Éxodo 32:29 - Q'eqchi Bible

²⁹ Kixye ut laj Moisés: “Sa' li kutan a'in laa'ex xexxaqab'aak chi k'anjelak cho'q aj tij chiru li Qaawa', xb'aan naq li junjunq xkamsi li ralal, li ras malaj li riitz'in. Jo'kan naq li Qaawa' tixk'e eere li rosob'tesihom sa' li kutan a'in”.

Li Santil hu

²⁹ Laj Moisés quixye reheb laj Leví: —Saꞌ li cutan aꞌin xakabanbilex chi cꞌanjelac chiru li Ka̱cuaꞌ Dios chokꞌ aj tij. Li Dios texrosobtesi saꞌ li cutan aꞌin xban nak xeba̱nu li cꞌaꞌru quixye. Xecamsi li queꞌkꞌetoc re li ra̱tin li Dios usta e̱ras, usta e̱ri̱tzꞌin, usta le̱ ralal e̱cꞌajol, chan.

Éxodo 32:29 ပူးပေါင်းရင်းမြစ်များ

San Mateo 10:37

“Li q'axal naxra li xna' malaj li xyuwa' chiwu laa'in, a'an moko xk'ulub' ta wank cho'q intzolom. Ut ani q'axal naxra li ralal xk'ajol chiwu laa'in, a'an moko xk'ulub' ta wank cho'q intzolom.

Zacarías 13:3

Ut wi wank junaq li toj na'aatinak jo' propeet, taayehe'q re xb'aaneb' li xna' xyuwa': «Laa'at tatkamq, xb'aan naq tik'ti' li yookat xyeeb'al sa' xk'ab'a' li Qaawa'». Ut eb' li xna' xyuwa' te'xkamsi chi ch'iich' naq yooq chi aatinak jo' propeet aj b'alaq'.

Proverbios 21:3

Xb'aanunkil li usilal ut li tiikilal, q'axal loq' cho'q re li Qaawa' chiru chixjunil li k'atb'il mayej.

Éxodo 32:28

Eb' li ralal xk'ajol laj Leví ke'xpaab' li xtaqlankileb' xb'aan laj Moisés, ut sa' li kutan a'an ke'kamk tana lajeek'aal xwaqxaq o'q'ob' (3,000) chi winq sa' li tenamit.

Éxodo 32:30

Sa' li kutan jun chik kixye laj Moisés reheb' li tenamit: “Makach'in xnimal li maak xeb'aanu. Anaqwan tintaqe'q wi' chik rik'in li Qaawa': mare chan naq tixkuy eemaak”.

2 Crónicas 35:3

Ut kixye reheb' laj Leví li neke'xtzol chixjunileb' laj Israel ut xq'axtesihomeb' rib' chi k'anjelak chiru li Qaawa': “K'ehomaq li Loq'laj Kaax sa' rochoch li Yos li kixyiib' laj Salomón, ralal laj David, awab'ej re Israel, xb'aan naq ink'a' chik teepaqo. Anaqwan k'anjelanqex chiru li Qaawa' leeYos ut chiruheb' laj Israel, li xtenamit.