Éxodo 38:8 - Q'eqchi Bible

⁸ Laj Besalel kixyiib' li pila rochb'een li roq, rik'in q'anch'iich': rik'in li xlemeb' li ixq li neke'k'anjelak sa' rokeb'aal li xMuheb'aal li ch'utam.

Li Santil hu

⁸ Riqꞌuin li lem bronce li quicꞌanjelac chiruheb li ixk li queꞌcꞌanjelac chire li oqueba̱l re li tabernáculo, queꞌxyi̱b jun li pila xnaꞌaj li haꞌ joꞌ ajcuiꞌ lix naꞌaj li teꞌxqꞌue cuiꞌ.

Éxodo 38:8 ပူးပေါင်းရင်းမြစ်များ

San Lucas 2:37

Anaqwan xmalka'an chik ut kaahib' ro'k'aal chihab' wank re. Ink'a' naxkanab' li rochoch li Yos, yo chi k'anjelak chiru li Qaawa' chi q'eq ut chi kutan rik'in kuyuk sa' ut tijok.

1 Samuel 2:22

Ak tiix chi us laj Elí. Ab'anan naq kirab'i chixjunil li neke'xb'aanu eb' li ralal rik'ineb' laj Israel ut chanru neke'wark rik'ineb' li ixq li neke'k'anjelak chire li rokeb'aal li Loq'laj Muheb'aal,

Éxodo 40:7

taak'e li pila sa' xyanq li xMuheb'aal li ch'utam rik'in li artal, ut taak'e ha' chisa'.

1 Timoteo 5:5

Li tz'aqal xmalka'an ut junaatal, wank xsahil oyb'enihom rik'in li Yos ut junelik natijok natz'aamank chi q'eq ut chi kutan.

San Juan 13:10

Li Jesus kixye re: —Ani ak x'atink ink'a' chik naraj ch'aje'k xb'aan naq ak saq ru li xjunxaqalil. Ut laa'ex ak ch'ajb'ilex, ab'an moko chejunilex ta.

Zacarías 13:1

“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén, re naq te'xch'aj li xmaakeb' ut li xmaa'usilaleb'.

Salmos 26:6

Ninch'aj li wuq' re xk'utb'al naq maak'a' inmaak, ut ninsutyan chi xk'atq laa'artal, at Qaawa'.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

1 Juan 3:7

Ex inkok'al, maa'ani chib'alaq'inq eere. Ani nab'aanunk re li tiikilal, a'an tiik xch'ool jo' li Jesus.

Hebreos 9:10

chixjunil a'an yal ruuchich'och'il chaq'rab' li na'aatinak chirix tzekemq, uk'a', jo'wi' chirix li k'iila paay chi ch'ajob'resink ib', ut kiwank xwankil toj kiwulak xq'ehil xjalb'al chixjunil.

San Juan 18:16

ut laj Pedro kikanaak chirix kab'l, chi xk'atq li okeb'aal. Toja' naq ki'elk chaq li tzolom jun chik, a' li nawb'il ru xb'aan li xyuwa'il aj tij, ki'aatinak rik'in li ixq aj ilol okeb'aal, ut kiroksi laj Pedro.

San Mateo 26:69

Laj Pedro wank chirix kab'l, k'ojk'o chi neb'aal. Toja' naq jun li moos ixq kinach'ok rik'in ut kixye re: —Laa'at ajwi' xat-ochb'eenink chaq re li Jesus, laj Galilea.

Proverbios 8:34

Us xaq re li na'ab'ink we, wulaj wulaj naraj wab'inkil ut ninxsik' toj sa' li wochoch.

1 Reyes 7:38

Kixyiib' ajwi' lajeeb' xna'aj ha' rik'in oor, li junjunq naxkuy junqmay kuk chi ha'. Li junjunq chi xna'aj ha' nab'isok junq moqoj roq. Wank jun xna'aj ha' sa' xb'een li junjunq chi k'ochleb'aal.

Éxodo 31:9

li artal re li k'atb'il mayej rochb'een chixjunileb' li xk'anjelob'aal, li pila rochb'een li roq,

Éxodo 38:7

ut kixch'ikeb' sa'eb' li argoya chi xk'atq li artal re xpaqonkil. Kixyiib' li artal chi hopho xsa', rik'in tz'alamche'.

Éxodo 30:17

Li Qaawa' kiraatina laj Moisés ut kixye re:

2 Crónicas 4:2

Chirix chik a'an kixyiib' jun nimla xna'aj ha' rik'in q'anch'iich', li nab'isok kach'in chik maa oxib' moqoj li re junpak'al rik'in li jun chik, wan xkab' moqoj li xteram ut numenaq waqxaqib' moqoj li xsuram.

Isaías 3:23

eb' li lem, li aq'ej terto xtz'aq, li xb'ak'b'al li rismal xjolomeb' ut eb' li xt'ikr.