Éxodo 32:30 - Q'eqchi Bible

³⁰ Sa' li kutan jun chik kixye laj Moisés reheb' li tenamit: “Makach'in xnimal li maak xeb'aanu. Anaqwan tintaqe'q wi' chik rik'in li Qaawa': mare chan naq tixkuy eemaak”.

Li Santil hu

³⁰ Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

Éxodo 32:30 ပူးပေါင်းရင်းမြစ်များ

1 Samuel 12:20

Ab'an laj Samuel kixye reheb': “Mexxiwak. Yaal naq xeb'aanu li nimla maak a'in, ab'anan meetz'eqtaana chik li Qaawa' ut chexk'anjelaq chiru chi anchal eech'ool.

Números 25:13

tinxaqab' laj Pinjás ut eb' li ralal xk'ajol cho'q aj tij chi junajwa, xb'aan naq tz'aqal xinxra ut kixtoj rix xmaakeb' laj Israel”, chan li Qaawa'.

Jonás 3:9

Mare wachik li Yos tixjal li xk'a'uxl, taach'anaaq li xjosq'il, ut ink'a' tookamq”.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

2 Reyes 17:21

Naq eb' laj Israel ke'risi rib' sa' xyanqeb' li ralal xk'ajol laj David ut ke'xxaqab' laj Jerobohán, ralal laj Nebat, cho'q x'awab'ejeb', laj Jerobohán kixk'eheb' laj Israel chi xtz'eqtaanankil li Qaawa' ut xb'aanunkil li maa'usilal.

2 Samuel 16:12

Mare chan naq li Qaawa' taaril li xtoq'ob'aal wu ut tinrosob'tesi cho'q reeqaj linmajewankil yookin chi xk'ulb'al sa' li kutan a'in”, chan.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

Números 16:47

Laj Aharón kixb'aanu jo' kiyehe'k re xb'aan laj Moisés: koho sa' aanil ut koxk'e rib' sa' xyanqeb' li tenamit. Ak xtiklaak li raxkamk sa' xyanqeb'. Kixk'e li pom sa' li xanxaar ut kimayejak sa' xk'ab'a'eb'.

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

Romanos 9:3

Nawaj raj naq maa'usilanb'ilaqin ta ut jachjooqin raj rik'in li Kriist xb'aan xraab'aleb' li was wiitz'in, eb' li wech tenamitul li wech kik'elil.

San Lucas 15:18

Tinwakliiq, tinxik rik'in linyuwa' ut toxinye re: Wa', xinmaakob'k chiru li choxa ut chawu laa'at.

San Lucas 7:47

Jo'kan naq ninye aawe: kuyb'ileb' sachb'ileb' li xk'iila maak xb'aan naq q'axal xrahok. A'ut li yal kach'in xmaak nakuye'k, kach'in ajwi' narahok.

1 Samuel 2:17

Jo'kan naq q'axal nim chiru li Qaawa' li xmaakeb' li wiib' chi aj k'anjel a'an, xb'aan naq ink'a' neke'roxloq'i li k'aru mayejanb'il chiru li Qaawa'.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

2 Samuel 12:9

Ab'anan k'a' naq xatz'eqtaana li waatin ut xab'aanu li ink'a' nawulak chiwu? Xakamsi chi ch'iich' laj Urías laj Hit, xataqla chi kamsiik xb'aaneb' laj Amón ut xak'am li rixaqil.

Éxodo 32:29

Kixye ut laj Moisés: “Sa' li kutan a'in laa'ex xexxaqab'aak chi k'anjelak cho'q aj tij chiru li Qaawa', xb'aan naq li junjunq xkamsi li ralal, li ras malaj li riitz'in. Jo'kan naq li Qaawa' tixk'e eere li rosob'tesihom sa' li kutan a'in”.

Salmos 99:6

Laj Moisés ut laj Aharón rochb'eeneb' li rech tijul, laj Samuel rochb'eeneb' li neke'patz'ok li xloq'laj k'ab'a' ke'xyaab'a li Qaawa', ut a'an kixsumeheb' chaq.

1 Samuel 12:17

Ma maawa' tab'i' anaqwan xq'ehil li q'olok triiw? Us b'i', tinyaab'a xk'ab'a' li Qaawa' re naq tixk'e chaq li kaaq ut li hab'. Chi jo'kan teenaw ut teek'e reetal naq nimla maak chiru li Qaawa' li xpatz'b'al jun li awab'ej cho'q eere”.

1 Samuel 12:19

“Chattijoq chiqix laa'o aj k'anjel chawu -chankeb' li tenamit-. Chatz'aama chiru li Qaawa' laaYos, naq ink'a' tookamq, xb'aan naq xqatiq roq li qamaak naq xqapatz' qa'awab'ej”.