Éxodo 36:2 - Q'eqchi Bible

² Laj Moisés kixb'oq laj Besalel, laj Oholiab ut chixjunileb' li winq seeb'eb' xch'ool li k'eeb'ileb' xna'leb' xb'aan li Qaawa', jo'k'ihal li neke'reek'a sa' xch'ooleb' okenk chi xb'aanunkil junaq k'anjel.

Li Santil hu

² Joꞌcan nak laj Moisés quixbokeb laj Bezaleel ut laj Aholiab ut chixjunileb li cuanqueb xnaꞌleb chixba̱nunquil chi us li cꞌanjel. Queꞌala saꞌ xchꞌo̱leb oque̱nc saꞌ li cꞌanjel aꞌin, ut li Dios quiqꞌuehoc xnaꞌlebeb re xba̱nunquil.

Éxodo 36:2 ပူးပေါင်းရင်းမြစ်များ

Hebreos 5:4

Ut maa'ani naru tixchap li loq'laj k'anjel a'in cho'q re xjunes rib', ka'aj b'an wi' li b'oqb'il xb'aan li Yos jo' laj Aharón.

Colosenses 4:17

Cheye re laj Arkipo: “Chak'e sa' aach'ool li k'anjel kik'ehe'k aawe sa' xk'ab'a' li Qaawa', ut chayal aaq'e chi xb'aanunkil chi us”.

Éxodo 31:6

K'e reetal, laa'in xink'e laj Oholiab cho'q aj tenq' re, a' li ralal laj Ajisamak, xkomoneb' li ralal xk'ajol laj Dan. Xink'e ajwi' xseeb'aleb' xch'ool chixjunileb' laj k'anjel re te'xb'aanu chixjunil li xatintaqla wi':

Hechos 14:23

Sa' li junjunq chi Iklees ke'xxaqab' xcheekel winqilaleb' ut, naq ak ke'tijok ut ke'ayuunik, ke'xq'axtesiheb' sa' ruq' li Qaawa', a' li xaqxo wi' li xpaab'ahomeb'.

1 Crónicas 29:5

Tinq'axtesi chixjunil li plaat ut li oor re xyiib'ankil li jalan jalanq k'a'aq re ru: tink'e li plaat re xyiib'ankil li k'aru tento xyiib'ankil rik'in plaat, ut tink'e li oor re xyiib'ankil li k'aru tento xyiib'ankil rik'in oor. Ut anaqwan ani eere laa'ex x'alaak sa' xch'ool xk'eeb'al xmayej cho'q re li Qaawa'?”, chan laj David.

Éxodo 35:10

“Chalqeb' laj k'anjel seeb'eb' xch'ool li wankeb' sa' eeyanq, chi xb'aanunkil li kixye li Qaawa':

Éxodo 35:2

Chiru waqib' kutan texk'anjelaq, ab'an li xwuq kutan oxloq'oninb'ilaq eeb'aan, a'anaq tz'aqal hilob'aal kutan sa' xk'ab'a' li Qaawa'. Chixjunileb' li te'k'anjelaq sa' li kutan a'an, te'kamq.

Éxodo 28:3

Taawaatina chixjunileb' laj k'anjel li xink'eheb' xna'leb': a'aneb' te'yiib'anq re li raq'eb' laj Aharón re naq q'axtesinb'ilaq we cho'q aj tij.

Éxodo 25:2

“Ye reheb' laj Israel naq te'xyeechi'i xmayejeb' we. Laa'ex teexok cho'q we jo'ch'inal jo'nimal li na'alaak sa' xch'ooleb'.

Éxodo 36:1

“Jo'kan naq laj Besalel, laj Oholiab ut chixjunileb' li winq seeb'eb' xch'ool, li k'eeb'ileb' xna'leb' ut xseeb'al xch'ooleb' xb'aan li Qaawa' re xb'aanunkil chi chaab'il chixjunil li k'anjel aajel ru sa' li Santil Na'ajej, ke'xb'aanu jo' tz'aqal taqlanb'ileb' wi' xb'aan li Qaawa'”.

Éxodo 36:3

Eb' a'in ke'xk'ul sa' ruq' laj Moisés chixjunil li mayej li ke'xyeechi'i eb' laj Israel re naq taayaalo'q li xnimal k'anjel cho'q re li Santil Na'ajej. Ab'an rajlal eq'la eb' laj Israel toj yookatqeb' chi xq'axtesinkil re laj Moisés li na'alaak sa' xch'ooleb'.

1 Crónicas 28:21

Arin wankeb' li xch'uutaleb' laj tij ut eb' laj Leví li te'k'anjelaq sa' rochoch li Qaawa'. Aawochb'eenaqeb' ajwi' sa' chixjunil a'in jo'k'ihaleb' li na'alaak sa' xch'ooleb' k'anjelak ut neke'xnaw k'iila paay li k'anjel. Eb' laj jolominel ut chixjunileb' li tenamit wanqeb' rub'el aataqlahom”.

Éxodo 25:40

K'e reetal re naq taayiib' a'an jo' chanru kik'ute'k chawu sa' li tzuul.