Éxodo 5:3 - Q'eqchi Bible

³ Ke'xye ut eb' a'an: “Li xYoseb' laj Hebreo xk'utb'esi rib' chiqu. Jo'kan naq naqatz'aama usilal, choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos. Mare anchal tooxrahob'tesi rik'in rax kamk malaj ch'iich'”.

Li Santil hu

³ Eb aꞌan queꞌxye re: —Li nimajcual Dios, li nakalokꞌoni la̱o aj hebreo, xcꞌutbesi rib chiku. Ba̱nu usilal, toa̱canab chi xic saꞌ li chaki chꞌochꞌ oxib cutan chi be. Ut aran tomayejak chiru li nimajcual Dios li nakalokꞌoni la̱o re nak incꞌaꞌ ta̱cha̱lk li rax ca̱mc saꞌ kabe̱n ut re ajcuiꞌ nak incꞌaꞌ tocamsi̱k riqꞌuin chꞌi̱chꞌ, chanqueb.

Éxodo 5:3 ပူးပေါင်းရင်းမြစ်များ

Éxodo 3:18

Eb' a'an te'rab'i laawaatin ut laa'at tatxik aawochb'eeneb' li xcheekelaleb' laj Israel rik'in li awab'ej re Ejiipt, toxeeye re: «Li Qaawa', li xYoseb' laj Hebreo, xk'ut rib' chiqu. Naqatz'aama b'i' usilal naq choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos», cha'qex.

Ezequiel 6:11

Li Qaawa' kixye wi' chik we chi jo'ka'in: “Poq'poq'i laawuq', tenle li ch'och' chiru laawoq ut yaab'an xb'aan li xk'iila maa'usilaleb' laj Israel. Relik chi yaal naq te'oso'q xb'aan li raaxiik', li we'ej ut li rakamk.

Esdras 7:23

“Chixjunil li taaraj li xYos li choxa tento xk'eeb'al chi tz'aqal re ru cho'q re li Loq'laj Ochoch, re naq ink'a' taachalq xjosq'il li xYos li choxa sa' xb'een li awab'ej, chi moko sa' xb'eeneb' li ralal xk'ajol ut li x'awab'ejihom.

2 Crónicas 30:8

Anaqwan meejipi eerib' jo' ke'xb'aanu leena' leeyuwa'; q'axtesihomaq b'an eerib' chiru li Qaawa' ut kimqex sa' li xLoq'laj Muheb'aal li santob'resinb'il xb'aan chi junajwa. K'anjelanqex chiru li Qaawa' leeYos, ut taanajto'q eerik'in li xnimal xjosq'il.

2 Reyes 17:25

Ab'an naq eb' li poyanam a'an ke'xtikib' wank Samaria, ink'a' ke'xloq'oni li Qaawa'; jo'kan naq li Qaawa' kixtaqlaheb' chaq li kaqkoj sa' xyanqeb' chi xkamsinkileb'.

Deuteronomio 28:21

Li Qaawa' tixtaqla chaq li raxkamk sa' aab'een toj reetal tatsache'q sa' li ch'och' toxat-okaq wi'.

Éxodo 7:16

Toxaaye re: «Li Qaawa', li xYoseb' laj Hebreo, xinxtaqla chaq aawik'in chi xyeeb'al aawe: Kanab'eb' chi xik lintenamit re naq tine'xloq'oni chaq sa' li chaqich'och'. Ab'an chalen toj anaqwan ink'a' xawaj rab'inkil.

Éxodo 8:1

Kixye li Qaawa' re laj Moisés: “Ayu rik'in laj Parahón chi xyeeb'al re: «Jo'ka'in naxye li Qaawa': Kanab'eb' chi elk lintenamit re naq tinxloq'oni.

Éxodo 8:20

Kixye li Qaawa' re laj Moisés: “Waklin toj eq'la chi us, ayu rik'in laj Parahón naq a'an taaxik chire li nima', ut taaye re: «Jo'ka'in naxye li Qaawa': Kanab'eb' chi elk lintenamit re naq tine'xloq'oni.

Éxodo 8:27

Jo'kan naq toob'eeq sa' li chaqich'och' chiru oxib' kutan ut aran toomayejaq chiru li Qaawa' li qaYos, jo' taqlanb'ilo wi' xb'aan”.

Levítico 26:25

Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.