Éxodo 32:32 - Q'eqchi Bible

³² Ab'anan, us raj taakuyeb' xmaak. Wi ut ink'a', sach ink'ab'a' sa' li hu tz'iib'anb'il aab'aan”.

Li Santil hu

³² Ut anakcuan tintzꞌa̱ma cha̱cuu, ba̱nu usilal, chacuy lix ma̱queb. Cui incꞌaꞌ naru ta̱cuy lix ma̱queb, ba̱nu usilal ta̱cuisi lin cꞌabaꞌ saꞌ la̱ hu li tzꞌi̱banbil cuiꞌ xcꞌabaꞌeb li ti̱queb xchꞌo̱l, chan.

Éxodo 32:32 ပူးပေါင်းရင်းမြစ်များ

Salmos 69:28

Chatiq xkomon li xmaa'usilaleb' rik'in maa'usilal; ink'a' ta chik che'tz'aqonq sa' laakuyum.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Filipenses 4:3

Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am.

Romanos 9:3

Nawaj raj naq maa'usilanb'ilaqin ta ut jachjooqin raj rik'in li Kriist xb'aan xraab'aleb' li was wiitz'in, eb' li wech tenamitul li wech kik'elil.

Daniel 12:1

«Sa'eb' li kutan a'an taachalq laj Miguel, li xnimal ru ánjel li nakolok re laatenamit. Q'axal rahaq rilb'aleb' li kutan a'an, jo' maajun wa kik'ulmank chalen chaq sa' xtiklajikeb' li tenamit toj anaqwan. Toja' naq taakole'q laatenamit, jo'k'ihaleb' li tz'iib'anb'ileb' xk'ab'a' sa' li xHuhul li yu'am.

Apocalipsis 3:5

Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

Salmos 139:16

Toj maji' ninyo'laak chaq, ak nakawil wu; ak tz'iib'anb'ileb' chixjunil linkutan sa' laahu, ajlanb'ileb' chik naq toj maji' neke'wank.

Salmos 56:8

Ma truuq tab'i' te'xkol rib' chiru li tojb'amaak? At inYos, chasacheb' ru li poyanam a'an xb'aan laajosq'il!

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.

Deuteronomio 29:20

Li Qaawa' moko taaraj ta xkuyb'al li xmaak, taajosq'o'q b'an ut taaraho'q xch'ool chirix li winq a'an; chixjunil li rahilal tz'iib'anb'il sa' li hu a'in taanaq sa' xb'een li winq a'an ut li Qaawa' tixsach li xk'ab'a' chi junajwa yalaq b'ar sa' ruuchich'och'.

Deuteronomio 25:19

Jo'kan naq chiwanq sa' aach'ool a'in: naq li Qaawa' laaYos akaq xsacheb' ru chixjunileb' li xik' neke'ilok aawe chasutam ut xatroksi sa' li na'ajej tixk'e chaweechani, tento taasachq xk'ab'a' laj Amalek chi junajwa, junsut junrub'el choxa. Misachk sa' aach'ool a'in!

Deuteronomio 9:14

Kanab'in chi xsachb'al ruheb' re naq ink'a' chik taapatz'e'q li xk'ab'a' rub'el choxa. A'ut laa'at tink'eheb' chi tamk laawalal aak'ajol re naq naab'alaqeb' ut q'axal kawaqeb' rib' chiru li tenamit a'in», chan.

Números 14:19

Jo'kan utan chakuy xmaakeb' li tenamit a'in jo' chanru xnimal xchaab'ilal laach'ool, jo' xakuy xmaakeb' chalen xe'elk chaq Ejiipt, toj xook'ulunk arin”, chan laj Moisés.

Éxodo 32:10

Kanab'in anaqwan chi xk'eeb'al injosq'il sa' xb'eeneb' re naq teb'insach; ut laa'at tatink'e cho'q xnimal ru tenamit”.

