Éxodo 3:9 - Q'eqchi Bible

⁹ Ab'i, li xkawil yaab'eb' laj Israel xwulak toj wik'in, ut xwil ajwi' naq k'ajo' rahob'tesinb'ileb' xb'aaneb' laj Ejiipt li neke'numtaak sa' xb'eeneb'.

Li Santil hu

⁹ Nacuabi nak yo̱queb chi ya̱bac ut yo̱queb chixkꞌokonquil ribeb. Ut ninnau ajcuiꞌ chanru nak nequeꞌrahobtesi̱c xbaneb laj Egipto.

Éxodo 3:9 ပူးပေါင်းရင်းမြစ်များ

Éxodo 2:23

K'iila kutan chik xnumik a'an kikamk li awab'ej re Ejiipt. Japjookeb' re chi yaab'ak ut chi q'oqonk eb' laj Israel xb'aan li xnimal rahilal yookeb' chi xk'ulb'al aran naq wankeb' chi munil, ut li xq'oqeb' kitaqe'k toj rik'in li Yos.

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

Éxodo 1:11

Toja' naq ke'xxaqab'eb' aj taqlanel re xrahob'tesinkileb' laj Israel rik'in kawil k'anjel, ut eb' laj Israel ke'xyiib' cho'q re laj Parahón eb' li tenamit-k'uuleb'aal, Pitón ut Ramsés xk'ab'a'.

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.

Eclesiastés 4:1

Chirix chik a'an xink'e reetal naq naab'aleb' neke'rahob'tesiik sa' ruuchich'och', ut eb' laj rahob'tesinel a'aneb' li wankeb' xwankil. Eb' li rahob'tesinb'ileb' yookeb' chi yaab'ak, ab'an maajun nak'ojob'ank xch'ooleb'.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Génesis 16:11

K'e reetal, wankat sa' yu'am; taawanq jun aak'uula'al, ut a'an aj Ismael taak'e cho'q xk'ab'a', xb'aan naq li Yos xatrab'i sa' laarahilal.

Deuteronomio 26:7

Toja' naq laa'o kiqapatz' xk'ab'a' li Qaawa', li xYos eb' li qana' qayuwa', ut li Qaawa' kirab'i li xyaab' qakux; kiril xtoq'ob'aal qu ut kixk'e reetal li qarahob'tesinkil ut li qatawasinkil.

1 Samuel 9:16

“Wulaj, sa' ajwi' li honal a'in, tintaqla aawik'in jun li winq aj Benjamín. Taayul jo' xjolomil lintenamit Israel, ut a'an taakoloq re lintenamit sa' ruq'eb' laj Filistea, xb'aan naq xwil li xtoq'ob'aal ruheb' lintenamit, ut li xkawil yaab'eb' xwulak wik'in”.

2 Reyes 13:4

Ab'an laj Johakás kitijok chiru li Yos re taatenq'aaq, ut li Qaawa' kirab'i li xtz'aamahom xb'aan naq naril li xrahob'tesinkileb' laj Israel xb'aan li awab'ej re Aram.

Génesis 31:12

Ut a'an xye we: «Taqsi laawilob'aal ut k'e reetal naq chixjunileb' li teelom karneer li neke'b'atz'unk junes raqax, ch'ulak ut tzipix rixeb'. Xb'aan naq xwil chixjunil li xb'aanu aawe laj Labán.

Éxodo 1:8

Aran Ejiipt kiwakliik jalan chik li awab'ej li maak'a' naxnaw chirix laj José.

Éxodo 2:25

Kirileb' li ralal xk'ajol laj Israel ut kirusilaheb'.

2 Reyes 20:5

“Sutq'in ut ye re laj Esekías, li xjolomil lintenamit: «Jo'ka'in xye li Qaawa', xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'.

Nehemías 9:9

Laa'at kak'e reetal li xtoq'ob'aal ruheb' li qana' qayuwa' aran Ejiipt ut kawab'i li xyaab' xkuxeb' chire li Kaqi Palaw.

Salmos 9:14

At Qaawa', chawuxtaana wu, chawil taxaq li rahilal wankin wi' xb'aaneb' li xik' neke'ilok we; chinaawisi taxaq rub'el xwankil li kamk,