Éxodo 6:2 - Q'eqchi Bible

² Li Qaawa' kiraatina laj Moisés ut kixye re: “Laa'in li Qaawa'.

Li Santil hu

² Li Dios quixye ajcuiꞌ re laj Moisés, —La̱in li nimajcual Dios.

Éxodo 6:2 ပူးပေါင်းရင်းမြစ်များ

Malaquías 3:6

“Laa'in li Qaawa', ut ink'a' ninjal linna'leb'. Jo'kan naq laa'ex li ralal xk'ajol laj Jakob maji' nekex'oso'k.

Jeremías 9:24

Li ani naraj xnimankil rib', xnimaaq rib' rik'in a'in: naq naxnaw wu ut naxtaw ru naq laa'in li Qaawa', li nin'uxtaanak u ut ninxaqab' xwankil li tiikil ch'oolej ut li yaal sa' ruuchich'och'. Xb'aan naq a'an a'in li nawulak chiwu”, chan li Qaawa'.

Isaías 42:8

Laa'in li Qaawa'. A'in tz'aqal link'ab'a'. Ink'a' nink'e linloq'al re jalan chik, chi moko ninq'axtesi linwankil reheb' li jalanil yos.

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Isaías 43:15

Laa'in li Qaawa', laa'in leeSant, li kiyoob'tesink re Israel, laa'in li nin'awab'ejink eere”.

Isaías 43:11

Ka'ajin wi' li Qaawa', ut maak'a' chik junaq aj kolonel chiwu.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 17:1

Chixjunil li xkomonileb' laj Israel ke'elk sa' li chaqich'och' re Sin re xtiqb'al li xb'eenikeb', jo' chanru ke'taqlaak wi' xb'aan li Qaawa', ut koxe'hilanq Refidín, b'arwi' li tenamit ink'a' ke'xtaw xha'eb' re te'ruk'.

Éxodo 14:18

Ut naq taanimaaq inloq'al rik'in li te'xk'ul laj Parahón, eb' laj puub', li xb'eleb'aal ch'iich' ut eb' li wankeb' chirixeb' li kawaay, te'xnaw eb' laj Ejiipt naq laa'in li Qaawa'”.

Éxodo 6:8

Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Génesis 15:7

Ut li Yos kixye re: “Laa'in li Qaawa' li kin'isink chaq aawe sa' li tenamit Ur, sa' xteepal Kaldeha, re xk'eeb'al li ch'och' a'in cho'q aana'aj”.

Éxodo 3:14

Kichaq'ok li Yos ut kixye re laj Moisés: “Laa'in li Laa'inin”. Ut kixye ajwi': “Jo'ka'in taaye reheb' laj Israel: «Laa'inin xtaqlank chaq we eerik'in»”.

Éxodo 3:15

Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

Éxodo 6:29

kixye re: “Laa'in li Qaawa'. Chixjunil li tinye aawe toxaaye re laj Parahón, awab'ej re Ejiipt”.

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Éxodo 15:3

Li Qaawa' a'an q'axal kaw rib'; Qaawa' Yos: a'an li xk'ab'a'.

Ezequiel 20:5

“Ye reheb': «Jo'ka'in xye li Qaawa': Naq kinsik' ruheb' laj Israel cho'q intenamit, kinye injurament chi anchal linch'ool reheb' li ralal xk'ajol laj Jakob ut kink'utb'esi wib' chiruheb' aran Ejiipt. Kintaqsi li wuq' chi xyeeb'al reheb' naq laa'in li Qaawa', li xYoseb'.