Éxodo 4:21 - Q'eqchi Bible

²¹ Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

Li Santil hu

²¹ Li Ka̱cuaꞌ Dios quixye ajcuiꞌ re laj Moisés: —Nak cua̱nkat aran Egipto, ta̱ba̱nu chiru laj faraón chixjunil li cꞌaꞌru xinye a̱cue ut xinqꞌue a̱cuanquilal chixba̱nunquil. La̱in tinqꞌue xcacuil xchꞌo̱l laj faraón re nak incꞌaꞌ tixcanabeb chi e̱lc eb laj Israel.

Éxodo 4:21 ပူးပေါင်းရင်းမြစ်များ

Romanos 9:18

Jo'kan utan, li Yos naruxtaana ru li ani naraj ruxtaanankil ru, ut naxjipob'resi xch'ool li ani naraj xjipob'resinkil.

Isaías 63:17

K'a'ut naq xoohaakanab' chi sachk, at Qaawa'? K'a'ut naq xjipo'k li qach'ool re naq ink'a' chik xqak'e aaloq'al? Kim wi' chik, at Qaawa', sa' xk'ab'a'eb' laj k'anjel chawu, sa' xk'ab'a' laaweechanihom, a' laatenamit.

Josué 11:20

Li Qaawa' kixk'e xkawilaleb' xch'ool chixjunileb' li tenamit a'an re yalok rik'ineb' laj Israel, re naq te'sache'q ru chi junajwa, jo' kixye li Qaawa' re laj Moisés.

San Juan 12:40

“Kixmutz'o'b'resiheb' li ru ut kixkawub'resi xch'ooleb', re naq ink'a' te'iloq rik'ineb' li ru, chi moko te'xtaw ru sa' xch'ooleb', chi moko te'yot'e'q xch'ool ut laa'in teb'ink'irtasi raj”.

Éxodo 14:8

Li Qaawa' kixkawub'resi xch'ool laj Parahón, awab'ej re Ejiipt, re naq tixtaaqeheb' laj Israel naq yookeb' chi elk chi kaweb' xch'ool.

Éxodo 9:35

Kikawuuk xch'ool laj Parahón ut ink'a' kixkanab'eb' chi elk laj Israel, kama' yeeb'il chaq xb'aan li Qaawa' chi xtz'uumal re laj Moisés.

Éxodo 9:12

Ab'anan li Qaawa' kixkawub'resi xch'ool laj Parahón, ut a'in ink'a' kirab'iheb', kama' yeeb'il chaq re laj Moisés xb'aan li Qaawa'.

Éxodo 7:13

Ab'an kikawuuk xch'ool laj Parahón ut ink'a' kirab'iheb', jo' tz'aqal yeeb'il chaq chi junxilaj xb'aan li Qaawa'.

Éxodo 3:20

Ab'an laa'in tinye' li wuq' ut tinrahob'tesiheb' laj Ejiipt rik'in chixjunileb' li sachb'ach'oolej li tinb'aanu sa' xyanqeb'; toja' naq texxkanab' chi elk.

Éxodo 10:20

Ab'an li Qaawa' kixkawub'resi xch'ool laj Parahón, ut a'in ink'a' kixkanab'eb' chi elk laj Israel.

Éxodo 7:3

Ab'an laa'in tinkawub'resi xch'ool laj Parahón; us ta naab'al li xninqal ru eetalil ut li sachb'ach'oolej tinb'aanu sa' xteepal Ejiipt,

Isaías 6:10

Kawub'resi li xch'ooleb' li tenamit a'in, chajipob'resi li xxikeb' ut chamutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi”, chan.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

1 Pedro 2:8

Ut naxye ajwi': “A'an a'in li pek te'tichk'oq wi' naab'aleb'. Chiru li saqoonak a'in naab'aleb' te't'ane'q”. Neke'tichk'ok rik'in a'an xb'aan naq neke'xq'et li Aatin: a'an a'in li teneb'anb'il chaq chi xb'eeneb'.

