Éxodo 5:22 - Q'eqchi Bible

²² Toja' naq kisutq'iik laj Moisés rik'in li Qaawa' ut kixye: “At Qaawa', k'a'ut naq nakarahob'tesi li tenamit a'in? K'a'ut naq xinaataqla chaq?

Li Santil hu

²² Tojoꞌnak laj Moisés quia̱tinac cuiꞌchic riqꞌuin li Ka̱cuaꞌ Dios ut quixye re: —Ka̱cuaꞌ, ¿cꞌaꞌut nak yo̱cat chixqꞌuebal saꞌ raylal li tenamit aꞌin? ¿Cꞌaꞌru aj e nak xina̱takla chak arin?

Éxodo 5:22 ပူးပေါင်းရင်းမြစ်များ

Jeremías 20:7

At Qaawa', xinaab'oq ut xinaaq'unb'esi, ut laa'in xinsume linb'oqb'al; laa'at jwal kaw aawib' chiwu, jo'kan naq xaq'ax wu. Chixjunileb' nikine'xse'e rajlal ut nikine'reetz'u wulaj wulaj.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Salmos 73:25

Ani ta chik wank we sa' choxa? Naq wankin aawik'in, maak'a' chik ninrahi sa' ruuchich'och'.

1 Reyes 19:10

“K'ajo' naq naxamnak linch'ool xb'aan aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet! Ka'ajin aj chik xinkanaak, ut te'raj ajwi' inkamsinkil”, chan laj Elías.

1 Reyes 19:4

Chirix chik a'an jun kutan kib'eek xjunes sa' li chaqich'och', toj reetal kiwulak ut kihilank rub'el jun toon chi che'. Aran q'axal kixrahi li kamk ut kixye: “Tz'aqalaq li rahilal a'in, at Qaawa'! Us raj wi tinaak'e chi kamk xb'aan naq moko jwal chaab'ilin ta chiruheb' linxe'toonil yuwa'!”, chan.

1 Samuel 30:6

K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos

Números 11:11

ut kixye re li Qaawa': “K'a'ut naq ra nakab'aanu we laa'in aj k'anjel chawu? K'aru linmaak chawu naq xateneb' sa' inb'een rilb'aleb' chixjunil li tenamit a'in?

Éxodo 17:4

Toja' naq laj Moisés kixyaab'a li Qaawa' ut kixye: “K'aru tinb'aanu rik'in li tenamit a'in? Kach'in chik maa nikine'xkuti chi pek”.

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Jeremías 4:10

Ut laa'in kinye: “At Qaawa', k'ajo' naq xab'alaq'iheb' laj Jerusalén rik'in xyeeb'al naq te'wanq sa' tuqtuukilal, ut anaqwan a' chik li kamk xteneb'aak sa' xb'eeneb'!”.

Josué 7:7

Chirix chik a'an kixye laj Josué: “At inQaawa', k'a' naq xak'e li tenamit a'in chi nume'k junpak'al li nima' Jordán yal re qaq'axtesinkil sa' ruq'eb' laj Amor ut re qasachb'al? Us raj naq xookanaak chaq junpak'al li nima' Jordán!