Éxodo 28:12 - Q'eqchi Bible

¹² Chirix chik a'an taak'e xkab'ichaleb' li pek sa' xb'een xteleb' li efod, re inpatz'b'al xb'aaneb' li ralal xk'ajol laj Israel; chi jo'kan laj Aharón tixk'am xk'ab'a'eb' sa' xb'een xkab'ichaleb' li xtel, re xpatz'b'aleb' chiwu laa'in li Qaawa'.

Li Santil hu

¹² Te̱letz li pec aꞌan, saꞌ xbe̱n xtel li rakꞌ efod li naxcꞌul cuiꞌ rib li cuib pere̱l retalil li ralal xcꞌajol laj Israel. Chi joꞌcan li pec aꞌan junelic ta̱cua̱nk saꞌ xbe̱n xtel laj Aarón re xjulticanquil chiru li Ka̱cuaꞌ li ralal xcꞌajoleb laj Israel.

Éxodo 28:12 ပူးပေါင်းရင်းမြစ်များ

Éxodo 28:29

Chi jo'kan laj Aharón tixk'am chire xch'ool li xk'ab'a'eb' li ralal xk'ajol laj Israel, chiru li pektoral re li q'ehink, rajlal naq taa'ok sa' li Loq'laj Na'ajej, re xpatz'b'aleb' junelik chiru li Qaawa'.

Josué 4:7

teeye reheb': «Li xha'ul li nima' Jordán kixjach rib' chiru li xLoq'laj Kaaxil li Sumwank naq kinume'k junpak'al. Eb' li pek a'in a'an reetalil chiruheb' laj Israel, re naq jultikaq reheb' chi junelik li k'aru kixb'aanu li Yos»”.

Números 31:54

Ab'an laj Moisés ut laj Elehasar laj tij ke'xk'ul li oor sa' ruq'eb' li xjolomileb' laj junqmil ut eb' laj o'taqk'aal chi aj puub', ut ke'xk'am sa' li Loq'laj Muheb'aal, re xpatz'b'aleb' laj Israel.

Números 16:40

A'an jun reetalil chiruheb' laj Israel naq maajun junaq li maawa' aj tij taamayejaq pom chiru li Qaawa'; juneseb' li ralal xk'ajol laj Aharón truuq te'xb'aanu a'an. Mare anchal te'xk'ul jo' laj Koré ut eb' li xkomon, jo' yeeb'il chaq xb'aan li Qaawa' re laj Moisés.

Levítico 24:7

Sa' xb'een li junq tzol chi wa k'e li tz'aqal k'ajpom; a'an taak'anjelaq re li kaxlan wa jo' sununkil mayej, k'atb'il mayej re eepatz'b'al chiru li Qaawa'.

Hechos 10:4

Laj Kornelio kixka'ya ut k'ajo' xxiw naq kixpatz': “K'aru, at Qaawa'?”, chan. Kichaq'ok li ánjel, ut kixye: “Laatij ut laalemoox xe'taqe'k chajultikankil chiru li Yos.

San Lucas 1:72

rik'in ruxtaanankil ru li qana' qayuwa' jo'wi' rik'in xnaqik sa' xch'ool li xsantil Sumwank

San Lucas 1:54

Junelik wank sa' xch'ool li xnimal ruxtaan; jo'kan naq kolxtenq'a laj Israel li xmoos,

Isaías 62:6

At Jerusalén, sa' xb'eeneb' laasuttz'akil xink'eheb' aj k'aak'alenel li ink'a' te'kanaaq chi ch'anch'o chi q'eq ut chi kutan. Laa'ex li nekepatz' xk'ab'a' li Qaawa', meekanab' aatinak,

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Salmos 89:19

Tz'aqal yaal naq li Qaawa' a'an laj Tenq'ahom qe, li xSant laj Israel a'an li qaRey.

Éxodo 28:7

Taawanq wiib' kok' perel sa' xb'een tel xchapomaq wi' rib'.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 12:14

Li kutan a'an a'anaq xnimal ru kutan cho'q eere, ut laa'ex teenima junelik rik'in jun ninq'e sa' xk'ab'a' li Qaawa'. Teexaqab' chi junajwa cho'q xnimal ru ninq'e.

1 Corintios 11:24

ut naq ak xyoxink chiru li Yos, kixjachi ut kixye: “A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil”.

Éxodo 28:11

Kama' naq natuqub'aak ru li pek ut nalet'exiik li kaaxt, jo'kan naq taak'e chi tz'iib'aak li xk'ab'a'eb' li ralal laj Israel sa' xb'een xkab'ichaleb' li pek a'in, che'wanq xsahob' ru yiib'anb'ilaqeb' rik'in oor.

Deuteronomio 33:12

Cho'q re laj Benjamín kixye: “At xrahom li Qaawa', hilan chi xk'atq A'an chi maak'a'aq aaxiw. Li Nimajwal taamuheelanq aawe chi junelik; rub'el xrahom li Yos wanqat chi junelik”, chan laj Moisés.

Li xHu LAJ JOB 31:36

Wi ta yaal li yookeb' xyeeb'al chiwix, us raj naq te'xtz'iib'a, ut laa'in twiiqani sa' xb'een lintel, tink'e sa' inb'een jo' junaq koroon.