San Lucas 23:34

Ut li Jesus kixye: “At inYuwa', chakuyeb' xmaak xb'aan naq ink'a' neke'xnaw k'aru yookeb' chi xb'aanunkil”. Ut eb' laj puub' ke'xjek'i li raq' chirib'ileb' rib' chi b'uulinb'il rix.

Amós 7:2

Ut naq eb' laj saak' ak xe'raqe'k chi xsachb'al li raxpim, kinye: “At Qaawa' Yos, b'aanu usilal, chakuy qamaak. Chanru naq tqakuy? Xb'aan naq moko k'iho ta laa'o”.

Ezequiel 13:9

Tintaqsi li wuq' sa' xb'eeneb' li propeet li neke'ilok b'alaq'il moy u ut neke'yehok tik'ti'. Eb' a'an moko te'okenq ta chi k'uub'ank sa' xyanqeb' lintenamit chi moko tz'iib'anb'ilaq li xk'ab'a'eb' sa' xhuhul eb' laj Israel. Ink'a' te'ok sa' xteepal Israel. Toj aran te'xnaw naq laa'in li Qaawa'».

Apocalipsis 22:19

Ut wi ani wank k'aru trisi reheb' li raatin propeet wankeb' sa' li hu a'in, li Yos tixmaq' chiru li b'arwan taatz'aq wi' raj rik'in li che' nak'ehok yu'am jo'wi' sa' li santil tenamit, a' li tz'iib'anb'il resil sa' li hu a'in.

San Lucas 10:20

Ab'anan misaho'k sa' eech'ool rik'in naq eb' li maa'us aj musiq'ej neke'paab'ank cheru; chexsaho'q b'an rik'in naq tz'iib'anb'il leek'ab'a' sa' choxa.

Números 11:15

Wi jo'kan yooqat we, q'axal us naq taawisi linyu'am, wi yaal naq nikinaara. Chi jo'kan ink'a' chik tin'iloq rahilal jo' li yookin chi xk'ulb'al anaqwan”, chan laj Moisés.

2 Samuel 18:33

K'ajo' naq kiraho'k xch'ool li awab'ej. Koho xjunes sa' li na'ajej wank sa' xb'een li rokeb'aal li tenamit ut ki'ok chi yaab'ak: “At Absalón, at walal! Absalón, at walal, at walal! -chan naq yo chi xik-. Us raj naq laa'in xinkamk ut laa'at toj yo'yooqat, Absalón, at walal, at walal”.

Isaías 4:3

“Santil tenamit” te'xk'ab'a'in li te'kole'q aran Sión, jo'k'ihaleb' li ink'a' ke'sache'k ru sa' li tenamit Jerusalén ut tz'iib'anb'il xk'ab'a'eb' sa' xyanqeb' li yo'yookeb'.

Malaquías 3:16

Toja' naq eb' laj paab'anel ke'aatinak chirib'ileb' rib', ut li Qaawa' kirab'i chi us li k'aru ke'xye. Ut chiru ajwi' li Qaawa' kitz'iib'aak jun li tasal hu, re naq patz'b'ilaqeb' li neke'paab'ank ut neke'oxloq'ink re li Qaawa' Yos.

Malaquías 3:17

Toja' naq li Nimajwal Yos kixye: “Yookin chi xkawresinkil jun li kutan, b'arwi' a'aneb' tz'aqal intenamitaqeb' wi' chik, ut tinkuy li xmaakeb' jo' naq jun li yuwa'b'ej naxkuy xmaak li ralal li nak'anjelak chiru.

Números 11:25

Li Qaawa' kikub'e chaq sa' li choql, kiraatina laj Moisés ut kixk'e reheb' li lajeeb' xkaak'aal chi tiixil winq kach'inatq li musiq'ej wank rik'in laj Moisés. Sa' li honal a'an, naq ki'ok li musiq'ej rik'ineb', ke'xtikib' aatinak jo' propeet; ab'anan ink'a' chik ke'aatinak chi jo'kan moqon.