Éxodo 23:13 - Q'eqchi Bible

¹³ “Chepaab' chixjunil li xinye eere. Maayaab'asi xk'ab'a' eb' li jalanil yos, chi moko teepatz' xk'ab'a'eb'.

Li Santil hu

¹³ Cheba̱nu chixjunil li xinye e̱re. Incꞌaꞌ te̱lokꞌoni li jalanil dios chi moco te̱patzꞌ xcꞌabaꞌeb.

Éxodo 23:13 ပူးပေါင်းရင်းမြစ်များ

Josué 23:7

Meeb'on eerib' rik'ineb' li tenamit a'an li toj wankeb' sa' eeyanq. Meeyaab'a xk'ab'a' li xyoseb' chi moko teeye jurament sa' xk'ab'a'eb'. Meeloq'oni ruheb' chi moko teehupub' eerib' chiruheb',

1 Timoteo 4:16

Chawilaq aawib' ut chak'e reetal chi us li k'aru yookat chi xk'utb'al; jiiq'aq aach'ool chi xb'aanunkil a'an: wi jo'kan taab'aanu, taakol aawib' laa'at jo'eb' ajwi' li te'ab'inq aawe.

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.

Deuteronomio 4:9

Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

Oseas 2:17

Twisi sa' xch'ool li xk'ab'a'eb' laj Bahal ut maajoq'e chik tixpatz'eb' -chan li Yos-.

Deuteronomio 12:3

Juk'umaq li x'artaleb', puk'iiq li xxaqab'anb'il pekeb', k'atomaq li xtoon che' neke'xloq'oni ru, putz'ihomaq eb' li xjalam u li xyoseb', ut sachomaq li xk'ab'a'eb' sa'eb' li na'ajej a'an.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

Efesios 5:15

Jo'kan utan, k'ehomaq reetal chi us chanru leeyu'am: ink'a' jo'kaqex li maak'a'eb' xna'leb', jo'kaqex b'an li wankeb' xna'leb'.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Salmos 16:4

K'ajo' xk'ihal li xyoseb', ut sa' aanil neke'xik chirixeb'. A'ut laa'in maajaruj tinmayejaq kik' chiruheb', chi moko tinyaab'aheb' li xk'ab'a' rik'in xtz'uumal we.

Josué 23:11

Yalomaq b'i' eeq'e chi xraab'al li Qaawa' leeYos.

Josué 22:5

Ka'ajwi' a'in li nintz'aama cheru: naq teek'e eech'ool chi xpaab'ankil chi us li xtaqlahom ut li xchaq'rab' laj Moisés, laj k'anjel chiru li Qaawa'. Chera li Qaawa' leeYos, junelik chetaaqe li xb'e, chepaab' li xchaq'rab', junajaqex rik'in A'an ut chexk'anjelaq chi anchal leech'ool ut chi anchal leeraanm”.

Efesios 5:12

Xutaanal ajwi' xyeeb'al li b'arwan neke'xb'aanu eb' a'an chi muqmu.

Salmos 39:1

Re li xjolomileb' laj b'ichanel jo'wi' re laj Jedutún. Xsaalm laj David.

Deuteronomio 4:15

“K'oxlahomaq chi us li teeb'aanu: maak'a' keril ru naq kexraatina li Qaawa' sa' li tzuul Horeb sa' xyi li xam.

Números 32:38

Nebo, Bahal-Mehón (a'in yal jalb'ileb' xk'ab'a') ut Sibmá. Ut ke'xk'e xk'ab'a'eb' li tenamit ke'xwaklesi.

Éxodo 23:24

Maahupub' aawib' chiru li xyoseb'. Maaloq'oniheb' chi moko taab'aanu jo' neke'xb'aanu eb' a'an; tento b'an naq taasacheb' chi junajwa ut taapuk'iheb' li xninqal eetalil.

Éxodo 23:32

“Maak'e aawib' sa' sum'aatin rik'ineb' li tenamit a'an chi moko rik'in li xyoseb'.

Deuteronomio 4:23

Chek'e b'i' reetal, misachk sa' leech'ool li Sumwank li kixk'ojob' eerik'in li Qaawa' leeYos ut meeyiib' junaq reetalil chixjunil li k'aru xram cheru li Qaawa' leeYos,

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.