Éxodo 24:8 - Q'eqchi Bible

⁸ Toja' naq laj Moisés kixchap li kik', kixrachrachi sa' xb'een li tenamit ut kixye: “Rik'in li kik' a'in xaqab'anb'il xwankil li Sumwank li xb'aanu li Qaawa' eerik'in, jo' tz'iib'anb'il sa' li hu a'in”.

Li Santil hu

⁸ Ut laj Moisés quixchap li quicꞌ li xocbil saꞌ eb li ucꞌal ut quixrachrachi saꞌ xbe̱neb li tenamit. Ut quixye: —Li quicꞌ aꞌin, aꞌan retalil li contrato li quixba̱nu li Dios e̱riqꞌuin joꞌ tzꞌi̱banbil saꞌ li hu aꞌin, chan.

Éxodo 24:8 ပူးပေါင်းရင်းမြစ်များ

Éxodo 24:6

Laj Moisés kixxok xyiijachil li kik' ut kixk'e sa'eb' li uk'al, ut li jun yiijach chik kixhoy sa' xb'een li artal.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

1 Corintios 11:25

Jo'kan ajwi' kixb'aanu rik'in li uk'leb'-sek' naq ak xraqe'k chi wa'ak: “Li sek' a'in a'an li Ak' Sumwank sa' xk'ab'a' linkik'el -chan-. Jar wa teeruk' xsa', cheb'aanu a'in re xnimankil injultikankil”.

San Marcos 14:24

Ut kixye reheb': —A'an a'in linkik'el re li Sumwank, hoyb'il sa' xk'ab'a' chixjunileb'.

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

San Lucas 22:20

Jo'kan ajwi' kixb'aanu rik'in li uk'leb'-sek', naq ak xraqe'k chi wa'ak: —Li sek' a'in a'an li Ak' Sumwank sa' xk'ab'a' linkik'el hoyb'il sa' eek'ab'a' laa'ex.

Zacarías 9:11

At Jerusalén, sa' xk'ab'a' li sumwank xinb'aanu aawik'in rik'in kik' twisiheb' chaq sa' li jul maak'a' ha' chisa' jo'k'ihaleb' li wankeb' chaq chi preexil.

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

Isaías 52:15

jo'kan ajwi' naab'aleb' li tenamit te'sachq xch'ool ut eb' li awab'ej mem aj chik te'kanaaq, xb'aan naq te'ril li maajun wa seeraq'inb'il reheb' ut te'xka'ya li maajun wa rab'ihomeb'.

Levítico 8:30

Laj Moisés kixchap ajwi' kach'in li aseeyt re yuluk ut li kik' li wank sa' xb'een li artal, ut kixrachrachi sa' xb'eeneb' laj Aharón ut eb' li ralal xk'ajol, jo' ajwi' sa' xb'een li raq'eb' jo' aj tij. Kama'an naq kirosob'tesiheb' laj Aharón jo'wi' eb' li ralal xk'ajol, ut li raq'eb' jo' aj tij.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

Josué 24:25

Sa' li kutan a'an laj Josué kixk'ojob' jun li sumwank rik'in li tenamit; kixchaq'rab'iheb' ut kixk'e xtaqlankileb' aran Sikem.

1 Reyes 8:9

Sa' li Loq'laj Kaax maak'a' chik k'a'aq re ru wank, ka'ajwi' eb' li wiib' perel chi pek li kixk'e aran laj Moisés, sa' li tzuul Horeb, a'eb' li xperpookil pek li Sumwank li kixk'ojob' li Qaawa' rik'ineb' laj Israel naq ke'elk chaq sa' li tenamit Ejiipt.

Salmos 78:36

Ab'an yal rik'in xtz'uumal reheb' ke'xnima xloq'al, ut rik'in li ru'uj raq'eb' ke'tik'ti'ik chiru.

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

Deuteronomio 5:2

“Li Qaawa' li qaYos kixk'ojob' jun Sumwank qik'in chiru li tzuul Horeb.

1 Reyes 8:21

Aran xink'e jun xna'aj li Loq'laj Kaax, b'arwi' k'uulanb'il li xSumwank li Qaawa' li kixb'aanu rik'ineb' li qana' qayuwa' naq kirisiheb' chaq sa' xteepal Ejiipt”.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Hageo 2:5

Jo' naq kinye eere sa' jurament naq kexwisi chaq Ejiipt, linmusiq' na'ochb'eenink eere: mexxiwak!