Éxodo 23:11 - Q'eqchi Bible

¹¹ ab'an sa' li xwuq taakanab' chi hilank ut chi pimo'k, re naq te'wa'aq li neb'a' li wankeb' sa' laatenamit, ut li taa'ela'anq taawa'aaq xb'aaneb' li xul li wankeb' sa' pim. Jo'kan ajwi' taab'aanu rik'in li xna'aj laa'uub' ut laa'oliiw.

Li Santil hu

¹¹ Abanan saꞌ xcuuk li chihab te̱canab chi hila̱nc li chꞌochꞌ ut me̱xoc li na-el yal xjunes re nak ta̱ru̱k teꞌtzaca̱nk li nebaꞌ li cuanqueb saꞌ le̱ tenamit, ut re ajcuiꞌ nak teꞌcuaꞌak eb li xul li cuanqueb saꞌ cꞌaleba̱l. Joꞌcan ajcuiꞌ te̱ba̱nu riqꞌuin li acui̱mk uvas ut olivos.

Éxodo 23:11 ပူးပေါင်းရင်းမြစ်များ

Levítico 25:22

Naq tex'awq sa' li xwaqxaq chihab', toj yooqex ajwi' chi xtzekankil ru leerawimq k'uulanb'il. Ut toj yooqex ajwi' chi xtzekankil a'an sa' li xb'ele chihab', toj taawulaq xq'ehil li xokok.

Levítico 25:20

“Mare teeye: «K'aru tqatzeka sa' li xwuq chihab' wi ink'a' naru too'awq chi moko tqaxok ru li qawimq?», cha'qex.

Éxodo 23:10

“Waqib' chihab' ajwi' tat-awq sa' laach'och' ut taaxok ru li awimq;

Éxodo 23:12

“Chiru waqib' kutan tatk'anjelaq, ab'an sa' li xwuq tathilanq, re naq te'hilanq laab'ooyx ut laab'uur, ut te'k'ulunq xch'ool li xyum laamoos ut li jalan xtenamit.

Números 16:14

Ink'a' xoohaak'am chaq sa' jun xq'emal ch'och', chi moko xak'e chiqeechani jun li na'ajej na'elk wi' li awimq ut li uub'. Ma nakak'oxla naq mutz'eb' li tenamit a'in? Ink'a' tooxik”, chankeb'.

Nehemías 10:31

Wi eb' laj ab'l tenamit te'xk'am chaq triiw malaj k'a'aq re ru re te'xk'ayi sa' li kutan sábado malaj sa' junaq loq'laj ninq'e, maak'a' tqaloq' chiruheb'. Ut sa' li xwuq chihab' tqakanab' chi hilank li ch'och' ut tqasach reetalil li xk'aseb' li wankeb' xk'as qik'in.

Deuteronomio 15:11

Maajoq'e te'lajq eb' li neb'a' sa' li ruuchich'och' a'in. Jo'kan naq nink'e aawe li chaq'rab' a'in: Tento taaye' laawuq' re laawas ut laawiitz'in, chatenq'a laakomon neb'a' li wank sa' rajb'al ru sa' laatenamit.

Nehemías 10:32

Kiqak'uub' ajwi' xq'axtesinkil kaaka oons chi plaat rajlal chihab' re li k'anjel na'uxmank sa' rochoch li qaYos,