Éxodo 6:6 - Q'eqchi Bible

⁶ “Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Li Santil hu

⁶ Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Éxodo 6:6 ပူးပေါင်းရင်းမြစ်များ

Deuteronomio 26:8

Li Qaawa' koorisi chaq Ejiipt rik'in xnimal xwankil, rik'ineb' xiwajel eetalil ut sachb'ach'oolej;

1 Crónicas 17:21

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

Éxodo 7:4

laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.

Nehemías 1:10

“At Qaawa', laa'o aj k'anjel chawu; misachk sa' aach'ool naq laa'o laatenamit li xakoleb' rik'in xnimal aawankil ut aametz'ew.

Salmos 81:6

a'an kik'ehe'k chi xpaab' laj José naq ki'elk chaq sa' li tenamit Ejiipt. Nawab'i jun xyaab' kuxej maajun sut wab'ihom:

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Éxodo 15:13

Rik'in laawusilal xak'am xb'eheb' li tenamit a'in kolb'il aab'aan. Rik'in laawankil xab'eresiheb' toj sa' laasantil muheb'aal.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

2 Reyes 17:36

Ka'ajwi' li Qaawa' teeloq'oni ru, li ki'isink chaq eere sa' xteepal Ejiipt rik'in xnimal xwankil. Ka'ajwi' chiru A'an teewiq'ib' eerib' ut texmayejaq.

Deuteronomio 4:23

Chek'e b'i' reetal, misachk sa' leech'ool li Sumwank li kixk'ojob' eerik'in li Qaawa' leeYos ut meeyiib' junaq reetalil chixjunil li k'aru xram cheru li Qaawa' leeYos,

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Éxodo 6:29

kixye re: “Laa'in li Qaawa'. Chixjunil li tinye aawe toxaaye re laj Parahón, awab'ej re Ejiipt”.

Éxodo 6:8

Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Éxodo 6:2

Li Qaawa' kiraatina laj Moisés ut kixye re: “Laa'in li Qaawa'.

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Hechos 13:17

Li xYos li tenamit Israel kixsik'eb' ru li qana' qayuwa', kixnimob'resi li tenamit naq wankeb' chaq sa' xch'och'eb' laj Ejiipt chi ab'lil, ut rik'in xnimal xwankil kirisiheb' chaq.

Éxodo 1:11

Toja' naq ke'xxaqab'eb' aj taqlanel re xrahob'tesinkileb' laj Israel rik'in kawil k'anjel, ut eb' laj Israel ke'xyiib' cho'q re laj Parahón eb' li tenamit-k'uuleb'aal, Pitón ut Ramsés xk'ab'a'.

Éxodo 2:11

Sa'eb' li kutan a'an, naq ak xwinqilo'k laj Moisés, koho chi rilb'aleb' li ras riitz'in, ut kixk'e reetal naq k'ajo' tawasinb'ileb' chi k'anjelak. Kiril ajwi' jun aj Ejiipt yo chi xsak'b'al jun aj hebreo, jun reheb' li ras riitz'in.

Éxodo 12:41

Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Éxodo 16:6

Toja' naq laj Moisés ut laj Aharón ke'xye re chixjunil li xkomonileb' laj Israel: “Hoon ewu teenaw naq li Qaawa' ki'isink chaq eere sa' li tenamit Ejiipt,

Éxodo 18:1

Laj Jetró, aj tij sa' li tenamit Madián ut aj hi'om re laj Moisés, kirab'i resil li kilajxb'aanu li Yos cho'q re laj Moisés jo'wi' cho'q reheb' laj Israel li xtenamit. Kirab'i ajwi' chanru kirisiheb' chaq laj Israel aran Ejiipt.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Deuteronomio 6:12

Naq akaq xatwa'ak ut xk'ojlaak laach'ool, misachk sa' laach'ool li Qaawa' li ki'isink chaq aawe sa' li tenamit Ejiipt, b'arwi' katwank chaq chi munil.

Jeremías 21:5

Laa'in ajwi' jun tinyaloq eerik'in, rik'in xnimal inwankil ut inmetz'ew, chi k'ajo'aq injosq'il sa' eeb'een.

Jeremías 32:21

Laa'at kawisi chaq laatenamit Israel aran Ejiipt rik'in xninqal eetalil ut sachb'ach'oolej; ut rik'in xnimal aawankil ut xkawilal laawuq' xak'e xxiweb' chixjunileb'.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Éxodo 7:5

Ut naq tinye' li wuq' sa' xb'een Ejiipt ut twisi aran eb' li ralal xk'ajol laj Israel, te'xnaw eb' laj Ejiipt naq laa'in li Qaawa'”.

Éxodo 13:16

Ut a'an taak'anjelaq aawe cho'q reetalil sa' laawuq', cho'q xsahob' ru laapeekem, xb'aan naq li Qaawa' rik'in xkawilal li ruq' koorisi chaq Ejiipt»”.

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Deuteronomio 7:19

eb' li xiwajel rahilal li kawil rik'ineb' laawu, eb' li sachb'ach'oolej ut xninqal b'aanuhom: chanru naq li Qaawa' laaYos katrisi chaq rik'in xnimal xwankil. Jo'kan ajwi' tixb'aanu li Qaawa' laaYos reheb' chixjunil li tenamit nakaxiwaheb' ru.

Deuteronomio 9:29

Ab'an eb' a'in aatenamiteb' ut aaweechanihom. Laa'at kat-isink chaq reheb' rik'in xnimal aawankil ut xkawilal laawuq'», chankin re li Yos.

Deuteronomio 11:2

Anaqwan chek'e reetal leetijb'al xb'aan li Qaawa' leeYos (leeralal eek'ajol ink'a' neke'xnaw chi moko rilomeb'). Chetawaq ru li xnimal xwankil, eb' li sachb'ach'oolej,

1 Reyes 8:42

(xb'aan naq xe'rab'i resil li xnimal laak'ab'a' ut laawankil),

Salmos 77:16

rik'in laanim uq' kakol laatenamit, a'eb' li ralal xk'ajol laj Jakob ut laj José.

Salmos 81:7

“Laa'in xin'isink li iiq sa' aab'een ut eb' laawuq' xe'xkanab' chaq li kawil k'anjel.

Salmos 81:11

Laa'in li Qaawa', laaYos, laa'in kin'isink chaq aawe sa' li tenamit Ejiipt. Chate laawe, ut laa'in tinnujob'resi.

Jeremías 27:5

Rik'in xnimal linwankil ut linmetz'ew kink'uub' li ruuchich'och', jo'wi' eb' li poyanam ut li xul li wankeb' chisa', ut laa'in yaal we k'aru tinb'aanu rik'in chixjunil a'an: naru tink'e sa' ruq' li ani xk'ulub'a wi' linch'ool.

Ezequiel 20:33

Sa' xk'ab'a' linloq'al ninye li waatin naq tin'awab'ejinq sa' eeb'een rik'in xnimal inwankil ut sa' josq'il -chan li Qaawa'-.