Éxodo 32:7 - Q'eqchi Bible

⁷ Toja' naq li Qaawa' kiraatina laj Moisés ut kixye re: “Ayu, kub'en sa' li tzuul, xb'aan naq xe'maakob'k laatenamit, li kawisiheb' chaq aran Ejiipt.

Li Santil hu

⁷ Ut li Dios quixye re laj Moisés: —Ayu, cuben. Tatxic riqꞌuineb li cristian. Cꞌajoꞌ xyibal ru yo̱queb la̱ tenamit li xacuisiheb chak saꞌ li tenamit Egipto.

Éxodo 32:7 ပူးပေါင်းရင်းမြစ်များ

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Deuteronomio 9:12

ut kixye we: «Ayu, kub'en chi junpaat, xb'aan naq laatenamit li kawisiheb' chaq Ejiipt xe'xpo' xch'ooleb'. Sa' junpaat xe'xkanab' li b'e ink'utum chiruheb' ut xe'xyiib' jun li yos yiib'anb'il rik'in ch'iich'», chan.

Jueces 2:19

Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

Éxodo 19:24

Ut li Qaawa' kixye re: “Ayu, kub'en ut moqon taqen chaq wi' chik aawochb'een laj Aharón. Ab'an eb' laj tij ut eb' li tenamit me'xq'ax li nub'ajl ut me'taqe'k chaq wankin wi', re naq ink'a' taachalq linjosq'il sa' xb'eeneb'”.

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Deuteronomio 32:5

“Ab'anan laa'ex keq'et li raatin ut kerahob'tesi xch'ool, moko laa'ex ta chik ralal xk'ajol, laa'ex b'an chik ab'l alalb'ej; laa'ex jun tenamit li kipo'k eena'leb' ut ink'a' chik us eech'ool.

Deuteronomio 4:16

Jo'kan naq meepo' leena'leb': meeyiib' junaq eepech'b'il yos jo' rilb'al junaq winq malaj ixq,

Éxodo 33:1

Kixye li Qaawa' re laj Moisés: “Ayu, elen arin aawochb'eeneb' li tenamit li kawisiheb' chaq Ejiipt, ut ayuqex sa' li ch'och' kinyeechi'i rik'in jurament re laj Abrahán, laj Isahak ut laj Jakob, naq kinye: Eb' aawalal aak'ajol tink'e wi' li na'ajej a'in.

Éxodo 32:4

Ut a'in kixxok sa' ruq'eb', kixyiib' jun molde, kixha'resi li oor ut kixyiib' jun ch'ina wakax. Toja' naq eb' a'an ke'xye: “A'an a'in laayos, a Israel. A'an ki'isink chaq aawe sa' li tenamit Ejiipt”, chankeb'.

Éxodo 32:1

Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.

Deuteronomio 9:8

Jo'kan ajwi' chiru li tzuul Horeb, kechiq' xjosq'il li Qaawa', ut li A'an kichalk xjosq'il sa' eeb'een ut kach'in chik maa kexsachk chi junajwa.

Salmos 78:36

Ab'an yal rik'in xtz'uumal reheb' ke'xnima xloq'al, ut rik'in li ru'uj raq'eb' ke'tik'ti'ik chiru.

Deuteronomio 31:29

Ninnaw naq akaq xinkamk chik, taapo'q leena'leb'; teekanab' li b'e xink'ut cheru ut naab'al li rahilal taachalq sa' eeb'een sa'eb' li kutan chaalel, xb'aan teeb'aanu li ink'a' us chiru li Qaawa' ut teechiq' xjosq'il rik'in leeyib' aj b'aanuhom”, chan laj Moisés.

2 Crónicas 27:2

Laj Jotán kixb'aanu li nawulak chiru li Qaawa', jo' tz'aqal kixb'aanu laj Osías li xyuwa', ab'an ink'a' ki'ok sa' rochoch li Qaawa'. Ut eb' li tenamit ink'a' ke'xkanab' xb'aanunkil li ink'a' us.

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.