw naq laa'in li Qaawa' wankin sa' li tenamit a'in.

Éxodo 7:17

Jo'ka'in naxye li Qaawa': Rik'in a'in taanaw naq laa'in li Qaawa'. K'e reetal, tinsak' li roq li nima' rik'in li xuq' li wank sa' wuq' ut taasutq'iiq chi kik'ul.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Éxodo 3:20

Ab'an laa'in tinye' li wuq' ut tinrahob'tesiheb' laj Ejiipt rik'in chixjunileb' li sachb'ach'oolej li tinb'aanu sa' xyanqeb'; toja' naq texxkanab' chi elk.

Ezequiel 39:22

Chalen sa' li kutan a'an, eb' laj Israel te'xnaw naq laa'in li Qaawa', li xYoseb'.

Ezequiel 39:7

Tink'e chi nawe'k linsantil k'ab'a' sa' xyanq lintenamit Israel, ut maajoq'e chik tinkanab' chi muxe'k link'ab'a'; ut eb' laj ab'l tenamit te'xnaw naq laa'in li Qaawa', li xSant laj Israel.

Éxodo 8:10

“Wulaj”, chan laj Parahón naq kichaq'ok. Kixye laj Moisés: “Taa'uxq jo' laawaatin, re naq taanaw naq maajun kama' li Qaawa' li qaYos.

Ezequiel 36:23

Laa'in tink'ut chiruheb' li tenamit naq q'axal sant link'ab'a' li muxb'il eeb'aan sa' xyanqeb' li xninqal ru tenamit. Ut naq tinb'aanu a'in, eb' a'an te'xnaw naq laa'in li Qaawa' -chan li Qaawa'-.

Ezequiel 28:22

Ye re chi jo'ka'in: «Li Qaawa' xye chi jo'ka'in: Laa'in xik' chik nakatwil, a Sidón; ut rik'in li tinb'aanu sa' eeyanq, taak'ehe'q inloq'al. Naq tinraqoq aatin sa' aab'een ut tink'ut linsantilal chawu, taanawmanq naq laa'in li Qaawa'.

Ezequiel 25:17

Tin'eeqajunq sa' xb'eeneb' chi q'axal xiwajelaq rilb'al; k'ajo'aq linjosq'il naq tinrahob'tesiheb'. Ut aran taanawmanq naq laa'in li Qaawa'”.

Salmos 9:16

Eb' li tenamit xe'sub'e'k sa' li jul ke'xyiib', ut eb' li roq xe't'il sa' li ra'al ke'xmuq.

Éxodo 8:19

Toja' naq eb' laj q'e ke'xye re laj Parahón: “A'an a'in li ru'uj ruq' li Yos!”, chankeb'. Ab'an kikawuuk xch'ool laj Parahón ut ink'a' kirab'iheb', kama' yeeb'il chaq xb'aan li Qaawa'.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Éxodo 10:2

Chi jo'kan laa'at taaye reheb' laawalal jo'wi' reheb' laawi k'aru xinb'aanu reheb' laj Ejiipt, a'eb' li xninqal reetalil li xink'ut chiruheb'; ut laa'ex teenaw naq Laa'inin li Qaawa'”.

Éxodo 10:7

Toja' naq eb' laj k'anjel chiru laj Parahón ke'xye re: “Jo' najtil chik toxra'le li winq a'an? Kanab'eb' chi xik li tenamit a'in re naq te'xloq'oni li Qaawa' li xYoseb'. Ma toj maji' xataw ru naq yo chi oso'k li tenamit Ejiipt?”, chankeb'.

Éxodo 18:8

Toja' naq laj Moisés kixseeraq'i re li xyuwa' li rixaqil chixjunil li kilajxb'aanu li Qaawa' re laj Parahón ut reheb' laj Ejiipt sa' xk'ab'a'eb' laj Israel, jo' ajwi' chixjunil li ch'a'ajkilal ke'xk'ul chaq sa' b'e ut chanru li Qaawa' kixkoleb'.

Salmos 138:7

Naq wankin sa' rahilal, nakak'e inyu'am; nakaye' laawuq' sa' xb'eeneb' li xik' neke'ilok we ut rik'in laanim uq' nikinaakol chiru li xjosq'ileb'.

Ezequiel 32:15

Naq taakanaaq Ejiipt chi chaqich'och' chi maak'a' chik twanq chisa', ut naq tinkamsi chixjunileb' li xpoyanamil, taanawmanq naq laa'in li Qaawa'».

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.