Éxodo 23:20 - Q'eqchi Bible

²⁰ “K'e reetal, laa'in tintaqla jun lin'ánjel chawu re naq tatril sa' b'e ut tatxb'eres toj sa' li na'ajej li xinkawresi cho'q aawe.

Li Santil hu

²⁰ Li Dios quixye: —La̱in tintakla lin ángel chi cꞌamoc be che̱ru. Aꞌan ta̱ilok e̱re toj retal texcuulak saꞌ li naꞌajej li ac xincꞌu̱b chokꞌ e̱re.

Éxodo 23:20 ပူးပေါင်းရင်းမြစ်များ

Éxodo 33:14

Kichaq'ok li Qaawa' ut kixye re: “Laa'in tin'ochb'eeninq aawe ut tatink'e chi hilank”.

Salmos 91:11

Li Qaawa' tixtaqlaheb' li x'ánjel chatenq'ankil re naq tate'xb'eres sa' chixjunil laab'eenik.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Éxodo 14:19

Toja' naq li x'ánjel li Yos li yo chi k'amok xb'eheb' laj Israel kixjal xna'aj ut kiq'axonk chirixeb'. Jo'kan ajwi' li choql li wank chi uub'ej ki'elk aran ut koxk'e rib' chi ixb'ej:

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Éxodo 33:2

Laa'in tintaqla cheru jun li ánjel; twisiheb' laj Kanahán, laj Amor, laj Hit, laj Perés, laj Jib ut laj Jebús,

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

San Juan 14:3

Ut akaq xkohin ut xinkawresi chaq leena'aj, tinchalq wi' chik ut texink'am wik'in re naq b'ar wanqin laa'in, aran ajwi' wanqex laa'ex.

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

Josué 6:2

Ab'an li Qaawa' kixye re laj Josué: “K'e reetal, laa'in tink'e sa' laawuq' li tenamit Jerikó jo'wi' li x'awab'ej.

Números 20:16

Toja' naq laa'o kootz'aamank koo'elajink chiru li Qaawa' ut A'an kirab'i li xyaab' qakux: kixtaqla jun li x'ánjel qik'in ut koorisi chaq Ejiipt. Anaqwan wanko arin Kadés, li wank chi xnub'ajlil laana'aj.

Josué 5:13

Naq laj Josué nach' chik wank rik'in Jerikó, kiril jun li winq xaqxo chiru, wank xch'iich' maak'a' rochoch sa' ruq'. Laj Josué kinach'ok rik'in ut kixye re: “Ma qakomonat laa'at malaj xkomoneb' li xik' neke'ilok qe?”, chan re.

Éxodo 15:17

Taawoksiheb' ut taaxe'eniheb' sa' li tzuul li xak'e cho'q xna'ajeb', li xakawresi cho'q aamuheb'aal, at Qaawa', toj sa' laaloq'laj ochoch li xayiib' rik'in aawuq', at inYos.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Génesis 24:40

Toja' naq a'an kixye we: «Li Qaawa', li junelik xink'e inch'ool chi xpaab'ankil, tixtaqla li x'ánjel chawochb'eeninkil ut a'an tatxtenq'a sa' laab'eenik re naq us tat-elq. Chi jo'kan taataw rixaqil li walal sa' xyanqeb' linkomon, sa' rochoch linyuwa'.

Éxodo 15:16

“Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Éxodo 23:23

K'amolb'ehaq lin'ánjel chawu ut tatroksi sa' xch'och'eb' laj Amor, laj Hit, laj Perés, laj Kanahán, laj Jib ut laj Jebús, ut teb'insach chi junajwa.

Números 22:22

K'ajo' naq kijosq'o'k li Qaawa' xb'aan naq laj Balaham koho chirixeb' li winq. Ut naq yo chi xik laj Balaham chirix li xb'uur rochb'een wiib' li xmoos, li x'Ánjel li Qaawa' kixxaqab' rib' chiru, re xramb'al li xb'e.

Deuteronomio 33:2

ut kixye chi jo'ka'in: “Li Qaawa' xchalk chaq toj Sinaí; toj Seír kik'utunk chaq li xsaqenk, ak xkutano'k chaq chalen chiru li tzuul Parán. Rochb'een chaq k'iila o'q'ob' chi aj k'anjel chiru; sa' xnim uq' wan chaq li xxamlel li Chaq'rab'.

Josué 23:5

A' ajwi' li Qaawa' leeYos taa'aanilasinq reheb' cheru laa'ex, taarisiheb' chi junajwa, ut laa'ex teereechani li xch'och'eb', jo' kixyeechi'i eere li Qaawa' leeYos.

Josué 5:14

Kichaq'ok a'an ut kixye: “Ink'a', laa'in b'an aj jolominel reheb' li xk'iila ánjel li Qaawa'. Toja' xinchalk”, chan. Toja' naq laj Josué kixhupub' rib', kixloq'oni ut kixye re: “Laa'in aamoos, wa'. K'aru taawaj tinb'aanu?”, chan.

Zacarías 12:8

Sa' li kutan a'an tintenq'aheb' li wankeb' Jerusalén: li jwal lub'lub'eb' sa' xyanqeb', q'axal kawaqeb' chik rib' jo' laj David; ut eb' li ralal xk'ajol laj David, chanchanaqeb' li Yos, jo'kaqeb' li x'ánjel li Qaawa' chi k'amok b'e chiruheb'.