Éxodo 24:7 - Q'eqchi Bible

⁷ Moqon chik kixchap li xHuhil li Sumwank ut kixyaab'asi sa' xxikeb' li tenamit li ke'xsume: “Taaqapaab' ut taaqab'aanu chixjunil li xye li Qaawa'”, chankeb'.

Li Santil hu

⁷ Laj Moisés quixchap li hu li quixtzꞌi̱ba cuiꞌ chixjunil lix contrato li Dios. Quiril xsaꞌ li hu chiruheb chixjunileb li tenamit ut eb li tenamit queꞌxye: —Chixjunil li xye li Dios, takaba̱nu ut takapa̱b li cꞌaꞌru naxye, chanqueb.

Éxodo 24:7 ပူးပေါင်းရင်းမြစ်များ

1 Ts 5:27

Nintz'aama ut nawelaji cheru sa' xk'ab'a' li Qaawa' naq chiyaab'asimanq li hu a'in sa' xyanqeb' chixjunileb' laj paab'anel.

Colosenses 4:16

Akaq x'ilmank xsa' li hu a'in sa' eeyanq, chek'e ajwi' chi ile'k sa' li x'Iklees eb' laj Laodicea. Ut li hu xintaqla rik'ineb' laj Laodicea ilomaq ajwi' xsa' laa'ex.

Hechos 13:15

Ut naq kiraqe'k xyaab'asinkil xsa' li Chaq'rab' ut eb' li Propeet, eb' li xb'eenil li ch'utleb'aal kab'l ke'xtaqla xyeeb'al reheb': —Ex qas qiitz'in, wi wank eeraatin re xwaklesinkil xch'ooleb' li tenamit, yehomaq.

Éxodo 19:8

Ut chixjunil li tenamit wotz ke'xsume: “Taaqab'aanu jo'nimal li xye li Qaawa'”, chankeb'. Toja' naq laj Moisés kixnumsi li xyehom li tenamit chiru li Qaawa'.

Josué 24:24

Ut li tenamit ke'xye re laj Josué: “A' li Qaawa' li qaYos taaqak'anjela ru ut chiru A'an toopaab'anq”, chankeb'.

1 Reyes 8:9

Sa' li Loq'laj Kaax maak'a' chik k'a'aq re ru wank, ka'ajwi' eb' li wiib' perel chi pek li kixk'e aran laj Moisés, sa' li tzuul Horeb, a'eb' li xperpookil pek li Sumwank li kixk'ojob' li Qaawa' rik'ineb' laj Israel naq ke'elk chaq sa' li tenamit Ejiipt.

Salmos 50:5

“Ch'utub'aqeb' chiwu li neke'paab'ank we, a'eb' li xe'xk'ul xch'ooleb' linloq'laj sumwank rik'in mayej”, chan.

Salmos 78:36

Ab'an yal rik'in xtz'uumal reheb' ke'xnima xloq'al, ut rik'in li ru'uj raq'eb' ke'tik'ti'ik chiru.

Jeremías 34:13

“Laa'in, li Qaawa', xYos laj Israel, kink'ojob' jun Sumwank rik'ineb' leena' leeyuwa' naq kiwisiheb' chaq Ejiipt, b'arwi' ke'wank chaq chi munil. Ut kinye reheb':

Jeremías 42:6

A' yaal ma tixk'ul qach'ool li xsumehom li Yos malaj ut ink'a', laa'o tqapaab' li Qaawa' li qaYos, li xatqataqla wi' chi tz'aamank chi elajink. Wi too'ab'inq chiru, us too'elq”, chankeb'.

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

Malaquías 2:10

Ma ink'a' tab'i' jun ajwi' qayuwa' chiqajunilo? Ma ink'a' jun ajwi' chi Yos xyoob'tesink qe? K'a'ut naq ink'a' tiik qach'ool chiqu chiqib'il qib'? K'a'ut naq naqasach xwankil li Sumwank kixk'ojob' li Yos rik'ineb' li qana' qayuwa'?

2 Crónicas 15:14

Ke'xye xjurament chiru li Qaawa' chi kaw xyaab' xkuxeb' ut chi q'axal saheb' sa' xch'ool rik'in xyaab'eb' li pur ut xukub'.