2 Corintios 2:16

cho'q reheb' li junch'ol laa'o xb'ook li kamk li nak'amok chaq li kamk, ut cho'q reheb' li junch'ol chik laa'o xb'ook li yu'am nak'ehok yu'am. Ut ani truuq tixb'aanu a'in?

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Salmos 105:25

Kixpo' xch'ooleb' laj Ejiipt re naq xik' chik te'ril li xtenamit ut te'xra'aleheb' li sik'b'ileb' ru xb'aan.

1 Reyes 22:22

Kichaq'ok li musiq'ej: «Tinxik ut toxink'e li tik'ti' chi xtz'uumal reheb' chixjunileb' li propeet». Toja' naq li Qaawa' kixye re: «Us, ayu ut b'alaq'i laj Ajab. Ut taa'uxmanq jo' xaye», chan.

Deuteronomio 2:36

Chalen chaq Aroher, junq re li taq'a Arnón, ut li tenamit li wank sa' li taq'a, toj Galahad, maajun tenamit ink'a' ta kooruuk koo'ok wi'. Li Qaawa' li qaYos kixq'axtesi sa' quq' chixjunil.

Génesis 6:3

Toja' naq kixye li Qaawa': “Ink'a' chik taawanq chi junajwa linmusiq' rik'ineb' li winq xb'aan naq yal tib'elejeb'. Ka'ajaq aj chik waqk'aal (120) chihab' li xyu'ameb'”.

Éxodo 8:32

Ab'anan jun sut chik laj Parahón kixkawub'resi xch'ool ut ink'a' kixkanab'eb' chi elk laj Israel.

Éxodo 10:1

Kixye li Qaawa' re laj Moisés: “Ayu rik'in laj Parahón, xb'aan naq xinkawub'resi xch'ool jo' ajwi' li xch'ooleb' laj k'anjel chiru, re xb'aanunkil eb' li xninqal reetalil a'in sa' xyanqeb'.

Éxodo 10:27

Ab'an li Qaawa' kixkawub'resi xch'ool laj Parahón, ut a'in ink'a' kixkanab'eb' chi elk.

Éxodo 11:9

Toja' naq li Qaawa' kixye re laj Moisés: “Laj Parahón ink'a' texrab'i, ut chi jo'kan tinnaab'alob'resi linsachb'ach'oolej sa' li tenamit Ejiipt”, chan.

Éxodo 11:10

Laj Moisés ut laj Aharón ke'xb'aanu chixjunileb' li sachb'ach'oolej a'in chiru laj Parahón; ab'an li Qaawa' kixkawub'resi xch'ool laj Parahón ut a'in ink'a' kixkanab'eb' laj Israel chi elk sa' li xtenamit.

Salmos 78:43

naq kixb'aanu xninqal ru eetalil aran Ejiipt ut naab'al li sachb'ach'oolej sa' xtaq'ahil Sohán.

Éxodo 3:19

Ak ninnaw naq li awab'ej re Ejiipt ink'a' texxkanab' chi xik wi ink'a' ta minb'ilaq ru chi kaw.

Éxodo 8:11

Eb' li amoch te'elq aawik'in, sa'eb' laawochoch, rik'ineb' laj k'anjel chawu ut sa' laatenamit, ut ka'aj chik sa' li nima' te'kanaaq”.

Éxodo 8:15

Ab'an naq laj Parahón kiril naq ak xnume'k li rahilal, kixkawub'resi xch'ool ut ink'a' kirab'iheb' laj Moisés ut laj Aharón, kama' yeeb'il chaq xb'aan li Qaawa'.

Éxodo 14:17

K'e reetal, laa'in tinkawub'resi xch'ooleb' laj Ejiipt re naq te'xik cherix. Toja' naq taanimaaq inloq'al naq tinsach xwankil laj Parahón ut chixjunileb' laj puub', li xb'eleb'aal ch'iich' ut li wankeb' chirixeb' li kawaay.