Éxodo 30:13 - Q'eqchi Bible

¹³ A'an a'in li tento tixk'e li junjunq li wank sa' ajl: waqib' oons chi plaat (jo' neke'b'isok sa' li Loq'laj Na'ajej, naraj naxye junmay chi ób'olo li junjunq chi tumin); waqib' oons chi plaat li tento taak'eemanq re li Qaawa'.

Li Santil hu

¹³ Chixjunileb li ac xeꞌajla̱c teꞌxqꞌue caꞌchꞌin ma̱ media onza li plata chokꞌ xmayejeb. Aꞌan li xqꞌuial lix mayejeb teꞌxqꞌue cue la̱in li Ka̱cuaꞌ joꞌ nequeꞌbisoc saꞌ li tabernáculo.

Éxodo 30:13 ပူးပေါင်းရင်းမြစ်များ

Levítico 27:25

“Chixjunil li taatojmanq jo' chanru neke'b'isok sa' li Loq'laj Na'ajej.

Números 3:47

taaxok o'otq chi tumin sa' xk'ab'a' li junjunq aj Israel, sa' li Loq'laj Na'ajej, jo' chanru li xtz'aq chi plaatil.

Ezequiel 45:12

“Jo'kanaq ajwi' li xb'isb'al li iiq: junmay jeras, a'an jun siklo. Jun siklo, a'an junlaju graam, ut oxk'aal siklo, a'an jun mina.

San Mateo 17:24

Naq ke'wulak Kafarnaúm, eb' laj titz'ol toj ke'nach'ok rik'in laj Pedro ut ke'xye re: —Ma ink'a' naxk'e li toj laj tzolol eere?

Éxodo 38:26

li junjunq chi winq li ak xket junmay chihab' kixk'e waqib' graam chi plaat, jo' chanru neke'b'isok sa' li Loq'laj Na'ajej, sut chixjunileb' li k'eeb'ileb' sa' ajl a'aneb' oxib' xjunlajuk'aal xkab' o'q'ob' mil rik'in lajeeb' xwaqxaqk'aal xkab' o'q'ob' (603,550).

San Mateo 27:24

Kiril laj Pilaat naq maak'a' na'ok wi' ut jun mululij ib' yo chi tiklaak; toja' naq kixpatz' xch'ajleb', kixch'aj li ruq' chiruheb' li tenamit ut kixye: —Maak'a' inmaak laa'in rik'in xkik'el li tiikil winq a'in. Laa'ex yaal eere sa' xb'een.

San Mateo 21:12

Ki'ok li Jesus sa' rochoch li Yos ut kirisiheb' chixjunileb' li yookeb' chi k'ayink ut chi loq'ok chisa'. Kixpak'lusihatq li xmeexeb' laj jalol ru tumin ut li xna'ajeb' laj k'ay mukuy.

Génesis 23:15

“Wa', chinaawab'ihaq. Jun o'q'ob' (400) chi tumin plaat, a'an xtz'aq li na'ajej a'an. Ma nim ta a'an cho'q aawe ut cho'q we? Chamuqaq aran laakamenaq”, chan.

Éxodo 30:14

Chixjunileb' li wankeb' sa' ajl, naraj naxye eb' li ak xe'xket junmay chihab', tento te'xk'e li toj re li Qaawa'.

Éxodo 38:24

Chixjunil li oor li ki'oksimank re xyiib'ankil li Loq'laj Na'ajej, a' li mayejanb'il oor, a'an junmay kintal rik'in o'laju xlajeek'aal liib'r, jo' chanru neke'b'isok sa' li Loq'laj Na'ajej.

Levítico 5:15

“Li poyanam taamaakob'q chi ink'a' rajom xch'ool ut taak'utunq naq wank xmaak xb'aan naq xb'alaq'ik sa' li k'a'aq ru jwal loq' chiru li Qaawa', tento tixchap chaq junaq reheb' li xkarneer li maak'a' reek', tixk'e cho'q xmayej re xtojb'al rix li xmaak, ut tixk'am chiru li Qaawa'. Li xtz'aq li karneer tento xb'irb'al rix chi plaat, jo' tz'aqal neke'b'isok sa' li Loq'laj Na'ajej b'arwi' na'uxk li mayejak chirix li maak.

Levítico 27:3

cho'q re junaq teelom aj junmay toj oxk'aal chihab' tento xtojb'al lajeeb' roxk'aal chi tumin plaat, jo' chanru neke'b'isok sa' li Loq'laj Na'ajej;

Números 7:67

Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

Números 7:86

Eb' li lekleb' yiib'anb'il rik'in oor a'an kab'laju, nujenaqeb' chi ensens, aj lajeetq chi tumin, jo' chan ru tz'aq xtumin li artal. Chixjunil a'an: waqk'aal (120) chi tumin.

2 Reyes 12:4

Sa' jun kutan laj Johás kixye reheb' laj tij: “Xokomaq chixjunil li tumin li tento taamayejaaq sa' rochoch li Qaawa' ut li tumin na'alaak sa' xch'ooleb' li poyanam xq'axtesinkil cho'q re rochoch li Yos.

Números 18:16

Li toj a'in tento te'xk'e naq ak xe'xkooloni jun po xyo'lajikeb'; li xtz'aq a'an oob' chi tumin, jo' chanru xtz'aq li xtumin li Loq'laj Na'ajej.

2 Reyes 12:5

Li junjunq chi aj tij naru tixk'ul li tumin a'an sa' ruq'eb' laj k'anjel, re naq taak'anjelaq re xyiib'ankil chi us li rochoch li Yos b'ar yiib'aak naraj”.