Éxodo 5:4 - Q'eqchi Bible

⁴ Toja' naq li awab'ej re Ejiipt kixye reheb': “At Moisés, at Aharón, k'a'ut naq nekepo'ok xch'ooleb' li tenamit sa' li xk'anjeleb'? Ayuqex chi xb'aanunkil leek'anjel!”.

Li Santil hu

⁴ Tojoꞌnak lix reyeb laj Egipto quichakꞌoc ut quixye reheb: —At Moisés, ut at Aarón, ¿Cꞌaꞌut nak yo̱quex xbaybaleb li cristian saꞌ lix trabaj? La̱ex ba̱nuhomak le̱ trabaj.—

Éxodo 5:4 ပူးပေါင်းရင်းမြစ်များ

Éxodo 1:11

Toja' naq ke'xxaqab'eb' aj taqlanel re xrahob'tesinkileb' laj Israel rik'in kawil k'anjel, ut eb' laj Israel ke'xyiib' cho'q re laj Parahón eb' li tenamit-k'uuleb'aal, Pitón ut Ramsés xk'ab'a'.

Hechos 24:5

Xqataw li winq a'in, q'axal yib'ru xna'leb': a'an aj yoob'anel raaxiik' sa' xyanqeb' laj Judiiy sa' chixjunil li ruuchich'och' ut aj k'amol xb'eheb' li xkomoneb' laj Nazaret.

San Lucas 23:2

ke'ok chi xjitb'al ut ke'xye: —Xqataw chaq a'in chi xpo'b'aleb' xch'ool li qatenamit. Nokooxq'us chi xk'eeb'al li toj re li awab'ej ut naxyehatq naq a'an li Kriist Rey.

Amós 7:10

Laj Amasías, aj tij aran Betel, kixtaqla xyeeb'al re laj Jerobohán, awab'ej re Israel: “Laj Amós yo xpo'b'al xch'ooleb' li tenamit Israel chawix; ut li tenamit ink'a' chik neke'xkuy rab'inkil li raatin.

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

Éxodo 2:11

Sa'eb' li kutan a'an, naq ak xwinqilo'k laj Moisés, koho chi rilb'aleb' li ras riitz'in, ut kixk'e reetal naq k'ajo' tawasinb'ileb' chi k'anjelak. Kiril ajwi' jun aj Ejiipt yo chi xsak'b'al jun aj hebreo, jun reheb' li ras riitz'in.

Éxodo 6:5

Ut anaqwan, naq xwab'i li xkawil yaab'eb' laj Israel rahob'tesinb'ileb' xb'aaneb' laj Ejiipt, xnaqk sa' inch'ool linloq'laj Sumwank.