Éxodo 23:32 - Q'eqchi Bible

³² “Maak'e aawib' sa' sum'aatin rik'ineb' li tenamit a'an chi moko rik'in li xyoseb'.

Li Santil hu

³² Joꞌcan nak me̱ba̱nu junak contrato riqꞌuineb li tenamit, chi moco te̱qꞌue xcuanquil lix dioseb.

Éxodo 23:32 ပူးပေါင်းရင်းမြစ်များ

Deuteronomio 7:2

naq li Qaawa' laaYos tixq'axtesiheb' sa' laawuq' ut taasach ruheb', tento chatz'eqtaanaheb' ut chamajewaheb' chi junajwa. Maajunaji aawib' rik'ineb' chi moko taatoq'ob'a ruheb'.

Éxodo 34:12

“Maak'e aawib' sa' sumwank rik'ineb' li wankeb' sa' li na'ajej toxat-okaq wi', re naq ink'a' tate'xra'le.

Éxodo 34:15

“Maak'e aawib' sa' sumwank rik'ineb' li wankeb' sa' li na'ajej a'an: mare anchal, naq te'xmux rib' chi xloq'oninkil li xyoseb' ut chi mayejak chiruheb', tate'xb'oq ut laa'at taatzeka li xmayejeb'.

Salmos 106:35

ke'xlaq'ab' b'an chik rib' rik'ineb' li maak'a'eb' xpaab'aal ut ke'xtzol chixjunil li neke'xb'aanu a'an.

Deuteronomio 7:16

Jo'kan utan, chasacheb' ru chixjunileb' li tenamit li tixk'e sa' laawuq' li Qaawa' laaYos; maak'e reetal xtoq'ob'aal ruheb' chi moko chaloq'oni ru li xyoseb', xb'aan naq a'anaq aara'lenkil.

2 Corintios 6:15

Chanru naq te'wanq chi sum'aatin li Kriist ut laj tza? K'aru tixwotz laj paab'anel rik'in li maak'a' naxpaab'?

Éxodo 23:13

“Chepaab' chixjunil li xinye eere. Maayaab'asi xk'ab'a' eb' li jalanil yos, chi moko teepatz' xk'ab'a'eb'.

Éxodo 23:24

Maahupub' aawib' chiru li xyoseb'. Maaloq'oniheb' chi moko taab'aanu jo' neke'xb'aanu eb' a'an; tento b'an naq taasacheb' chi junajwa ut taapuk'iheb' li xninqal eetalil.

Josué 9:7

Ke'chaq'ok eb' laj Israel ut ke'xye reheb' laj Jib: “Mare anchal nach' arin wankex. Chanru naq tqab'aanu junaq sumwank eerik'in laa'ex?”, chankeb'.

Jueces 2:2

Ab'anan tento naq laa'ex ink'a' teek'e eerib' sa' aatin rik'ineb' li wankeb' sa' li tenamit a'in, teejuk'i b'an li x'artaleb'», chankin. A'ut laa'ex ink'a' kerab'i xyaab' linkux. K'a'ut naq xeb'aanu a'an?

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Deuteronomio 20:18

re naq ink'a' te'xk'ut cheru xb'aanunkil chixjunil li tz'eqb'eetalil neke'xb'aanu eb' a'an sa' xk'ab'a' li xyoseb': texmaakob'q raj chiru li Qaawa' leeYos!

Deuteronomio 31:5

Li Qaawa' tixq'axtesiheb' sa' eeruq' ut laa'ex tento teeb'aanu reheb' jo' tz'aqal taqlanb'ilex wi' inb'aan.

Josué 10:40

Jo'ka'in naq laj Josué kireechani chixjunil li na'ajej: eb' li tzuul, Nejeb, eb' li ru taq'a ut li na'ajej wank chi xk'atq. Kixq'ax ruheb' chixjunil li awab'ej, kixsacheb' ru chixjunil li wankeb' xyu'am aran ut maajun chik kikanaak chi yo'yo, kama' yeeb'il reheb' xb'aan li Qaawa', xYos laj Israel.