Éxodo 32:31 - Q'eqchi Bible

³¹ Naq laj Moisés kisutq'iik wan wi' li Qaawa', kixye re: “Eb' li tenamit a'in k'ajo' xnimal li maak xe'xb'aanu: xe'xyiib' jun xyoseb' rik'in oor.

Li Santil hu

³¹ Tojoꞌnak laj Moisés quisukꞌi cuiꞌchic riqꞌuin li Dios ut quixye re: —Eb li tenamit aꞌin nimla ma̱c queꞌxba̱nu. Queꞌxyi̱b lix dioseb oro.

Éxodo 32:31 ပူးပေါင်းရင်းမြစ်များ

Éxodo 20:23

Meeyiib' eeyos rik'in plaat malaj oor; meeyiib' chi junajwa. Ka'ajwi' laa'in tineeloq'oni.

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Daniel 9:8

At Qaawa', xnumtaak li xutaan sa' qab'een, sa' xb'eeneb' li awab'ej, eb' laj k'amol qab'e jo' ajwi' sa' xb'eeneb' li qaxe' qatoon xb'aan naq xqaq'et laachaq'rab'.

Éxodo 32:30

Sa' li kutan jun chik kixye laj Moisés reheb' li tenamit: “Makach'in xnimal li maak xeb'aanu. Anaqwan tintaqe'q wi' chik rik'in li Qaawa': mare chan naq tixkuy eemaak”.

Daniel 9:5

Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Nehemías 9:33

Laa'at tiik laach'ool ut paab'ajelat sa' chixjunil li kichalk sa' qab'een, a'ut laa'o koomaakob'k.

Esdras 9:15

“At Qaawa', xYos laj Israel, laa'at tiik aach'ool. Jo'kan naq toj yo'yooko anaqwan jarub'o li xookole'k. Wanko rub'el laawoq rub'el laawuq' laa'o aj maak, us ta maajun xnimal aj maak naxkuy wank chawu”.

Éxodo 34:28

Chiru ka'k'aal kutan ut ka'k'aal q'oqyink laj Moisés kikanaak chaq aran rik'in li Qaawa', ut ink'a' kiwa'ak chi moko ki'uk'ak; ut kixtz'iib'a chiruheb' li perpookil pek li raatineb' li Sumwank, a'eb' li lajeeb' chi aatin.

Éxodo 20:4

“Maapech' chi moko taayiib' xjalam u junaq k'a' re ru li wank taqe'q sa' choxa, malaj li wank taq'a sa' ruuchich'och', chi moko li wank sa' ha' rub'el li ch'och'.

Nehemías 9:18

Us ta ke'xyiib' jun ch'ina wakax rik'in ha'lesinb'il ch'iich' ut ke'xye naq a'an li xyoseb' li ki'isink chaq reheb' Ejiipt, us ta k'ajo' naq kate'xtz'eqtaana,