Éxodo 30:1 - Q'eqchi Bible

¹ “Taayiib' ajwi' jun li artal taak'atmanq wi' li ensens. Taayiib' rik'in akasya:

Li Santil hu

¹ Ut te̱yi̱b ajcuiꞌ jun li artal riqꞌuin li cheꞌ acacia re te̱cꞌat cuiꞌ li incienso.

Éxodo 30:1 ပူးပေါင်းရင်းမြစ်များ

Apocalipsis 8:3

Kichalk jun chik li ánjel ut kixaqliik chiru li artal, wank jun sansaar oor rik'in. Ut ke'q'axtesiik re naab'al chi sununkil b'an re naq tixyeechi'i rochb'een xtijeb' chixjunileb' li sant, sa' xb'een li artal oor li wank chiru li nimajwal k'ojarib'aal.

Levítico 4:7

Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Éxodo 40:5

Taak'e li artal re li ensens, yiib'anb'il rik'in oor, chiru li xLoq'laj Kaaxil li Sumwank ut taat'uyub' li t'ilkem sa' rokeb'aal li Loq'laj Muheb'aal.

2 Crónicas 26:16

Ab'anan naq kinimank li xwankil, kiq'etq'eto'k toj reetal kixsik' xrahilal: kixq'etq'eti rib' chiru li Qaawa' li xYos, xb'aan naq ki'ok sa' rochoch li Qaawa' chi k'atok k'ajpom sa' xb'een li artal.

1 Reyes 6:20

Li Santil Na'ajej nab'isok numenaq oob' moqoj roq, numenaq oob' moqoj ru ut numenaq oob' moqoj xteram. Kixtz'ap ru rik'in tz'aqal oor, ut chiru li q'axal Sant kixyiib' jun li artal rik'in yaw ut kixletzi rik'in oor.

Levítico 4:18

Rik'in li kik' tixyul b'ayaq eb' li xxukub' li artal li wank chiru li Qaawa', sa' li Loq'laj Muheb'aal. Ut chixjunil li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Éxodo 30:10

Jun sut chiru li chihab' laj Aharón tixtz'aama xkuyb'aleb' xmaak li tenamit, sa' xb'eeneb' li xxuk li artal a'in; rik'in xkik'el li mayejanb'il xul tixtz'aama aran xkuyb'aleb' li xmaak li tenamit jun sut chiru li chihab': jo'kan taa'uxmanq chi junelik. Q'axal q'axtesinb'ilaq re li Qaawa' li artal a'in”.

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

Éxodo 30:2

kaaxukuutaq, wiib' k'utub' li xnimal li roq ut jo'kan ajwi' li xnimal li ru, kaahib'aq k'utub' li xteram. Junajaq ru li artal rik'ineb' li xxukub' naq taayiib'.

Éxodo 35:15

li artal re li ensens ut eb' li che' re xpaqonkil; li aseeyt re li yuluk, li sununkil ensens, li nimla t'ikr li taak'eemanq sa' rokeb'aal li Loq'laj Muheb'aal,

Números 3:31

A'aneb' a'in li neke'ilok re li Loq'laj Kaax, li meex, li xna'aj kanteel, eb' li artal, li k'a'aq re ru li nak'anjelak re loq'onink, li loq'laj t'ikr ut chixjunil li xk'anjelankil a'an.

1 Reyes 6:22

Chi jo'kan laj Salomón kiruutz'u'uji xsa' chixjunil li ochoch rik'in oor, chalen taq'a toj taqe'q.

1 Reyes 7:48

Laj Salomón kixk'e ajwi' chi yiib'aak chixjunil li k'a'aq re ru wank sa' rochoch li Qaawa': li artal yiib'anb'il rik'in oor, li meex li nak'eemank wi' li mayejanb'il wa,

1 Crónicas 6:49

Laj Aharón ut eb' li ralal xk'ajol a'aneb' li neke'k'atok mayej sa' xb'een li artal reheb' li k'atb'il xul ut sa' xb'een li artal re li k'ajpom. Neke'xb'aanu chixjunil li k'anjel aajel ru re li Loq'laj Na'ajej ut neke'mayejak re xtojb'al rix li xmaakeb' laj Israel, jo' chanru kixye laj Moisés laj k'anjel chiru li Yos.

1 Crónicas 28:18

Jo'kan ajwi' kixq'axtesi chaab'il oor li taak'anjelaq cho'q re li artal b'arwi' taak'atmanq li pom, a' yaal chanru li raalal; ut cho'q re li b'eleb'aal ch'iich' ut eb' li kerubín li te'xmuheela li xLoq'laj Kaaxil li xSumwank li Qaawa' rik'ineb' li xxik'.

Ezequiel 41:22

junaq artal yiib'anb'il rik'in che', oob' k'utub' li xb'isb'al sa' xkaaxukuutal ut wuqub' k'utub' li xteram. Li rub'elankil, li xk'atq ut li xxuk junes che'. Li winq kixye we: “A'an a'in li meex li wanq chiru li Qaawa'”, chan.

Éxodo 31:8

li meex rochb'eeneb' li xk'anjelob'aal, li xna'aj kanteel rochb'eeneb' li xk'anjelob'aal, li artal re li ensens,

Éxodo 39:38

li artal yiib'anb'il rik'in oor, li aseeyt re yuluk, li sununkil ensens ut li nimla t'ikr taak'eemanq sa' rokeb'aal li Muheb'aal;

Números 4:11

“Sa' xb'een li artal yiib'anb'il rik'in oor te'xhel junaq kaqi t'ikr, te'xtz'ap rik'in junaq tz'uum q'un ru, ut te'xk'e li che' re xpaqonkil.