Éxodo 3:6 - Q'eqchi Bible

⁶ Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Li Santil hu

⁶ Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Éxodo 3:6 ပူးပေါင်းရင်းမြစ်များ

San Lucas 20:37

Ut chirix li xwaklijikeb' chi yo'yo li kamenaq, laj Moisés ajwi' kiyehok xyaalal rik'in li kik'ulmank sa' li k'ix, naq kixye naq li Qaawa' a'an li xYos laj Abrahán, li xYos laj Isahak ut li xYos laj Jakob.

San Mateo 22:32

«Laa'in li xYos laj Abrahán, li xYos laj Isahak ut li xYos laj Jakob»? Maawa' xYos li kamenaqeb', xYos b'an li yo'yookeb'.

San Marcos 12:26

Ut chirix li xwaklijikeb' chi yo'yo li kamenaq, ma ink'a' eerilom sa' li xhu laj Moisés li b'arwan xk'ulmank sa' li k'ix, chanru naq li Yos kixye re: «Laa'in li xYos laj Abrahán, li xYos laj Isahak ut li xYos laj Jakob»?

Éxodo 4:5

“B'aanu chi jo'kan chiruheb' laj Israel re naq te'xpaab' naq li Qaawa' xk'utb'esi rib' chawu, a' li xYos li xxe'toonil yuwa'eb', li xYos laj Abrahán, laj Isahak ut laj Jakob”, chan li Qaawa'.

Hechos 7:32

«Laa'in li xYos eb' laana' laayuwa'; laa'in xYos laj Abrahán, laj Isahak ut laj Jakob», chan. Nasiksotk laj Moisés ut kixxiwa rilb'al.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

1 Reyes 18:36

Sa' xhonalil li mayejak, laj Elías li propeet kijilok ut kixye: “At Qaawa', xYos laj Abrahán, laj Isahak ut laj Israel: chik'utunq anaqwan naq laa'at li xYos laj Israel ut laa'in aj k'anjel chawu, ut laa'at xattaqlank we chi xb'aanunkil chixjunil a'in.

Jueces 13:22

ut kixye re li rixaqil: “Ch'olch'o naq tookamq, xb'aan naq xqil ru li Yos”, chan.

Jeremías 32:38

A'anaqeb' lintenamit ut laa'inaq li xYoseb'.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Jeremías 24:7

Tink'e xna'leb'eb' re naq te'xnaw naq laa'in li Qaawa': a'anaqeb' lintenamit ut laa'inaq li xYoseb', xb'aan naq te'sutq'iiq chaq wik'in chi anchaleb' xch'ool.

Salmos 132:2

Jultikaq aawe li xyehom sa' jurament, at xNimajwal Yos laj Jakob:

1 Reyes 19:13

Naq kirab'i a'in laj Elías, kixtz'ap li ru rik'in li xb'atb'al, ki'elk sa' li ochoch pek ut kikanaak chi xaqxook sa' li okeb'aal. Toja' naq kirab'i jun xyaab' kuxej li kixye re: “K'aru yookat arin, a Elías?”.

Éxodo 29:45

Tinhilanq sa' xyanqeb' laj Israel ut laa'inaq li xYoseb'.

Génesis 32:9

Chirix chik a'an laj Jakob kixye: “At xYos linyuwa' Abrahán ut xYos linyuwa' Isahak, at Qaawa' li xaye we: «Sutq'in sa' laana'aj, sa' laatenamit, ut laa'in chaab'ilaqin aawik'in»,

Génesis 31:42

Wi ta li xYos laj Abrahán ut li xYos laj Isahak linyuwa' ink'a' xinxtenq'a, relik chi yaal naq xinaataqla raj chaq anaqwan chi maak'a' wank we. Ab'anan li Yos xril xtoq'ob'aal wu ut lintawajik, ut ewer chi q'eq xatxq'us”, chan laj Jakob.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 17:3

Toja' naq laj Abrán kixhupub' rib' ut ki'aatinaak xb'aan li Qaawa' chi jo'ka'in:

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 12:1

Li Qaawa' kixye re laj Abrán: “Elen sa' laana'aj, sa' xyanqeb' laakomon, sa' rochoch laayuwa', ut ayu sa' li na'ajej tink'ut chawu.

Hebreos 12:21

Q'axal xiwajel li k'aru yookeb' chi rilb'al. Laj Moisés ajwi' kiyehok: “Ninsiksotk xb'aan inxiw”.

Hechos 7:34

Xwil chi us chanru naq narahob'tesiik lintenamit li wank Ejiipt; xwab'iheb' chi yaab'ak ut xinkub'e chaq chi xkolb'aleb'. Jo'kan utan kim xb'aan naq tatintaqla Ejiipt».

San Lucas 5:8

Naq kiril a'an laj Simón Pedro, koxkut rib' chi roq li Jesus ut kixye: —Elen chink'atq, at Qaawa', xb'aan naq laa'in jun winq aj maak!

San Mateo 17:6

Naq ke'rab'i a'in eb' li xtzolom, ke't'ane'k chi hupu ut k'ajo' naq ke'xiwak.

Zacarías 8:8

ut tink'ameb' chaq re naq te'hilanq Jerusalén. A'anaqeb' lintenamit ut laa'inaq li xYoseb': Yos re li tiikilal ut tiikil ch'oolej”.

Ezequiel 11:20

re naq te'wanq jo' naxye linchaq'rab', te'xpaab' li waatin ut te'xyu'ami. Chi jo'kan a'anaqeb' lintenamit ut laa'inaq li xYoseb'.

Nehemías 9:9

Laa'at kak'e reetal li xtoq'ob'aal ruheb' li qana' qayuwa' aran Ejiipt ut kawab'i li xyaab' xkuxeb' chire li Kaqi Palaw.

Ester 3:4

Ut rajlal kutan neke'xye re li aatin a'in, ab'an laj Mardokeo ink'a' naxpaab'eb'. Toja' naq koxe'xseeraq'i re laj Amán, re rilb'al laj Mardokeo ma toj xaqxo sa' li raatin, xb'aan naq ak xyehom reheb' naq a'an aj Judiiy.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

Génesis 24:12

Ut kitijok chi jo'ka'in: “At Qaawa', laa'at li xYos laj Abrahán laj eechal we! Chak'e taxaq naq us tin'elq chiru li kutan a'in ut chawusila ru laj eechal we.

Éxodo 3:16

Ayu, taach'utub'eb' li xcheekelaleb' laj Israel ut taaye reheb': «Li Qaawa', li xYos leexe'toonil yuwa', li xYos laj Abrahán, laj Isahak ut laj Jakob xk'ut rib' chiwu ut xye we: Xulexwil ut xink'e reetal chixjunil li xek'ul Ejiipt.

Éxodo 15:2

Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

Génesis 28:17

Taaxiwaq naq kixye: “Q'axal xiwajel li na'ajej a'in: a'an rochoch li Yos ut rokeb'aal li choxa!”, chan.

Éxodo 33:20

Ab'an ninye aawe naq li xnaq' wu ink'a' tatruuq chi rilb'al, xb'aan naq maajun naru rilb'al chi toj tkanaaq chi yo'yo”.

Deuteronomio 6:3

Ab'i, Israel, ut yal aaq'e chi xyu'aminkil, re naq sa tatwanq ut tatk'ihanq sa' li xq'emal na'ajej, jo' kixyeechi'i aawe li Qaawa', li xYos eb' laana' laayuwa'.