Éxodo 3:13 - Q'eqchi Bible

¹³ Ab'anan laj Moisés kixye re li Yos: “Wi laa'in tinxik rik'ineb' laj Israel ut tinye reheb': «Li xYos leexe'toonil yuwa' xinxtaqla chaq eerik'in», eb' a'an te'xpatz' we: «Ani li xk'ab'a'?». Toja' naq k'aru tinye reheb'?”.

Li Santil hu

¹³ Laj Moisés quixye re li Dios: —Nak tincuulak riqꞌuineb laj Israel, tinye reheb nak lix Dios lix xeꞌto̱nil yucuaꞌeb xtaklan cue. Ut eb aꞌan teꞌxpatzꞌ cue, “¿Ani xcꞌabaꞌ li Dios aꞌan?” Ut, ¿cꞌaꞌru tinye reheb? chan laj Moisés.

Éxodo 3:13 ပူးပေါင်းရင်းမြစ်များ

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

San Mateo 1:21

Taawanq jun xk'uula'al ut Jesus taak'e cho'q xk'ab'a', xb'aan naq tixkol li xtenamit chiru li xmaakeb'”.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Proverbios 30:4

Ani kitaqe'k sa' choxa ut kikub'e chaq wi' chik? Ani kixmoch'o li iq' sa' li ruq'? Ani kilanok re li ha' sa' t'ikr ut kixk'ojob' xnub'ajlil li ruuchich'och'? Ye we ani xk'ab'a' a'an ut ani xk'ab'a' li ralal.

Éxodo 3:14

Kichaq'ok li Yos ut kixye re laj Moisés: “Laa'in li Laa'inin”. Ut kixye ajwi': “Jo'ka'in taaye reheb' laj Israel: «Laa'inin xtaqlank chaq we eerik'in»”.

Génesis 32:29

Kixpatz' laj Jakob: “B'aanu usilal, ye we laak'ab'a'”, chan. Ab'an li winq kixye: “K'a' aj e naq nakapatz' link'ab'a'?”. Ut kirosob'tesi aran.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Jueces 13:17

Kixye laj Manóhaj re li x'ánjel li Qaawa': “Ani laak'ab'a' re naq jo'q'e taatz'aqloq ru laawaatin, taaqab'anyoxi chawu?”, chan.

Jueces 13:6

Koho li ixq chi xyeeb'al re li xb'eelom: “Jun li xtaql li Yos xk'ulunk wik'in. K'ajo' naq x'ok ink'a'uxl xb'aan! Kama' li x'ánjel li Yos na'ilok. Moko xinpatz' ta b'ar xchalk chaq chi moko a'an xye we li xk'ab'a'.

Éxodo 15:3

Li Qaawa' a'an q'axal kaw rib'; Qaawa' Yos: a'an li xk'ab'a'.

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Éxodo 3:15

Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

Éxodo 7:16

Toxaaye re: «Li Qaawa', li xYoseb' laj Hebreo, xinxtaqla chaq aawik'in chi xyeeb'al aawe: Kanab'eb' chi xik lintenamit re naq tine'xloq'oni chaq sa' li chaqich'och'. Ab'an chalen toj anaqwan ink'a' xawaj rab'inkil.

Isaías 52:6

Ab'anan taawulaq xkutankil naq lintenamit te'xnaw tz'aqal link'ab'a' ut te'xtaw xyaalal naq laa'in xin'aatinak rik'ineb', ut we'kin arin!”.