Éxodo 3:2 - Q'eqchi Bible

² Aran li x'ánjel li Qaawa' kixk'ut rib' chiru kama' raq'xam, sa' xyi jun toon chi k'ix: laj Moisés ki'ilok ut kixk'e reetal naq li k'ix yo xxamlel, ab'anan ink'a' na'oso'k.

Li Santil hu

² Aran quixcꞌutbesi rib lix ángel li Ka̱cuaꞌ Dios chiru laj Moisés saꞌ rakꞌ li xam saꞌ li jun to̱n chi qꞌuix. Laj Moisés quiril nak yo̱ xxamlel ut incꞌaꞌ na-osoꞌ li qꞌuix.

Éxodo 3:2 ပူးပေါင်းရင်းမြစ်များ

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

San Marcos 12:26

Ut chirix li xwaklijikeb' chi yo'yo li kamenaq, ma ink'a' eerilom sa' li xhu laj Moisés li b'arwan xk'ulmank sa' li k'ix, chanru naq li Yos kixye re: «Laa'in li xYos laj Abrahán, li xYos laj Isahak ut li xYos laj Jakob»?

Deuteronomio 33:16

rik'in li q'axal chaab'il wank sa' ruuchich'och' jo'wi' rik'in li rusilal Li nawank chaq sa' li k'ix. Chikub'eeq chaq chixjunil a'in sa' xb'een xjolom laj José, chihilanq chi xpeekem li sik'b'il ru sa' xyanqeb' li ras riitz'in!

San Lucas 20:37

Ut chirix li xwaklijikeb' chi yo'yo li kamenaq, laj Moisés ajwi' kiyehok xyaalal rik'in li kik'ulmank sa' li k'ix, naq kixye naq li Qaawa' a'an li xYos laj Abrahán, li xYos laj Isahak ut li xYos laj Jakob.

Salmos 66:12

Yalaq ani xakanab' chi numtaak sa' qab'een, xoonumje'k sa' xam jo'wi' sa' ha'; ab'anan junpaat xoohaak'e sa' helhookil na'ajej.

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Éxodo 3:16

Ayu, taach'utub'eb' li xcheekelaleb' laj Israel ut taaye reheb': «Li Qaawa', li xYos leexe'toonil yuwa', li xYos laj Abrahán, laj Isahak ut laj Jakob xk'ut rib' chiwu ut xye we: Xulexwil ut xink'e reetal chixjunil li xek'ul Ejiipt.

Daniel 3:27

Tikto eb' laj k'anjel chiru li awab'ej, eb' li xninqal ru winq, eb' laj jolominel ut eb' laj k'ehol xna'leb' li awab'ej ke'jilok chi xk'atqeb' li oxib'eb' re rilb'aleb' chi us; ut ke'xk'e reetal naq li xam maak'a' xb'aanu reheb', moko k'atalkeb' ta li rismaleb', tz'aqal re ru li xb'aataleb', ut moko wank ta xb'ook li sib' chiruheb'.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Romanos 8:3

Naraj naxye, li k'aru ch'a'aj xb'aanunkil chiru xChaq'rab' laj Moisés xb'aan naq na'aaleek li tz'ejwalej, a'an li ki'uxk xb'aan li Yos: kixtaqla chaq li Ralal jo' qech winqilal na'aaleek, ut a'an kixk'am qach'och'el qasululel, re risinkil li maak. Chi jo'kan li Yos kixraq aatin sa' xb'een li maak

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

2 Ts 1:7

ab'an laa'ex li rahob'tesinb'ilex texk'ehe'q chi hilank qochb'een naq li Qaawa' Jesus tixk'ut rib'. A'an taak'ulunq sa' choxa rochb'eenaqeb' li x'ánjel li wankeb' xwankil,

Génesis 21:17

Kirab'i li Yos li xyaab' xkux li ch'ina'al ut li x'ánjel li Qaawa' kiraatina chaq lix Agar toj sa' choxa ut kixye re: “K'aru xak'ul, a Agar? Matxiwak, xb'aan naq li Yos xrab'i xyaab' xkux li ch'ina'al aran b'arwi' wank.

Génesis 22:11

A'ut li x'ánjel li Qaawa' kiraatina chaq toj sa' choxa: “Abrahán, Abrahán!”, chan re. Ut a'an kixye: “We'kin arin”.

Éxodo 19:18

Nab'uquqnak xsib'el li tzuul xb'aan naq li Qaawa' xkub'eek sa' xb'een a'an sa' xam. Nataqe'k xsib'el jo' xsib'el junaq oorn, ut chixjunil li tzuul nahich'lok chi q'axal kaw.

Éxodo 23:20

“K'e reetal, laa'in tintaqla jun lin'ánjel chawu re naq tatril sa' b'e ut tatxb'eres toj sa' li na'ajej li xinkawresi cho'q aawe.

Éxodo 24:17

Li xloq'al li Qaawa' kik'utunk chiruheb' li ralal xk'ajol laj Israel kama' xiwajel xam sa' xb'een li tzuul.

Jueces 13:13

Kisumeek xb'aan li x'ánjel li Yos: “A'an tento tixra rib' chiru chixjunil li xinye re li ixq a'in.