Éxodo 32:28 - Q'eqchi Bible

²⁸ Eb' li ralal xk'ajol laj Leví ke'xpaab' li xtaqlankileb' xb'aan laj Moisés, ut sa' li kutan a'an ke'kamk tana lajeek'aal xwaqxaq o'q'ob' (3,000) chi winq sa' li tenamit.

Li Santil hu

²⁸ Eb laj Leví queꞌxba̱nu li cꞌaꞌru quixye laj Moisés. Ut oxib mil chi cristian queꞌxcamsi saꞌ li cutan aꞌan.

Éxodo 32:28 ပူးပေါင်းရင်းမြစ်များ

Deuteronomio 33:9

Q'axal kate'xra chiruheb' li xna' xyuwa'eb', jo' ajwi' chiruheb' li rech'alal ut eb' li ralal xk'ajoleb'. Ke'xk'uula sa' xch'ooleb' laawaatin ut ke'xpaab' laaSumwank.

1 Corintios 10:8

Mooko'b'eetak jo' ke'xb'aanu eb' a'an, ut ke'kamk oxib' xka'k'aal mil chiru jun kutan.

Números 16:41

Sa' li kutan jun chik, chixjunil li xkomonileb' laj Israel ke'xwech' laj Moisés ut laj Aharón rik'in xyeeb'al: “Laa'ex xekamsiheb' li xtenamit li Qaawa'”, chankeb'.

Éxodo 32:27

Toja' naq kixye reheb': “Jo'ka'in naxye li Qaawa', xYos laj Israel: «B'ak'omaq leech'iich' cheesa' chejunilex, chesuti li na'ajej a'in sa' junqre kab'l, ut li junjunq chixkamsi li ras, li riitz'in, li ramiiw ut li rech'alal»”.

Éxodo 32:29

Kixye ut laj Moisés: “Sa' li kutan a'in laa'ex xexxaqab'aak chi k'anjelak cho'q aj tij chiru li Qaawa', xb'aan naq li junjunq xkamsi li ralal, li ras malaj li riitz'in. Jo'kan naq li Qaawa' tixk'e eere li rosob'tesihom sa' li kutan a'in”.

Éxodo 32:35

Ut li Qaawa' kixrahob'tesiheb' li tenamit xmaak li ch'ina wakax yiib'anb'il chaq xb'aan laj Aharón.

Números 25:7

Naq kiril a'an, laj Pinjás, ralal laj Elehasar ut ri laj Aharón laj tij, ki'elk sa' xyanqeb' li ch'utch'uukeb' aran, chi wank jun xjutz' che' sa' ruq',

Salmos 99:8

At Qaawa', at qaYos, laa'at kasumeheb' ut kak'ut naq laa'at jun Yos aj uxtaan rik'ineb', us ta kak'eheb' chi xtojb'al li xmaakeb'.

Números 35:8

Eb' li tenamit a'in li te'xk'e eb' laj Israel cho'q reheb' laj Leví, te'xk'e jo' chanru xk'ihal kitz'aqk li junq teep: li yo'oon kitz'aqk, yo'oon tixk'e; li kach'in kitz'aqk, kach'in ajwi' tixk'e”, chan li Yos.