Éxodo 6:12 - Q'eqchi Bible

¹² Kichaq'ok laj Moisés chiru li Qaawa': “Toq'ob' wu! -chan-. Wi eb' laj Israel ink'a' nikine'rab'i, ma toja' ta chik tinrab'i laj Parahón? Xb'aan naq ch'a'aj li aatinak chiwu”.

Li Santil hu

¹² Laj Moisés quixye re li Ka̱cuaꞌ Dios: —La̱at nacanau nak eb laj Israel incꞌaꞌ nequeꞌxpa̱b li cua̱tin. Cui eb aꞌan incꞌaꞌ nequeꞌabin chicuu, ¿ma tojaꞌ ta chic laj faraón ta̱abi̱nk chicuu? La̱in incꞌaꞌ ninnau a̱tinac chi us, chan laj Moisés.

Éxodo 6:12 ပူးပေါင်းရင်းမြစ်များ

Éxodo 4:10

Kixye laj Moisés re li Qaawa': “Chakuy inmaak, at Qaawa', ch'a'aj li aatinak chiwu. Ut chalen naq xatikib' raatinankil laj k'anjel chawu, jo'kan ajwi' nink'ul. Tat we ut nat'il li ru'uj waq'”, chan.

Jeremías 1:6

Ut laa'in kinye: “Toq'ob' wu, at Qaawa', toj saajin chi us ut ink'a' ninnaw aatinak”.

Éxodo 6:30

Ab'an laj Moisés kichaq'ok chiru li Qaawa': “Toq'ob' wu! -chan-. Ch'a'aj li aatinak chiwu. Chan put ru naq tinrab'i laj Parahón?”.

Jeremías 6:10

Ut laa'in kinye: “Ani taa'ab'inq we, at Qaawa'? Ani twaatinaheb' re xyeeb'al li esilal a'in? Tz'aptz'ookeb' li xxik ut ink'a' neke'ab'ink; neke'xse'e laawaatin ut ink'a' nawulak chiruheb'.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Levítico 26:41

Jo'kan ajwi' laa'in tinxaqab' wib' chiruheb' ut tink'ameb' sa' xtenamiteb' li xik' neke'ilok reheb': aran taakub'eeq xwankil li xch'ooleb' ink'a' xk'ulumeb' li sirkunsisyon ut te'xtoj rix li xmaakeb'.

Éxodo 6:9

Laj Moisés kixye a'in reheb' laj Israel; ab'an eb' a'an ink'a' ke'xpaab', xb'aan naq q'axal raheb' sa' xch'ool xb'aan li kawil k'anjel.

Éxodo 3:13

Ab'anan laj Moisés kixye re li Yos: “Wi laa'in tinxik rik'ineb' laj Israel ut tinye reheb': «Li xYos leexe'toonil yuwa' xinxtaqla chaq eerik'in», eb' a'an te'xpatz' we: «Ani li xk'ab'a'?». Toja' naq k'aru tinye reheb'?”.

Jeremías 9:26

eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Deuteronomio 30:6

Li Qaawa' laaYos tixk'e reetalil li Sumwank sa' laach'ool ut sa' xch'ooleb' laawalal aak'ajol, re naq taara li Qaawa' laaYos chi anchal aach'ool ut chi anchal aawaanm ut wanq aayu'am chi junelik.

Éxodo 3:11

Toja' naq laj Moisés kixye re li Yos: “Anihin laa'in re naq tinxik rik'in laj Parahón ut twisiheb' chaq Ejiipt laj Israel?”.

Éxodo 4:1

Kichaq'ok laj Moisés ut kixye: “Chakuy inmaak, ink'a' tine'xpaab', chi moko te'rab'i xyaab' inkux; te'xye b'an: «Ink'a' xk'utb'esi rib' li Qaawa' chawu»”.

Éxodo 6:13

Toja' naq li Qaawa' kixye reheb' laj Moisés ut laj Aharón: “Yehomaq reheb' laj Israel ut re li awab'ej re Ejiipt: «Li Qaawa' xooxtaqla chaq chi risinkil li xtenamit sa' xch'och'eb' laj Ejiipt»”.