Éxodo 6:4 - Q'eqchi Bible

⁴ Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Li Santil hu

⁴ La̱in quinba̱nu lin contrato riqꞌuineb ut quinyechiꞌi reheb li naꞌajej Canaán. Yal aj numeleb nak queꞌhilan aran.

Éxodo 6:4 ပူးပေါင်းရင်းမြစ်များ

Génesis 28:4

A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Salmos 105:12

Us ta ink'a' k'iheb' chaq, us ta ab'l aj tenamiteb' ut yal aj numeleb' sa' li na'ajej a'an,

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Génesis 23:4

“Laa'in chalenaqin chaq sa' jalan tenamit ut yal aj numelin sa' eeyanq. K'ayimaq we junaq muqleb'aal sa' eeyanq re naq toxinxok linkamenaq ut tinmuq aran”, chan.

Génesis 17:13

Tento te'xk'ul li sirkunsisyon li yo'lajenaqeb' sa' laawochoch ut eb' li loq'b'ileb' rik'in laatumin: chi jo'kan linSumwank taakanaaq sa' leetz'ejwal chi junelik.

Génesis 17:4

“A'an a'in linSumwank aawik'in: laa'ataq xyuwa'il li k'iila teep chi tenamit.

Génesis 15:13

Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Génesis 6:18

Ab'anan aawik'in tink'ojob' jun sumwank: tat-ok laa'at sa' li jukub' kab'l aawochb'eeneb' laawalal, laawixaqil ut eb' laawalib'.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Números 10:29

Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Éxodo 6:8

Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Éxodo 13:4

Anaqwan leerelik, sa' li po Abib.

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Salmos 105:11

naq kixye: “Tink'e aawe li tenamit Kanahán, ut tinsi aawe cho'q aaweechanihom”, chan.